شاركي في النقاش

سجلي الدخول لإضافة تعليق.

التعليقات

27
  1. @ghla_aamry_5

    صاحبة الموضوع
    فديييييييييييييييت كل من ردت علي وعسى ربي يفرح قلوبكم ويرزقنا الذريه الصالحه
    بس يابنات مررررره خوفتوني رحت لحريم يمرخون ويعطوني اعشاب واتحمل مرارتها لكن دون فايده وسويت اشعة صبغه والحمدلله سليمه $ وخلطة العسل ولقاح النخل ..الخ كم مره استخدمها ولاتسوي شي ماكأني ماخذه شي اما القسط الهندي ماجربته شكلي بجربه يحليله جت عليه يعني
    بنات وشرايكم اللي نفس حالتي نسوي لنا جدول نستمر عليه 3 شهور ونشوف النتيجه لاني شوي كسوله ابي احد يحمسني ونبدا نقرا سورة البقره كل يوم والاذكار والقسط الهندي وايش بعد
    للمعلوميه انا صارلي 6 شهور استخدم ميتفورمين ونحفني مره الحين جسمي حلو مايل لنحافه ماني دبا
    يالله بنات من تبدا معاي بس انا للحين الدوره ماجتني متاخره 15 يوم عااااادي متعوووووييييده
    اذا ماقدرت ارد عليكم اليوم يمكن تخلص لردودي بكره ان شاء الله
    ربي لاتذرني فردا وانت خير الوارثين
  2. @ghroralord_1

    ياقلبي ربك مااردا لك الحمل للحين مادام انك سليمه ...

    لكن عليك بالصدقه والاستغفار والدعاء في جوف الليل

    انا نفسك كلشي سليم وربك ماكتب لي الحمل للحين واعلم انها وربي خيرتن لي
  3. @sabryn_22

    عزيزتي ..
    انا عندي تكيس مبايض و هو يختلف عن الاكياس ، التكيس متلازمة و شئ خلقي بالمرأة ما يروح او ينزل بالخلطات و بعض الحريم يخلطون بينه و بين الاكياس اللي تطلع فجأة
    و عادة التكيس يكون وراثي و بحكم إننا و لله الحمد عائلة متكيسة =) فبنقلك تجربتي و تجربة اختي .. اختي جابت طفلها الاول بعد سنتين و استخدمت الكلوميد لمرة واحدة و مو هي المرة الللي حملت فيها
    و لما قررت تحمل مرة ثانية خذت الجلوكوفاج ( ميتفورمين ) ستة شهور و حملت اللهم بارك
    عشان كذا استمري على الميتفورمين و دام نحفت ان شاء الله بتحملين لان السمنة بحد ذاتها تعيق الحمل .

    أما انا يالحبيبة فأعالج من 3 سنوات تقريبا عملت تنشيط 5 مرات بالكلوميد و الابر و تطلع بويضة بحجم مناسب لكن ما يحدث و لما الدكتورة تبدي استغرابها أقول ( إنما الروح من امري ربي و ما أوتيتم من العلم الا قليلا ) مهما تقدم العلم و قاس البويضة و كانت 20 و لا 60 تبقى الروح و ارادة الحياة من قدرة الله وحده لا يستطيع الطب و لا غيره يدخل فيها و هذي مجرد اسباب نبذلها الا ان حقيقة الحياة و نفخة الروح منه سبحانه يهبها لمن يشاء وقت ما يشاء .. رضينا به ربا و شكرنا قضائه .
    طبعا بعد خمس مرات تنشيط قالت الطبيبة اما تلقيح صناعي او طفل انابيب لا خيار امامك .
    توكلت على الله و بجرب التلقيح الصناعي الشهر هذا <دعواتكم :" > لانه اقل كلفة و اسهل من طفل الانابيب .
    انا كنت اراجع عند اسطون و الحين بسوي التلقيح في سعد الصانع عنده طبيبة اذا حابة بس الله يعينك على التكاليف .
    طريقة الطبيبة اللي عالجتني كشفت على قنوات فالوب و خذت تحاليل الهرمونات و تأكدت من أن الرحم ما فيه اكياس و سدد و بعدين بدت تنشيط بالكلوميد .
    دعواتك حبيبتي ربي يكتب الخير لي و لكِ و لبنات حواء يااارب و يسعدنا في الدنيا و الاخرة .
  4. شوفي حبيبتي أنا مثلك عندي تكيس وصارلي 6سنوات ولاحملت أخذت منشطات وإبرة تفجيريه وسويت تلقيح صناعي وأخذت كلوكفاج ومتفورمين ولاحملت الحمدلله على كل حال ولما حولني الدكتور على قسم أطفال الأنابيب قالو نزلي 7كيلو من وزنك فنصيحة نزلي وزنك وصلية للوزن المناسب لطولك وسوي أطفال أنابيب إختصار للوقت وأحسن من التلقيح الصناعي ولا تاخذي عشبة المدينة ماتصلح للي عندهم تكيس لأنها منشطة وتنشيط بدون متابعة وإبرة تفجيرية يضر ألي عندهم تكيس ويسبب إفراط في التنشيط ومن تجربة

تابعي تجارب أخرى من هذا القسم.