آخر يوم لك ببلدك وقبل لا تتغربين وش سويتي؟؟

بااااااااك لكم
ترى والله كتب رد ويوم ضغطت ارسال علق النت
وطار كلامي بغيت اصيح
المهم لعيونكم باكتب <<هو احد داري عنك

المهم من خلال خبرتي في كل نزله للسعوديه آخر يوم لي يكون زحمه
لكن المره اللي فاتت غييييييييييير
قمت وخططت اني اخلص كل اشغالي وارتب شنطتي واقص شعري
وكل شي قبل السفر بيوم وعشان انبسسسط و يكون يوم له طعم غير

المهم كانت رحلتي الخميس الليل ولأول مره تصادف ليل لأنه بالعاده تكون الفجر لكن وش نسوي
في يوم الاربعا جوا اخواتي و بنت عمي واجتمعنا وانبسطنا
و تعشينا في برج الحمام ويا سلاااااام على شيش باراك و الكبه
طعم رااااااائع

بعدها سهرنا وانبسطنا و صلينا الفجر ونمنا
قمنا متأخر نويناه صيام لأن أمي دايم تصوم الله يديم عليها الصحه و العافيه
فلما جا الفطور اجتمعنا وتذكرت رمضان خصوصا اني من زمان ما صمت معهم
بعد صلاة العشا جا زوجي وانا كنت متفقه معه انه يجي واروح لأهله اسلم
وعلى طول على المطار لأني ما ابي اشوف أهلي بآخر اللحظات
كذا طبعي اتهرب من الواقع الأليييييم:icon33:
ولأول مره اطلع من بيت اهلي وهم قايمين لأن بالعاده يكون البيت هاجد
واسلم عليهم ولا انسى امي ونظراتها وانا مغطيه وجهي ويشكفني اخوي اني اصيح ويحب على راسي يا جعلي ما اخلا منه ويقول احمدي ربك انك رايحه برغبتك مو علاج ولا شي وكلنا بخير
المهم ولأخر اللحظات يطلع اخوي ويبوس في بنتي ويودع زوجي
وانا اركب في السياره وشهاااااااااااااق
:icon33::icon33::icon33:

وصلت لأهل زوجي احسهم ارتاعوا شكلي اذا صحت يصير يهبل
المهم سلمت عليهم واكبر واصلي اصرف الموضوع
لين هديت وجلست وصرت اضحك وعادي

بعدها رحنا المطار وودعنا أبو زوجي الله يطول بعمره
ما يرضى الا يودينا هو بنفسه و ما انسى يجلس واقف
لييييييين ندخل في صالة المغادره

اتمنى اني ما ازعجتكم بهالموضوع لأني ادري يهيض المشاعر
بس انا قريت معلومه ان المرأه
تنسبط لما تصيح وانا كذا لما اصيح احس براحه
يالله عاد نبي تفاعل

اخر يوم لي كان جدا صعب انا زوجي جا قبلي لامريكا وكنت بجي انا وبنتي عمرها سنتين وشايله هم

سافرت من اهلي ورحت لاهل زوجي بالرياض ونمت عندهم ومن صحيت وانا احوس اكمل اغراض بسيطه من سوبرماركت وصيدليه

واخر الليل وانا اتروش واجهز بنتي وقبل الفجر طلعنا المطار والحمد لله تسهلت واستقبلنا زوجي في واشنطن

يا حبي لك والله انتي الذوق يا اختي ربي يحفظك ويخليك لأهلك ويخلي اهلك لك وعقبال ما تشوفينهم وتملين من مقابلهم

ردك عطر صفحتي يا عسل :)