الهنوف ياحبيلك والله كلنا عندنا شغالات بس الشغاله مو كل شيء صح تساعد تغسل ملابس تكوي تنظف تمسح
بس مستحيل تامنينها على عيالك لو طيبه وحنونه بس معليش الشغالات مايرحمون ولافيهم عرف عشان تتكلين عليهم بشيء
انا عندي شغاله تحي عيالي وشغاله خالتي تحت ترقى تساعد شوي ومع ذلك انا ميته تعب
لان طول الليل عيالي عندي واخليها تنام وتشبع نوم
الصبح اعطيهم ااياها بعد مارضعهم واغير لهم انا هي تغير لهم مره وترضع مره بس
ولما اصحى الضحى افطرهم زبادي لازم اتاكد انه بحراره الغرفه مو بارد
الظهر تسوي لهم رضعهاتهم تحت اشرافي واناارضعهم وهي معي
لكن الغداء والعشاء انا اسويه بنفسي ماتكل عليها ابدا لاني توهقت واتكلت واكتشفت انها مامن نظافه
وكل الشغالات وسخااااااااات واتحداك اذا فيه شغاله نظيفه اغلبهن يمثلن النظافه قدامك بس من تحت لتحت تعالي شوفي البلاوي
تخيلي رغم حرصي علي عيالي وهي تدري وتحب عيالي تخيلي قبل كم يوم رحت زياره بسيطه لبيت خال زوجي
وهم معاي وكنت قايله لها خوذي ترمس المويه لازم ناخذه معنا لو اروح بيت اهلي
صاح الولد والبنت جوعانين قلت سوي لهم حليب تخيلي لما رضعوا الحليب خلاص
وقمت المطبخ الا واكتشف انها ماجابت الترمس قلت من وين جبتي المويه قالت من الابريق هذا
وتاشر لي على ابريق الله لايوريك كنه من العصر الحجري وسخ وكله غبار ودسم قلت ياربي وش هذا قالت بنتهم هذا ابريق المزرعه قلت والماء اللي فيه قالت من عصر جدي له اسبوعين الماء بالابريق جايبينه من المزرعه واشوف الماء لونه اصفر عساها العمى ماتشوف لونه
قسم بالله العبره خنقتني ماقدرت اصيح ولاارد لما رحنا البيت هزئتها تهزي بس وش عقبه عقب ماشربوا عيالي
وشوفي من بعدها كلهم طاحواعلي تعبانين
فلازم باستمرار اشيك على كل شيء على رضعاتهم وغسيلهن وملابسهم والماء
والدواء عاد مستحيل اخليه تقربه
كل واحد اعطيه علاجه بنفسي واوقت الجوال على مواعيد الادويه واصحى من نومي عشان اعطيهم حتى لو انام قلبي عندهم
يعني لو عندي مليون الشغاله مامثل الام وقلب الام وحنان الام ونظافه الام
|| ... تـجـمـعـنـا السهرنــات... أمـهـات الـتوائـم الـرضـع و الخـدج ... ||
متابعة النقاش، صفحة 29