دوانية بنات الكويــــت وبنات الخـــليج والدول العربيه الشقيقه الدعوه عامه وحياكم الله

والله زين ورخيص مفصلة المانتو على 3 ......... زين ام بروكي انا ما يمدينى افصل من وين اشتري جاهز ؟؟؟؟؟؟؟؟؟

هوى جاهز تلقين عند الايوب
خذى 2
والباقي فصليهم لان اول اسبوع بدل على ماطلعين مانتوهاتج
باجر روحي السوق خلاص ياهوى الوقت يمشى وانتي قاعده خلصى شغلج
اخذي جم خامه وجم كلفه وصممى موديل وقطيهم على الخياط

اي والله صاجة ام بروك بشترى 2 وبفصل الباجي وبشتري بدلتين او ثلاث وخلاص

ام ملوكه حطي في بالج اول ما تجين الكويت ان لج اخت اسمها ورد طائفي صدقيني هالكلام من قلبي اعتبري بيتي بيت اهلج واكثر واول ما توصلين الكويت راح تكلميني وهذا وعد
ثانيا قريت مشكلتج اليوم بصراحه خلينا نتكلم بصراحه وسألي نفسج هالسؤال ليش الناس تبدي معانا بالاساءه خصوصا مع الناس الطيبه دايما انا اشوف الرد عكسي يعني اللي مع حمولتها زينه وحليوه وكاسره الشر وساكته قالو عنها خبله وما تدري وين الله قاطها وقاموا يقطون علينا هالنغزات والالعن انهم يتدخلون في خصوصياتنا مع العلم ان احنا ما نتدخل في شي يخصهم كل اللي نطلبه منهم ان نعيش في سلام ونفتك من شرهم وشر عيونهم بس قولوا آآآآآمين عسى الله كل من يريد بنا سوءا ان يشغله الله في نفسه المهم نرد لموضوعنا المشكله اللي معاج مع اهل الزوج واخته هذه بالذات اللي صدقيني راح تطيح بشر اعمالها انا من واقع خبرتي احب اقولج اول شي تسوينه اكسبي زوجك يعني لا تخلينه يمسك عليج اي شي غلط ولا تتكلمين في اهله وايد يعني دايما قوليله الله يهديهم والله اني احبهم بس ليش يعاملوني بهالطريقه ثانيا اكسبي خالتج وعمج لا تخلينهم يشوفون منج اي شي شين يعني وانتي الحين بلندن اذا رديتي يبيلهم صوغه خالتج اشتريلها من شبربوش اي قطعة خام تلوع الجبد وقطيها عليها وعمج يبيله عطر او اي شي والرسول عليه الصلاة والسلام يقول تهادوا تحابوا بس اكيد انهم مو على طول راح يحبونج السالفه يبيلها وقت شوي اما اخته لا تيبيلها شي واذا شفتيها سلمي عليها مثل الوحده الغريبه اللي اول مره تسلمين عليها
يا جماعه ترا والله العيب فينا مو فيهم احنا اللي سمحنا لهم انهم يتدخلون فينا وفي حياتنا ومن قدر يدخل اصبع يقدر يدخل ايده كلها هذا المثل كله تقوله لي جدتي والعود من اول ركازه يعني اذا ركزتي عودج بطريقه مايله اكيد بيطيح واقل شي يقدر يحركه اما اذا لقوا العود سترونق حلوه هذة سترونق يعني قوي اكيد محد يقدر عليه وي جبل ما يهزك ريح احنا اللي كلامنا وتصرفاتنا وحركاتنا خلت الناس ما تحط لنا اي اعتبار واي هيبه
المهم المطلوب منج يا ام ملوكه تغيرين اسلوب حياتج مع هالناس عزي نفسج وخليج عندهم مثل الاميره والملكه ان رحتيلهم خليج كله ساكته اذا سألوج ردي ودايما قبل لا تتكلمين اوزني الكلمه وخليها لما تطلع ثقيله اتصدقين احنا لما نحتر من حمولتنا نحط الحره بعيالنا ونكسر خاطر عيالنا ونطقهم من الحره اللي فينا من الحموله بس طبعا هذا غلط ترا الحموله يا خيتي كل شي يشوفونه ويلاحظونه حتى شلون وانتي تكلمين عيالج خليج دايما هاديه وعلى طول كشخي وتمكيجي والبسي احلى اللي عندج والله ترا الحموله ما ينقهرون الا من الوحده اللي على طول كاشخه ولابسه وبعدين اخت زوجك هذه حقريها ولا تكلمينها خليج رسميه حيل معاها والله انها راح تموت من القهر
بس لا تنسين زوجك ثم زوجك ثم زوجك لا تكلمينه بمشاكل اهله وايد والله يزهق بعدين ويلعن الساعه الللي تزوج فيها حببيه اكثر في البيت وفي عياله وبعدين لا تنسين انج بحرينيه واهله علشان يقهرونج ممكن انهم يتكلمون جدامج انهم يبي يزوجونه من بنات الديره الله لا يقول ويخليه لج
الله يهونها صدقيني راح تهون بس قولي يارب

لو ضاقت بك الدنيا لا تقل يا رب عندي هم كبير
بل قل يا هم عندي رب كبير
اسأل الله الكريم رب العرش العظيم
ان يزيل جميع همومك
وان يجعل السعاده والستر
والعافيه حليفك في الدارين
وان يكتب لك الفردوس