♥ஐ☼ {{{ تجــــمع جــــديـــــد لــبنــوتــات جـــــــده غـــ☼ـــير }}} ☼ஐ♥

كيف حالكم حبيباتي
شانايا....بالنسبه لطلبك مدرسه اهليه في مدرسه قريب من مجمع الشرق اسمها الربيع من الدخله حقت الكواكب توها سجلت اختي فيها وطبعا بعد ما دورت وظايف الين ما داخت وبالنسبه لراتبها قليل جدا 1200 بس تقول اختي انها ارتاحت فيها ...وبالتوفيق انشاءالله.....


ريفال ...في دكتوره اكثر من رائعه وسعوديه كمان اسمها سحر ملودي...ولدت عندها مرتين وقلت لأخواتي عليها وكمان صديقاتي وكل من يعز علي راح اقله عليها
لأني بالفعل حسيت انها موبس دكتوره اخت كمان خاصة وقت الولاده تصبرك وتهديكي والله كانها اخت..وكمان هي استشاريه وتسوي عمليات لها يوم كامل بس عمليات مو بس قيصريه كمان لمعالجة العقم ...الله يبعد عنك الشرانشاء الله بس حبيت اوضحلك...

بنات ياليت الي تعرف دورات مكياج او اي دوره استفيد من وقتي بالعصر تعطيني خبر

اخت ستارة الزمن ممكن تدخلي دورات كمبيوتر او لغه انجليزيه اذا حابه وممكن على قولك دورات مكياج بس الأفضل تدورلي على كوافيره زينه ومضمونه عشان مايكون تعليمها اي كلام وممكن تدخلي تحفيظ قرآن العصر يعني لحفظ كتاب الله :)
والله يوفقك..

للرفع

ما شالله عليكم يا بنات الملف هذا رووووووووعه جزاكي الله خير يا بنت امها وابوها وجدها وجدتها كمان :)

الاخت الي كانت تبغا محلات للمقاسات الكبيره ... في محل مشهوووور للمقاسات الكبيره والصغيره والمتوسطه .. شااامل كلووو ... يعني من مقاس 12-30
اسمه " ايفانز" evans
له فروع لكن افضل واكبر فرع الي في الجمجوم في الدور الاول تدخلي من بوابه 7 وتطلعي بالسلالم تلقيه في وجهك بس عاد غالي حبتين لكن بتلقي عنده جنزات وكاجوال بلايز ناعمه حتى ملابس داخليه للمقاسات الكبيره جدا ... وقمصان نوم وبجامات

محل تاني اسمه " ماركس اند سبنسر " في التحليه وايضا في الجمجوم الدور الارضي
ان هرفي برضو في الجمجوم جمب ايفانز .. بس فرع المساعديه اكبر او فرع التحليه افضل من الجمجوم
واعتقد في بعض المحلات في المكرونه بس يبغالها بحث ما اعرف اوصفلك
ارجو اني اكون افدتك:)

عندي سؤال لكم يا بنات جده الحبوبين .. احد سمع او جرب عيادات بيوتي الاينس ؟؟ عياده التجميل الي في التحليه خلف ماكدونالدز بالضبط؟ سمعت عنده دكتور جلديه بس خايفه يكون مو كويس
او عيد كلنك ؟
او بيوتي اند دايت؟ الي في التحليه مقابل جده مول خلف القثمي ؟؟ هما مقفلينه وحيتم الافتتاح قريبا ؟؟ سمعت ان سمعته سيئه وكان حاطين كامرات صحيح الكلام دا والا اشاعات ؟؟؟

معليش ثقلت عليكم بس عشمي في كرمكم عاد .... اخر طلب معليش <<<< اخلصي مصختيها
الي تعرف دوره مكياج مممتااااااااااااازه يا ريت تقولنا عشان نفسي اطور مواهبي في المكياج وبالمره انا والاخت ستاره الزمن نروح :) وندعيلكم من قلبنا
وجزاكم الله الف خيييييييير