شاركي في النقاش

سجلي الدخول لإضافة تعليق.

التعليقات

2,015

  1. @am_nor_oasraaa

    صاحبة الموضوع
    هلا فيكي اختي اماني
    والله ما عندي اي معلومه بهالخصوص
    لاني مو ببرلين
    اتمنى من الاخوات اللي مر معهم هيك شي يفيدو الاخت اماني
    عزيزتي زوجك جاي هون يكمل دراساتعليا ام بس لغه
    وانت من اي دوله عربيه

  2. @blue_sky_1

    سلام بنوتات كيفكم اليوم انا عندي كسل مش طبيعي اليوم
    Amany87 هلا فيكي بس والله ما عندي فكرة ان شاءالله البنات اللي في برلين يساعدوكي وان شاءلله تلحقي زوجك بالسلامة
    moony78 وbehined the moon شكلكم انتوا كمان نمتوا امبارح كيفكم اليوم وين ما طليتوا علينا
    جيزانية نصيحة اقبلي الدعوة من ام نور وما تفوتيها :)
    ام نور كيفك الله يعينك يعني حتغيبي عنا اليومين اللي جايين شو جهزتيلهم الغذاء ولا لسة
    يافوية كيفك اليوم

  3. @yafaoy65

    blue sky
    سلام بنوتات كيفكم اليوم انا عندي كسل مش طبيعي اليوم Amany87 هلا فيكي بس والله ما عندي فكرة ان شاءالله البنات اللي في برلين يساعدوكي وان شاءلله تلحقي زوجك بالسلامة moony78 وbehined the moon شكلكم انتوا كمان نمتوا امبارح كيفكم اليوم وين ما …
    السلام عليكم ياحلوين
    إن شاء الله يكون يومكم حلو
    اليوم الشمس مشعة والجو لطيف، الصبح كان عندي موعد مع دكتورة الأسنان علشان فحص وتنظيف والحمدلله مر على خير، أنا دائما بخاف من دكتور الاسنان، ما بعرف ليش...

    Behind the moon
    ان شاء الله تكون العملية سهلة وما تتعبي بعدها ، اكيد راح يكون في وجع وانتفاخ، انا بتذكر انو وجهي نفخ وقعدت كم يوم ما أكل غير اشياء سائلة، بس بيني وبينك احسن لك ، تخيلي بدك تعملي بدون عملية، يعني 4 مرات تروحي وتخلعي ضرس، وبعدين تشوفي وتحسي كيف بيشتغل الدكتور يعني حتى لو في تخدير، بالنسبة لي افضل اني ما اشوف واسمع شو بيعمل دكتور الأسنان..
    بالنسبة للغة انا الحمد لله كمان خلصت 6 شهور لغة وأخذت شهادة B1 وبعدين درست كمان 4 شهور اكثر يعني عملت mittelstufe كمان، بحس حالي كويسة الحمدلله، زوجي بيقول اني كتير كويسة، بس انا بدي احكي بدون اخطاء، المشكلة بتكون اني ما عندي حصيلة كلمات كتير بالألماني بتلاقيني على طول بقلب انجليزي، بس الحمدلله أنا من زماااااااااان بروح لحالي على كل الأطباء، يمكن بعد 3 اشهر من حضوري هنا، وصدقيني هيك اتعملت احسن. وعلى فكرة انا كمان زيك في شغلات الشكل والبشرة والشعر ما إلي دخل بالمرة.. بتعقد لما اشوف شو بيعملوا البنات، وبسأل حالي احيانا ممكن الواحد يتعلم يعمل هيك ولا هي مسأله هواية..

