مازلت انتظر فرج الرحيم(دعواتكن)
اخواتي الحبيبات سبق وان اخبرتكن بحالتي متزوجه منذ ثمان سنوات وفي ارغد عيش ولله الحمد والمنه الا انه يعكر علينا صفونا اني لم احمل :27:والحمد لله اولا واخرا في البدايه ذهبت الى المشتشفى وطلع فيني ارتفاع في هرمون الحليب مما سبب لي ضعف التبويض وهات ياحبوب وهات منشطات وابر تفجيريه وكلوميد والله ياخوات بدون مبالغه اني في شهر واحد اخذت اربع واربعين ابره ماحركت ساكن وسويت اشعة اصباغ مرتين وطلعت سليمه وانا دورتي من قبل لا اتزوج مو منتظمه يعني تطمر ثلاث شهور وهذا وراثه فيني وفي امي واخواتي ولم ياثر عليهن بعدين تطور الموضوع وقالو لي عندك ارتفاع في الغده النخاميه هو اللي ماثر على المبايض ومسبب لها ضعف وطبعا كل هذا وانا مراجعاتي عند دكتورة نسا وبعدين قررت اقطع المنظم وارتاح شوي لاني سنه وانا استخدم المنظم وتعبني حيللللللللل وخلال هالفتره تزوج زوجي وقلت ابرجع للمستشفى ولكن عند دكتور الغدد وفعلا رحت انا وزوجي واخذ علي تحليل لها اول ملها تالي وقالي ان الغده النخاميه تتحكم في اثنا عشر هرمون في الجسم منها هرمون التبويض وجا موعد المقابله ورحت له ورفض يبلغني بشي وطلب تحاليل ثانيه وقال اعطيكم النتيجه مره وحده وموعدي الاسبوع الجاي وانا ولله الحمد مستمره لي ثلاث شهور على سورة البقره وعلى فكره انا فيني ارق اتعب اذا جيت ابنام واحس نومي غيرررررررررررر مريح وغيرررررررررر متواصل ويعلم الله اني راضيه تمام الرضا بالقضا ءوالقدر ولاتنسوني من دعواتكن الصادقه فدعاء المؤمن لاخيه في ظهر الغيب مستجاب وجزاكن الله خير الجزاء