شاركي في النقاش

سجلي الدخول لإضافة تعليق.

التعليقات

467
  1. @alamyr99

    وش تنصحوني بنات اروح لرياض مستشفى الملك خالد يقبلوني ولالازم تحويل ردو علي تكفون يمكن هم اشوى
    الله يشفينا ويشفي جميع المرضى
  2. صاحبة الموضوع
    الأميرة99
    هلا هموسه الله يجزاك خير على هالدعوه انا الان لي 6سنوات على العدسات الصلبه والنظاره بس العدسات ماالبسه الا في المناسبات اما النظاره على طول الله يهونها يارب رحت في الاجازه الصيفيه اللي طافت للاردن لمستشفى العيون بعد مافحصو وخلصو قالو لي…
    ياحبيبة قلبي والله حاسة فيك ،، انا مثلك ما انام الليل

    ما استمتع في حياتي ،، اقول اليوم اشوف بكره لا (( بعيد الشر عنا وعنج يارب ))

    اقول من بيربي عيالي ،، حتى وظيفتي افكر استقيل منها ،، وظيفتي اللي معيشتني حياه كريمه وما حصلتها الا بالموووت:44:


    والمشكله هالمرض ما يوقف عند حد معين الا يزيد ويتدهور مع الوقت....


    يا حبيبتي انتي توكلي على الله وعملي عمليه الحلقات ــ اذا تصلح لك ،، لا تخلين حالتك تسوء اكثر ،، لأن اذا ساءت ما راح ينفع معاك الا زراعه القرنيه ،، والزراعه ماهي سهله ومو اكيد الجسم يتقبلها ...


    حبيبتي اذا تقدرين تتعالجين في الدمام في وحده اعرفها قالت لي زوجها يعاني من المخروطيه وتعالج في الدمام في مجمع الكحال عند الدكتور عبدالله الرشود (( هذا برفسور وشاطر )).... الدكتور نصحه بالحلقات وعملها والحين الحمدلله عايش على النظاره وحالته مستقره ....


    وهالدكتور عنده ضمير وترتاحين لشغله طول الوقت يذكر الله ،، وعنده امانه ،، انا شخصيا عملت عمليتي الكروس لينكج عنده.....


    واذا انتي من الكويت عندي صديقه كويتيه تعاني من المخروطيه ركبت حلقات في مستشفى السيف ،، وما خذوو عليها الا قيمة الحلقه ،، وبعدها عملت عمليه الكروس لينكج او التثبيت ،، اهي احد الان عامله عين وتنتظر النتايج بس الدكتوره مطمنها ،، لان العمليه يبغي لها وقت على ما تبان نتايجها ...


    وبغيت اسألك انتي رحتي الاردن عند اي دكتور؟؟

    لان اشوف يمدحون الدكتور خالد الشريف كثيرر في الاردن وعنده فرع لعيادته في دبي .... ممكن تدخلين اليوتيوب وتكتبين خالد الشريف وتشوفين الفيديو اللي يتكلم فيها عن تركيب الحلقات فيه


    وفي وحده في المنتدى اسمها شذى الموده ركبت حلقات في عين في مستشفى مغربي في جده والحمدلله استفادت منها... وقالت ان نسبه التحسن في النظر عندها كانت بنسبه 99% ما شاء الله تبارك الله...


    وفي وحده في هالموضوع بعد مركبه حلقات والحمدلله فادت معاها ما شاء الله ،، تقدرين تسألينها ،، البنات ما يقصرون


    الله يشفيج ويشفينا يااااااارب ،، بس اهم شي توكلي على الله وعملي العمليه ....
  3. @alamyr99

    الله يشفينا يالغلا
    طيب زراع الحلقات مو نفس القرنيه لان انا قالي زراعة حلقات داخل القرنيه لان القرنيه فيها انحراف شديد
    ربي يخليك لعيالك يارب ويهون علينا ياكريم والله نفس حالتك بس اناظر لعيالي وابكي
    لان قبل ماكنت كذا صحيح فيني ضعف نظر فقط ورفضت البس النظاره لين وصل للانحراف وصرت مااااااشوف كثيييير
    رحت لدمام للمغربي يمكن قبل 5 سنوات وقالي مايصير لك غير النظاره لاعمليه ولاغيره وحتى الليزك والليزر قال مايصيرن حالتك صعبه نفس كلام الكويت لي وهالحين قالو ان الطب تطور في زراعه حلقات داخل القرنيه
    الاردن حلو والله مستشفى عيون كبير وحلو بس الخوف هو اللي ذابحني والله مدري شنو اسم الدكتور لين رجع زوجي من السفر اساْله
    انا مو من الكويت بس دائما في لان فاتحه ملف في مستشفى العيون عندهم وحلو تعاملهم معي وسوو لي عدسه قالو مالك الا هي هذا الكلام من زمان
    ماشاءلله عليهم اللي سوو ربي يتمم عليهم يارب
    بنات اللي مسويين العمليه يجون يقولولنا ويريحونا شوي
  4. الله يعافينا جميعا يارب
    اخوي اكتشفوا حالة المخروطيه عنده من 3 سنوات وعمل التثبيت الضوئي والحمد لله الحالة ثابتة لكن الرؤيا ضعيفة وخصوصا بالليل وحاولوا معه زرع حلقات مرتين بس للأسف ما نفعت وقالوا انو ممكن يحاولوا مرة ثالثة باستخدام جهاز ليزر حديث بس اخوي خايف ولسه ما قرر
  5. صاحبة الموضوع
    الأميرة99
    الله يشفينا يالغلا طيب زراع الحلقات مو نفس القرنيه لان انا قالي زراعة حلقات داخل القرنيه لان القرنيه فيها انحراف شديد ربي يخليك لعيالك يارب ويهون علينا ياكريم والله نفس حالتك بس اناظر لعيالي وابكي لان قبل ماكنت كذا صحيح فيني ضعف نظر فقط…
    حبيبتي اهي نفسها الحلقات مثل زراعه الحلقات...

    مالج الا تتوكلين على الله وتسوينها يا قلبي

تابعي تجارب أخرى من هذا القسم.