    أماني
    الله يوفقك وتلاقي واحدة من برلين تقدر تساعدك، بس انا مش فاهمة كيف يعني (مش سامحينلك ترافقيه) حاسة انه هذا الشيئ غريب، ربنا يوقف معك

    موني
    نعيما ان شاء الله، عقبال عنا ، بس زي ما حكيت لك هنا مش عارفة ألاقي صالون خاص للنساء، او يمكن موجود هنا عند مناطق الأتراك بتوقع، بس دايما بقول خليها لما أنزل على عمان أضمن، شعري مشكلته انه ناعم وخفيف، وبحس ما بينفع معه إلا قصة الكاريه، انا نفسي زهقتها، بس أحسن لي لأني بصراحة ما بعرف اتعامل مع السشوار يعني ما بعرف اتفنن، اذا خليه على العادي احسن

    أم نور
    الله يعينك ان شاء الله على الضيوف، بس حاولى من اليوم تحضري حالك بخصوص الأكل، انا يعني مثلا بحاول يكون عندي دائما في الفريزر لحمة مسلوقة وجاهزة، أو لحمة مفرومة مقلبة، أو دجاج منظف أو حتى مسلوق، ما تصدقي قديش بتساعد، وان شاء الله تكون صحتك احسن علشان ما تنزعجي كتير

    blue sky
    انا ماعرفت انتي وين ساكنه، يمكن بعرف بس وين ام نور، بس الباقيين لا، عندكم صالونات خاصة للنساء، وجلسات للبشرة كثير حلو... ومعك حق تماما مرة احباط ومرة انبساط، وعجبتني جملتك والسبب في كلتا الحالتين مجهول :)

    جيزانية
    اسعد الله اوقاتك، بحب كتير احكي معك ومع الصبايا، بس للأسف ما عندي فرصة غير 3 رسائل في اليوم، وامبارح بالليل كان الموقع كتييييييييييييير بطيئ وكنت لازم اروح انام.

    تحياتي القلبية لكل المتواجدين

  4. @am_nor_oasraaa

    صاحبة الموضوع
    هلا بنات
    كيفكم جميعا
    اليوم اتحاكينا انا وجيزانيه حبابه كثير وعزمتها لعندي
    بس بدها تقنع ام عبدولي ييجوا مع بعض
    بستناكوا جيزانيه مارح احل عنكم
    لانكو قراب علينا يمكن محطه او تنين بالقطار
    ماشي ام عبدولي تحياتي الك وين ما تبيني

    هلا موني وبيهايند وبلو ويافاويه
    شو اعملتوا غدا اليوم
    اليوم جوزي بدو ملوخيه ناعمه وجنبها الدجاج محمر بالفرن مع البصل وطبعا رز
    اتفضلو حياكم الله

    تعرفو بنات مشكلة الذهاب للصالون مشكله هون
    وخصوصا لنا المحجبات
    لانو الصالون مختلط وعالشارع الرئيسي
    انا عملت شعري بالاردن بس اكيد رح يطول وما رح الاقي حد يعملياه مره تانيه
    احيانا ييجي عبالو الواحد هيك يتفنن
    بتلاقيني بصبغ وبسشور لحالي وبالنهايه يطلع مقبول مو جيد
    بس ولا البلاش
    بيني وبينكم شوي اغطي كم شيبه طلعولي خخخخخخخخخ ههههههههه

    بنات بتصدقوا انو غدانا هلا عالساعه 6
    والفطور عال11
    شفتو الهنا اللي انا فيه
    لانو زوجي شغله حر ومو مرتبط بشركه او وظيفه
    شكلي صرت اجيبها من الغرب للشرق
    قصدي اخبصصص يعني ههههههه

    هاي اخر اخبارنا
    سلامي للكل

  5. @yafaoy65

    ام نور واسراء
    هلا بنات كيفكم جميعا اليوم اتحاكينا انا وجيزانيه حبابه كثير وعزمتها لعندي بس بدها تقنع ام عبدولي ييجوا مع بعض بستناكوا جيزانيه مارح احل عنكم لانكو قراب علينا يمكن محطه او تنين بالقطار ماشي ام عبدولي تحياتي الك وين ما تبيني هلا م…
    صحتين وعافية على الملوخية يا أم نور انا اليوم طابخة بامية مع لحمة وجنبها رز وسلطة
    زوجي ما عنده مانع لو كل يوم طبخت ملوخية أو بامية، عنده ادمان عليهم :)
    احنا غدانا ما بيكون قبل الساعة 7 كل يوم، قصدي عشانا
    إن شاء الله تيجي عندك جيزانية وأم عبدولي وانا متأكدة راح ينبسطوا كتير

تابعي تجارب أخرى من هذا القسم.