تعالو شوفو وش صار في بيشه

السلام عليكم كيفكم مبروك الامطار علي جميع انحاء المملكه
انا ساكنه في بيشه هي تقع في الجنوب من المملكه وتبعد عن ابهاء 200 كيلو وعن العلاياء 100 كيلو وعن النماص 150 كيلو وصار لنا ثلاثه اسابيع ماشفنا الشمس الحمدالله غيوم واجواااااء روعه
البارح زوجي طالع الساعه 3 كلمه واحد وطلع معاه شوي الي هويتصل اتصال فيديو انا خفت استغربت الله يستر ومارديت
شوي الي هو يتصل اتصال صوتي
وش فيك مارديتي قلت قلت ماكنت عند الجوال قال شي يررررروع جثث واسعافات وش الي صاير :(
قال سيل شديد شال نص قريييييييييييه والحين يدورون جثث يقلون ناس كثيره مفقوده
تخيلو صوت الهليكبتر وصوت لاسعافات والشرطه
طلبو دعم من ابهاء ومن تثليث والله شي يخوف الله يرحمنا برحمته علما ان القريه في وسط الوادي
جاء اليوم قال زوجي بوديك تشوفي السيل من فوق الكوبري الي الناس مجتمعين وشوي الي الدفاع المدني واحد يصارخ
وخرو السيل بيوصلكم السيل بيشيلكم والله شي رحمتك يارب
بس فيه شي محيرني العالم واقفه عند السيل في الوادي ليه وربي انهم بعيالهم مايخافون والمشكله نزل اشرطي الي بالدفاع المدني يركبهم سيارتهم واحد واحد ليه مادري وجابو القوارب << مع اني اتوقع مع السيل الشديد مايمديها ينزل االقارب
احس انهم مايخافون وربي يبنات سيل كبير وشوي الي هو زايد كميته سبحان الله وبحمده
صورته بس مالقيت البلتوث ارسله للجهاز بنزل صوره بعدين باذن الله
علي طول يوم شفت القريه رايح نصها تذكرت جده والي صار فيها يارب سترك
وفيه شرطي من الدفاع المدني توفي في السيل الله يرحمه وكذالك قريه ثانيه محاصرتهاالسيول يقول زوجي ماحد قدر يدخل لهم ولااحد قدر يطلع
وقريه ثانيه توفي عايله مكونه من 7 اشخاص بنتين 3 اولاد وامهم وابوهم
الله يرحمهم يارب
دعواتهم معليش اذ كان كلامي ملخبط اذ مفهمتو قلو لي اعيد << ماوراك شي