البهاق اااه من البهاق الله يحفظها اللي تساعدني لو بدعوه

اختي من عمرها 11 سنه صابها البهاق والحين عمرها 23 سنه ,, طول السنين تجرب مليون علاج وعلاج من حبوب من كريمات من التعرض لاشعه الشمس من ماي بحر الاحمر ونهر النيل و دم الخرفان و و و ...الخ ما اخلص لو ابقولكم شنو استخدمت لعلاج مرض البهاق ..

ما اقول ما نفعوها .. امبلا نفعوها بس بشكل بسيط ,,

السنه الي طافت .. قالولها عن دكتور احمد العيسى بالرياض .. و وحده مستخدمة العلاج عنده وكلمناها وشحلاتها ولا كـــأن فيها شي .. فا شلنا شلايلنا ورحنا السعوديه بالتحديد الرياض وشفنا الدكتور ,,

عطاها كــريم مبيض ( يزيل صبغة الجسم فيتوحد لون الجلد كله الى الابيض )
استصعبت الامر بالاول ,, بس خلال 6 اشهر تخلصت من المرض والحين جنه مافيها شي الحمدلله

كانت شوي حنطاوية يعني و كانت خايفه من الكريم انه خلال العلاج راح يبين !.. بس والله والله يا بنات وانا كاني احلف .. ما بين كلش ,, بس بين فتره وفتره اهلنا لما يشوفونها يقولون مبيضه .. وشحلاتج صايره جميله !

الحين ماشالله لا اله الا الله والله تهبل ومافيها ولا شي !! بالعكس كل من يشوفها يتعجب شلون صارت جميله ..!!
وبياضها حده طبيعـــــــــــــــــــــــــــــي .. ^_^

فا نصيحه يا بنات .. ( للي فيها مرض البهاق ) روحي عند هالدكتور بدون أي تردد ..
والبنت الي ما فيها شي ليش تأذين نفسج .. ؟

في بنات يروحون يقلبون الوانهم ويستخدمون الف كريم وكريم عشان يوحدون الوان جسمهم . واهي ما تدري اصلا شنو مكونات الكريم الي تستعمله ..


استشيروا الدكاتره ومو أي دكتور تستشيرون قبل لا تستخدمون أي شي .. خاصه بهالسوالف ..
ولا تاخذون اي كريم من منتدى ولا من بنيه يت لكم تقولج والللللله يبيض .. انتي ماتدرين شنو مكونات الكريم بالضبط حتى لو كانت كاتبه المكونات بره . (( مستحيل اتحط المكونات كااامله بره العلبه منعا للتقليد )) صح ولالا

لان في كريمات تبيض بس مكان معين مكان وضع الكريم ..
وفي كريمات تمشي بالجسم , مثل هالكريم الي يعطونه لمرضى البهاق ! فـــــــــــديروا بــــــــــــالكم !!!!

وكــتأكيد لكلامي ..

في وحده تبيع نفس الكريم الي عند د.احمد العيــسى .. وتبيعه على كل البنات وتقول ترا يبيض ويبيض .. ولمرضى البهاق يقلب الوانكم ..

الكريم الي عند د.احمد العيسى شوي غالي يعني يكلف لو بتعالجين فيه ..

فا اهيه شسوت ؟

تاخذ الكريم وتخلطه مع كريم مرطب عادي ( نيفيا او اي ماركه ثانيه ) .. وتحط كميه قلييييييله من الكريم الاصلي من الدكتور .. وتبيعه على البنات على انه الخلطه الي سوتها اهيه الي تبيضهم ! والبنات مخااااامط عليها !!

الله يسامحها .. في ناس ما تخاف الله والله .. فديرو بالكم والله مو عن شي ولا بخرب على ولا وحده من المنتدى او خارج المنتدى .. بس حبيت انبهكم لان وايد اسمع بنات يستعملون كريمات ما يدرون شنو اهيه ومن وين وشنو تأثيرها و الجوانب السلبيه والايجابيه لاستخدامه ..!!





بنات الحين الي ابيه منكم ,,

بلييييييييييييييييييييييييز بليز

الي تشوف أي وحده بالشارع او اي مكان مريضه بمرض البهاق ,, بليز قولولها عن هالدكتور خل تستخدم الكريم الي يعطيها ياه .. والله سهالات والله وبترتاح طول عمرها ..

واذا خايفه من امراض الجلد .. الدكتور نفسه قال " مرضى البهاق محميين من أي نوع من أمراض الجلد وخاصه سرطان الجلد من المستحـــــــــــــــــــــــــــــــــيل ان يصاب مريض بهاق بسرطان الجلد "


الله يعطيه ألف ألف ألف عافيـــــــــــــه صج دكتور خبير و يستاهل كل خــير و لما تقعدين معاه اتحسين صـــــــــج عنده خبره و فاهم الموضوع بالظبط شنو !! مو بس يتحجى كلام ويمشي .

وعلى فكره ترا امس كان بالكويت مسوي مؤتمر وتحجى عن البهاق ,.,

وعنده مؤتمر يحضر فيه جميع خبراء واستشاريين عالميين من جميع انحاء العالم عشان يتناقشون عن مرض البهاق ..

فما بالكم شنو هالدكتور الي يستشيرونه و يقابلونه اكبر الخبراء من جميع انحاء العالم ؟



والله انصحكم فيه و بلـــــــــيز مثل ما قلت لكم الي تعرف اي وحده تقول لها عن هالدكتور


د.احمد العيسى
عيادات ديـــــرما - في الرياض
انا نقلت لج هالتجربه ياالغاليه من منتدى ثاني اتمنى اكون فدتج

اختي كان فيها بهاق وراحت لأحمد العيسى بعيادات لايت

سوا لها عمليه والحمدلله راح

روحي لي شوفي وش يقول لك

الله يشفيك ويفرج همك

الله يشفيك ياعمري واعلمي ان الله اذا احب عبد ابتلاه فهنيا لك وسعي صدرك وادعي الله بقول اللهم ارح نفسي وارضني بما قسمت لي وتذكري من هم لاينامون ولا يتهنون بمأكل او مشرب من الامراض والعاهات وان الله فضلكي عليهم تأكلين وتشربين وتخدمين نفسك وقولي اللهم لاتحوجني لاحد واعلمي ان الله ماخلق داء الاجعل له دواء وان الله يستجيب الدعاء اما ان يشفيكي او يدفع بلاء عنكي او يدخره لكي في الاخره وانتي احوج اليه من الدنيا