حملة "رتبي حياتك المادية" ومشروع رائع للجميع

ليالي خالد

بالنسبة للتسويق ..باقول لك بعض الأفكار انت والأخوات اللي يجدون صعوبة في التسويق.
1- ممكن عن طريق بعض مواقع النت اللي ما تاخذ منك رسوم مثل أسواق سيتي.
2- عن طريق البازارات ممكن تتفقين مع وحدة تثقين فيها من المشاركات وتعطينها بضاعتك تسوقها لك وتتفقين معاها على نسبة تاخذها لها.
3- عن طريق بعض المدارس مثل مدارس التحفيظ وأشباهها لأنه غالبا يكون عندهم مبيعات متنوعة .
4- بعض المدن يكون فيها أسواق للنساء يعني مثلا بجدة في حي الإسكان الجنوبي فيه كشكات خاصة للنساء يبيعون فيها والسوق ما شاء الله حيوي حسب ما اشوفه ممكن تتفقين مع وحدة من البائعات تسوق لك بضاعتك مع بضاعتها وتعطينها نسبة أو مقابل لأتعابها .
5- الصالونات والمشاغل النسائية ممكن تحطين بضاعتك عندهم ويسوقونها لك.

هذا اللي يحضرني الآن ولو تذكرت شي بافيدكم فيه أخواتي.

العطاوية
جالكسي
كل اللي تفاعلوا مع موضوعي مع الاتصالات جزاكم الله كل خير بس سؤالي الآن : لو ما سددت وانفصل كليا يحسبون برضه علي رسوم اشتراك (70 ريال) ولا عشرة ريال عن كل شهر؟؟؟

هلاااابكم ياغاليات ياعسولات....ان شاء الله بخير
انا مسافره عند اهلي الحمد لله...
واحتمال يسافرون للمدينه واسافر معهم....
يمكن مافيه تنظيم هذا الشهر الله يعين

السلام عليكم ورحمة اله وبركاته....
كيف البنات كلهم أن شاءالله طيبين أنا سارت علي شوي ظروف بس الحمدلله على كل حال أبوي دخل المستشفى جاته جلطه بالقلب الله يشفيه أدعوله يقوم بسلامه_وبنتي جاها العنقز:44:والميزانيه خررربت لأني سافرت المدينه عند أهلي وأتمنى منكم الدعاء لبنتي وأبوي بالشفاء العاجل لأنه عنده عمليه قسطره يوم السبت:icon33:
بس كأنه محد جاب سيرتي ولاحد أفتقدني:hahaha:

وعليك السلام ورحمة الله وبركاته
الف سلامة على ابوك مايشوف باس الله يشفيه ويخليه لكم ويقوم بالسلامة
والعنقز هذا موسمه اعرف كم وحده جا لعيالها العنقز وخرب عليهم الإجازه لا روحات ولا احد يجيهم الناس خايفه على عيالهم لا ينعدون لكن مالكم إلا الصبر والحمدلله العنقز امره بسيط
وحده من الأقارب الله يشفيها ويكفيها شر هالمرض الخبيث وفعلا اسم على مسما خبيث توها متزوجه ماكملت سنه جاها الخبيث وكدر عليها وعلى كل إللي حوليها ادعولها والواحد يقول الحمدلله على كل حال ويشوف مصيبة غيره تهون عليه مصيبته

السلام عليكم
أنا إيمان
فكرة شراء صحون الحلى وسلال الفطائر مرررررة حلوة أنا سويتها بزواج أخوي
تعرفون الشكولاته عند أوبرا مثلا الشي اللي حجمه وسط لايقل عن 1000ريال والشي العادي مايواجه أبد خصوصا عندنا بعض الحريم هداهم الله تقلب الشوكولاته وتطالعها من تحت عشان تشوف الاسم على الاستكر قال ايش ماتاكل الا شوكولاته مشهورة
ناس ذابحتها المظاهر حتى في نوعية الشوكولاته
المهم رحت ياطويلات العمرلأسواق السويلم واشتريت كم تحفة حلوة ومجموعة فازات فخمة وكلها كلفتني 200ريال وخليت حلاويات أوبرا تعبيها لي بصراحة انهبلت يوم شفت فارق السعر شي موطبيعي بالمرة وكلف علينا بس قيمة كيلو الشوكولاته الي هو 120 ريال لكل كيلو بس يعني كلفنا بحدود 1000ريال
أنا عارفة إن 1000ريال على شوكولاته بس شي موطبيعي بس وش نسوي بلقافة بعض الحريم اللي حتى وانتي تقدمي لها الشوكولاته تسألك عنها قبل تمد يدها استغفر الله بس
يعني فكرة ان الواحد يجيب الصواني وهم يعبونها راح توفر الشي الكثير
أماني حلوة
انا اتكلم عن برنامج تكافل تبع البنك الاهلي وماعندي خلفية عن البنوك الثانية والبرنامج حلال مدام انه مايضمن لك الربح اما اذا ضمن لك راس المال والربح هذا حرام
والمدة عند البنك الاهلي اقل شي عندهم 7سنوات وتقدرين باي وقت تسحبينها بس راح يخصمون لك ربح السنة اللي تم فيها السحب
واقل مبلغ تدفعين 280 شهريا أو 25الف دفعة وحدة
أسعد امرأة
الله يكون بعونك والناس اللحين مع الاسف ماعاد تعذر أحد ويويلك لو ما أهديتي ووجبتيهم ياكلوك باسنانهم
الحلوة أم الحلوة
لا لا مانبغاك على الصامت ابد أبد
لانو بصراحة محتاجين مدخلاتك اللي زي العسل ياعسل
جلكسي مالح
على قولتك خيتو والله اني ماأبغى وجع الراس بس يوم أشوف الراتب يطير على الفاضي ونص الشهر مخلص ولاوفرنا لعيالنا تجيني حاله من تأنيب الضمير أو معاتبة للنفس كيف ما جمعنا لنفسنا وعيالنا شي !!!!
وش سوينا لبيت العمر اللي ماعندنا ريال يروح لحساب خاص له؟؟؟!!!
وين التدبير لبعدين !!!!!
وش بنقول لعيالنا بكرة لو تقاعد ابوهم وما لهم بيت ملك يسكنونه !!!!
إحساس بيذبحني مو قادرة أغير من الواقع شي
ولو كلمته قال أنا مومعاق عشان أنتِ تصرفين علينا !!!!
وكلما أدخله من باب يطلع لي من باب ثاني
:44:
شجرة الدر
والله ياقلبي ماعندي خلفيه بس أسمع ناس كثير يقولون اللي مايسدد سواء للاتصالات أو البنوك أنهم يحطون أسمة بالقائمة السوداء بحيث لو بغيتي تقترضين من البنك مثلا او اي اجراءات عند الجوازت والاحوال ماراح يمشون اي معامله لك الا بعد السداد
ليالي خالد
أضيف على كلام الغالية شجرة الدر
1-ممكن تتعاملين مع اصحاب المحلات ويكون لهم نسبة
2-سوي لك برشورات ولزقيها على ابواب المحلات وحطي رقمك على الملصق
3-سوقي لنفسك هنا بعالم حواء واشتركي بعضوية VP وحطي منتجك بتوقيعك
4-اعملي اسلوب دعاية لك مثل العينات المجانية للزبائن في حال أعجبهم المنتج راح يطلبون منك بالتاكيد
المتفائلة
الله يشفي والدك وبنتك ويلبسهم لباس الصحة والعافية
طهورا إن شاء الله