ماادري قد مر عليكم هذا الموقف ولا لأ(اللي عندهم خبرة في ادوية الأطفال)

الحكايه ومافيها ان ولدي الصغير تعب (تعرفون يابنات اللي تقرب اسنانهم تطلع يتعبون ) المهم كانت عنده سخونه فأخذناه للدكتور وعمله فحص وقال ان عنده التهاب في الحلق فقام على طول كتبلنا تحاميل اللي هي تخفض الحرارة وكمان دواء اول مرة اشوفه ( عادة ًلما واحد من اولادي يكون عنده التهاب في الحلق اول شي يكتبه الدكتور المضاد اما في هذي المرة ماكتبلنا مضاد )
واول مارجعت للبيت قمت اعطيته من هذا الشراب وبعدين قمت قريت النشرة اللي معاه فلقيت انه لعلاج نوع من انواع مرض الهربز وكمان ينعطى للي عندهم الجديري المائي (العنقز) وبعدها زعلت مرررررررررة لأني اعطيت ولدي هذا الدواء وخفت عليه كمان زعلت من الدكتور اللي وصف هذا الدوا لطفل عمرة خمسة شهور وحسيت ان ارواح الناس لعبة في يدين بعض الدكاترة .
فقام زوجي على طول راح للمستشفى اللي فيه هذا الدكتور واشتكاه لرئيسهم فما كان من الرئيس هذا اللي انه قال هذا طبيعي ودايما الأطباء يصرفونه للأطفال اللي حرارتهم مرتفعه . فلما خبرني زوجي باللي قاله هذا الدكتور زعلت وقلت هذا شي طبيعي انه مايطلع الدكتور غلطان عشان ماتتشوه سمعت المستشفى .
والله يابنات انا قلقانه وابغى ارتاح اعطي ولدي هذا الدواء ولا لأ .

وعلى فكرة الدواء اسمه
(zovirax)

6 تعليق 3,884 مشاهدة

شاركي في النقاش

سجلي الدخول لإضافة تعليق.

التعليقات

6
  1. @om_leen_1

    أختي وش الاعراض الي عند ولدك بالضبط
    علشان أشوف نفس الاعراض الي عند ولدي ولا لا
    لان ولدي عمره 7شهور وعنده أستفراغ وأسهال وقال الدكتور نزله معويه
    واكيد انه من الاسنان وكتبلي على حليب للاسهال ولاناسبه وهو الي جابله
    الأستفراغ،،ولا نسيت أقولك والي كمل الناقص طعمته وصار عنده حراره.....
  2. @mdam_shosho

    اذا شاااكه يا احتى لا تعطينه حراام بيضره
    والل يعينج

    جربى ترووحين للصيدليه اساليهم عن الدواااء

    والله يشيفيه يارب
  3. اختي هاد الدواء للفيروسات يلي تسبب رشح والهربس والرشح والعنقز من نفس فصيلة الفيروسات ويطلق علها حمات راشحة لذلك طالما مكتوب على الدواء انه يعطى للاطفال في مثل سنه فلا تخافي
  4. بصراحة انا اي دواء اشك فيه اقعه عن الولد ... واروح مستشفى ثاني او عند دكتور ثاني فاذا صرف نفس الدوا معناها صحيح ... لكن اذا كان فيه اختلاف اهني اشوف استعمل الدواء اللي ما عندي فيه اي شك
  5. صاحبة الموضوع
    مشكووووووووووووورات حبيباتي على ردودكم واهتمامكم وفعلاًكنت قلقانه لأن ماقد صرف لأي واحد من اولادي مثل هذا الدوا
    وحبيت اخبركم ان الحمدلله خفت السخونه بفضل الله لكن بعد يوم كامل طلع فيه حبوب صغيرة في جسمه
    أمي قالتلي ان هذي الحبوب من اثر السخونه ....

تابعي تجارب أخرى من هذا القسم.