ظاهرة الإعجاااااااااب لدى الطااااااالباااااات

رفععع

اهلين اختي
انا اقول سبب انتشار هذي الظاهره بشكل ملفت هو كثرة الكلام فيها يعني صار في المدارس ندوات كثيره بسسب هذي الظاهره وعلى انها منتشره بكثررره بين بنات المدارس وصارت المدارس تسوي ندوات وتحط حدود بين تعامل البنات مع بعض
يعني تقول المحاضره ان اي بنت تقبل بنت على خدها اول ماتجي للمدرسه هذي شاذه وفيها وفيها والوالبنت اللي ازرار قميصها او مريولها مفتوح بحث يبان خط الصدر بعد هذي شلذه واللي تضم صديقتها بعد غيابها عن المدرسه لمدة يومين بعد هذي شاذه واللي تمازح صديقتها بانها تدغدغها بعد هذي شاذه يعني اي تصرف كان طبيعي بالسابق وكان يصير بين الخوات او الصديقات اللي مثل الخوات الحين صاروا يعتبرونها شذوذ اجل لو باتت وحده من صديقاتي معاي بالبيت وعطيتها بيجامتي ونامت على سريري بعد بتعتبرونها شاذه انا بصراحه يوم كنت بالثانوي السنه اللي طافت وكانت اخر سنه لي كثر الكلام على الشذوذ وكانوا يحذرونه من البنت اللي تعجب فيك من ناحية الشخصيه ومن البنت اللي تقبلك ومن ومن ومن الخ وكانوا كل اسبوع او اسبوعين يسوون لنا محاضره لحد ماملينا منه وشكوكنا بانفسنا وصرت في البيت لما ماما تجي تدغدني اعصب ولما اختي تضربني من قفاي اعصب مع اني عارفه ان اهلي مو شواذ بس شوفي محاضرات المدرسه وندواتها ايش تسوي بالبنات اللي لسه يعتبرون في طور نمو ومراهقات
يعني المدرسه قاعده تفتح عيون البنات على اشياء كانت نادره في مجتمعنا وبسبب كثره محضاراتهم صارت الناس تشك بكل البنات يعني صديقتي لحد الحين لما اشوفها بجمع ونكون متفقين عالطلعه واشوفها وطبعا اكون ماشفتها ممكن من شهر تجي بس تسلم علي باليد مع ان اول كنا نسلم سلام وحده ماشافت شخص عزيز عليها من فتره ممكن بسبة اني انا اول كنت اعاملها نفس المعامله يعني بس باليد بسبب التفكير اللي اغرسوا في عقولنا بس بعدين فهمت ان مو اي شخص شرط ان يكون شاذ لان هذا غباء بصراحه والله ان مره بنت خالتي تقولي شوفي اختك احس ان فيها شوية شذوذ تخيلي صرت اراقب اختي لانها ممكن انها تكون كذا بسبب كلام المحاضرات قعدت اراقبها سنه لحد ماتاكدت ان مافيها شي وبعدين اتجرات وسالتها طالعتي بنظره ومشت تفول تفكرين باختك كذا ويوم قلت لبنت خالتي قالتلي لا بس هي كانت قاهرتني
يعني بصفه عامه الشذوذ كااااااان نادر بمجتمعنا بس بسبب كثرة الندوات في المدارس والكلام والتفصيل فيه صاروا البنات يشوفونه شي سهل او ممكن عادي يعني انتو فتحتوا عيون البنات وبس
وعندي شي ابي اضيفه هو ان اللواط اللي كان بقوم لوط كان الرسول مايتكلم بالموضوع هذا كثير حتى يقولون ان الاحاديث فيها قليله والسبب ان الناس ماكان عندهم الشي هذا يعني ماعندهم لوطيين فشاف الرسول صلى الله عليه وسلم ان ماله داعي يفصل فيه اكثر عشان ماتتفتح عيون الناس فيها كثير فيسوون الشي هذا بحكم ان البشريه تحب تستكشف الاشياء الجديده
بس

هل لأن مجتمعاتنا الخليجية تقليديه ولها عادات وتقاليد؟ :unsure:
طبعا لا يمكن يكون هذا السبب
هل الكبت النفسي عند البنت خلاها تنعجب وتحب بنت نفسها؟
هل هي قاعد تملي الفراغ اللي عندها؟
امممم ممكن يعني الحمدالله ماجربنا الفراغ عاطفي بس ممكن مثل مالبنات يتجهون للشباب بسبب الفراغ العاطفي اللي عندهم ممكن بعد بسبب هذا الشي
وبس واكيد طولت بالكلام بس ماعرف اختصر و****لله الفكره تكون وصلت لكم

استغفر الله الذي لا اله الا هو الحي القيوم واتوب اليه

انا في رأييي ان المشكلة اصبحت تتفاقم عام بعد والسبب عدم وجود حل جذري لمثل هذة الظاهرة

احيانا ادارة المدارس تمسك البنات وهم في وضع مخل يعني متلبسين وتحولهم للتوجيه للتحقيق

الآ بعد فترة تجي البنت ولا كأن شي صار ابدا وعادي . وان عاقبوها مررررررة نقلوها مدرسة ثانية

عشان تنشر المرض هناك وتعلمهم ان مافي شي يصير لا تخافون انا احكي من واقع المدارس

والله انا معلمة بديلة في مدرسة البنات عينك عينك يقولون (خويتي خويتي ) في البداية مافهمت وش معنى خويتي

بس بعدين عرفت انها (...........) والحمدلله على كل حال تتوقعون ليش المرض يزيد ليش من امن العقوبة أساء الأدب

يسلمووووووووووووووو اخواتي ع المرور واسفه ع الاطاله