الالتهابات بعد السحب تمنع نجاح اطفال الانابيب

السلام عليكم ورحمة الله وبركاته
كيف حالكم يااغلي اخوات
احس مافيه احد يفهم مشاعري والا يحس في الا هذا المنتدي
الله يفرج همنا جميعا ويرزقنا عاجل غير اجل
ماعليش يمكن طولت عليكم بس الصراحه انا جايه اليوم نفسي افضفض لانه مريت بتجربه قااااااااااااسيه مررررره
انا صلحت اطفال انابيب ولاهي اول محاوله
كل ماصلحت تفشل، المشكله انه بعد كل محاوله انواع التعب، من السحب من فرط التنشيط سوائل تتجمع بالبطن والرئه،
الالتهابات بالمسالك البوليه
ولا اخر مره جاني الالتهاب شديد بالرحم والمبايض واكياس ماء علي المبايض
تخيلوا اني شهرين اعاني من الالم واروح لكذا مستشفي ولا احد ساعدني بالعكس زادت حالتي سوء وزاد الالتهاب لدرجه اني بس اصيح من الالم، وبعدين اكتشفوا انه البطن والرحم متعبي صديد وان الاكياس اللي علي المبيض صايره كلها مثل الخراج متعبي صديد والله تعبت تعب بس الله يجعله في ميزان حسناتي ،
ويجعله اخر التعب،
المشكله انا الي الان علي المضادات الحيويه من بعد ماسويت عملية المنظاروخايفه انه الالتهابات اللي عانيت منها تاثر علي الانجاب لانه الدكتور يقول مانقدر نحدد الا لما يروح الالتهاب والتضخم الموجود بالمبايض وانا ضايق صدري وخايفه.
المهم في الموضوع انا قالت لي دكتوره نساء واكدت لي انه السبب اللي مايجعل اطفال الانابيب تنجح انه انت يصير عندك الالتهاب حاد بعد السحب وهذا الشئ مايجعل الرحم مهئ انه يستقبل اجنه وانه الالتهاب هذا لو يكون عند وحده سليمه ماراح تحمل واذا كانت حامل علي طول تسقط
فانا اتوقع انه فيه اخوات كثير مثلي ماتنجح معهم عمليات اطفال الانابيب بدون سبب رغم انه كل شئ يكون ماشي كويس بس ماتنجح فاليش مايكون المانع هوالالتهاب اللي بعد السحب لانه المبايض تتهيج اذا كان السحب غير دقيق
ماعليش اعذروني لو طولت عليكم بس حبيت افيدكم بتجربتي
وادعوا لي انه ربي يفرج همي ويشفيني ويرزقني بالذريه الصالحه

9 تعليق 14,490 مشاهدة

شاركي في النقاش

سجلي الدخول لإضافة تعليق.

التعليقات

9
  1. @angl2009

    الله يفرج همك ويجعل هذي العمليه ان شاء الله ناجحه وصحيح انه الالتهابات تمنع نجاح العمليه بس الدكتور يعقم المنطقه والاداوات لازم تتاكدي من هذا الشي عشان تنجح العمليه ويعطيكي مضاد حيوي والمفروض ما يسوي العمليه وانتي عندك التهابات بس ممكن اعرف فين سويتيها اذا مافي احراج
  2. @am_alghla_123

    صاحبة الموضوع
    اشكرك علي مرورك والله يرزقك ويرزقني ويرزق جميع المحرومات،بالنسبه للمستشفي فرسلته لك علي الخاص
    وين بنات حواء غريبه 40 وحده داخله علي الموضوع ولا وحده ردت حتي لو بدعوه
  3. @aaros_golay

    الله يرزقش الذريه الصالحه

    و بالنسبه للالتهاب بعد السحب عالجي الالتهاب و بعد ما يروح رجعي الاجنه

    و جربي تقنية لصق الاجنه يمكن تساعد في ثباتهم داخل الرحم
  4. @mzn_alshmal

    الله يعوضك خير

    انا سويتها قبل اسبوعين وللاسف ما نجحت رغم ان الاجنة من الدرجة الاولى و الرحم مهيأ وسليم لكن ربك ما اراد انه يتم
    و لا هي اول المحاولات بعد

    عسى الله يفرجها علينا و يعوض تعبنا خير
  5. @am_alghla_123

    صاحبة الموضوع
    اشكركم علي مروركم اختي عروس جولاي واختي مزن الشمال والله يكرمكم من بابه الواسع ويرزقكم رزقا ما لاحد فيه فضل ولا منه

تابعي تجارب أخرى من هذا القسم.