شاركي في النقاش

سجلي الدخول لإضافة تعليق.

التعليقات

2,006
  1. ضحكت بنتي
    مرحبا توني ادخل :)
    انا الله يسلمج متزوجة ١٠ سنين تزوجت و انا ٢٠ و الحين ٣٠
    اول ما تزوجت كنت عارفة ان عندي تكيس من قبل الزواج لاني نزفت يمكن ٣ شهور متواصل و بعدها رحت صورت وقالولي تكيس و قبل الزواج عطوني حبوب منع الحمل .
    فبعد الزواج بخمس شهور تعالجت خذت كلوميد و من اول شهر حملت مع انه مريم سلمان قالت ان ذيك الفترة كانت اسوء فترة تكيس عندي سبحان الله حملت ..
    و لما صار عمر ولدي سنة بدأت من شي لشي لحد الانابيب اول محاولة صار تنشيط زايد و تكنسلت و ثاني محاولة و مريم ترجع الاجنة قالتلي ما ادري الانبوب نسد ماكانو متأكيد الاجنة نزلت و الا تمت في الانبوب .. وده المختبر في المجهر الكبير و بعد ما عرفوا .. و صار جدال بين المختبر و مالت التصوير مالت التصوير قالت انا شفتهم ينزلون مال المختبر يقول لا ..في النهاية وكلت امري لله ..و ما صار حمل
    اخر محاولة سويتها علشان خاطر زوجي اصر فكنت كلش مب مفتكرة .. و سبحان الله صار حمل .و جبت ولدي بعد ٦ سنوات ..

    لما صار عمر ولدي سنة و نص خذت الابرة التفجرية علشان محاولة جديدة مر اسبوعين ما جات الدورة و طلعت حامل .. و شحاته قال الهرمون ضعيف انا من خبرتي انتي مب حامل رجعت البيت و نطرت و بعدها رحت خاص و تابعت هناك و طلع حمل خارج الرحم دخلت العمليات علشان يشلون الانبوب انفجر الانبوب في العمليات و شالولي الانبوب اليسار ..
    و بعدها بخمس شهور بغيت موعد على الصيف علشان اسوي و ما حصلت و زعلت. و طلعت حامل في الصيف طبيعي و تنسيت رمضان كله الله لا يحرمنا الاجر و في الاخير قبل العيد وقف النبض ..
    و بس طلق صناعي و غيره لحد مانزل في شهر ١٠ .. و الحين خذت الابرة التفجيرية يوم الجمعة و ان شاء الله الله يسر.. يا رب .

    انا كنت اشتغل الايام المطورة و بداية المستقلة و بعدين استقلت و دي اشتغل بس خبرج الشغل كله اختلاط و زوجي ما يرضى و انا بعد ما ارتاح وايد .

    و بس هذي قصة حياتي مع الخصوبة و العقم ..احس سبحان الله لما اقعد مكان اني ام العريف .كل ما قالت وحدة عن شي اكون ماره فيه . الحمد لله سبحان الله عطانا نعمة النسيان ..آمم بس شي ما صارلي ولى مرة ان في شي يتجمد .. للأسف كان عندي مرة ٦ زيادة مال المختبر قالي ما تبينهم و فرش احسن واكتشفت اخر شي ان من الزحمة مالهم بارض يقولون للناس ان ما يتجمد و هو ممكن يتجمد .


    اشبعت فضولج و تطفلج

تابعي تجارب أخرى من هذا القسم.