السلام عليكم ورحمة الله وبكاتة
شخباركم شعلومكم *****الله بخير
كان يامكان في قديم الزمان<<< محد صدق نفسه
قبل كم يوم كنت جالسة أطالع شاشة التلفاز وكانت على قناة تجميلية وكان أبوي الله يحفضة جالس معي وكانوا في صالون مع وحدة يسوون لأرجلها الذهبية بدكير ويفركون فيها من هنا تبدأ نقطة البداية قال أبوي مافي مثل رمل البحر طالعت فيه باستغراب أبوي كانت منطقة شغله بالبحر قللته شلون رمل البحر قال شفتي رجلي وانتووا بكرامة أطالع رجلة إلا بلوك مو رجل يابسة ومتشققة بشكل فضيع قلت إيه شفيها قال هاذي قبل ست سنين مافيها ولا جلدة عاد ارتفع ضغطي قعد يكلمني بالإلغاز قلت شلون قال خذيت رمل البحر إلى مبتل ومتشبع فيه الموية إلى زى الطين بمقدمة البحروحطيت رجلي بمقدمة البحر يقول لين تشربت موية وصارت لينة وقعدت افرك الرمل بقاع الرجل وافرك يقول أشوف الجلد بيدي وسواد يطلع إنا صدمت وصعقت عاد قلت له يجيب لي بس تدرون وين جربتها بالركب والاكواع بس إذا بتا خذين معك البيت لازم تملين العلبة نص موية ونص رمل والموية من فوقها عشا ماتنشف لان إذا نشفت مراح تضبط النتيجة في البداية حسبت أبوي يبالغ بس حطيت كوعي بالموية البحر لين ماحسيت الجلد لين وبعدين خذيت الرمل وقعدت افرك عشر دقايق ماصدقت والله إن جلدتي بيدي
صار لون كوعي نفس لون جسمي والله أني قعدت كل شوي اتمقل فيهم مو مصدقة إن السواد انجلى بس بنات لازم يكون رمل بحر لانة كلة املاح وموية بحر مو تروحين تجيبن رمل حديقتكم وتقولين ماضبط ضروري رمل البحر.....
وبس هاذي تجربتي يا بنات اذا ماعليكم امر اضغطوا الروابط إلى بتوقيعي أمرها يهمني جدا....
تقبلوا تحياتي gido0dh
شاركي في النقاش
سجلي الدخول لإضافة تعليق.
التعليقات
20مواضيع مشابهة
تابعي تجارب أخرى من هذا القسم.