شاركي في النقاش

سجلي الدخول لإضافة تعليق.

التعليقات

22
  1. @rk_mshaaar_3

    حبيبتي انا كنت زيك كنت اشيل بقلبي ولا أفضفض بس والله ماحد سأل عني انا التعبانه مو هم المهم صفيت قلبي من كل اللي فيه وحسيت براحه عجيبه اتعرض لمواقف
    بس ولا كاني سامعه ولا شايفه وان كان من شخص قريب احاول اوضحله.اتمنى اني افدتك
    ياااااااااااشيخه خلينا نعيش بطيبتنا بس الغلط مانرضى فيه.
  2. @hms_algnob_1

    صراحه عمري ماشلت على احد واذا احد غلط علي واعتذر بسرعه انسى

    تكلمت زوجه اخو زوجي علي كلام ما تتخيلون والسبب اني دخلت عليها وهي تهزا اخت زوجي وزوجها

    المشكله ان اخت زوجي صغيره اعتبرها من بناتي تزوجت وهي كانت مره صغيره وكبرت معانا ومع بناتي فاحس كانه اختي او حده من بناتي

    ويوم سمعت صراخ زوجه اخوها عليها دخلت اصفي القوب وافك بينهم والله لايوريكم وش سوت فيني قدام بناتي والشغاله وام زوجي وحتى الاولاد سمعوها وانا اصلا جايتهم زياره لمده شهر وراجعه بيتي وماني ساكنه معاهم وسكت وما قلت شي وبعدين تغيرت علي عمتي ام زوجي وصار يوصلني كلام اني فتنه واني ضربت زوجه اخو زوجي واني ابي اطرد شغالت عماني واكتشف ان الفتنه من زوجه اخو زوجي

    انا لي سنه ما اكلمها ولما اروح لهم اكون رسميه ولا اسولف معاها وعلا بالي تعتذر لي ولا على بالها

    واحينان اقول ياربي الى متى واحنى كذا

    واحيانان اقول هي الغلطانه ولازم تعتذرلي من الي سوته وشوهت سمعتي بين الناس

    انا دخلت في الموضوع عرض بس اعتذر من صاحبت الموضوع واتمنى تقولولي كيف اشيل الي في قلبي

    سامحوني طولت عليكم
  3. @larenta

    ياحبيبتي000 هذا شي عادي وبسيط بالنسبة للي مر فيه غيرك احمدي ربك واشكريه ما اتهموك في دينك او سمعتك 00
    صدقيني يا اختي على الباغي تدور الدوائر اختي مطلقة من عمرها 16 سنه وعندها من زوجها ولد وظلت طول عمرها تربي في ابنها الين صار رجل خايفة تتزوج وتخليه
    وبعدما صارت في الاربعينات تقدم لها واحد مو متزوج شاب يصغرها بسنوات وتزوجته
    اهل زوجها اتهموها بالسحر وبارتكاب المحرمات مع انها انسانه طيبة ومتدينه ومستورة
    وكل ذنبها انها مطلقة مع انها ماعاشت مع زوجها الا شهرين حملت بولدها فيهم وبعدها تطلقت لصغر سنها
    بس ربك ما تركهم هي نست وسامحت والله مانساها
    في نفس الشهر اللي تزوجت اختي ولدهم تطلقت الاخت الكبرى من زوجها وهي اللي عيرت اختي بالطلاق ورجعوها لزوجها بضغط من اختي لزوجها لارجاع اخته
    وبعد سنتين تزوجت ابنتهم المتخرجة من الكليه على شاب طلقها في شهر العسل ورجعت لهم وطلعوا اهل زوجها عليها كلام كثير يالله سترك

    والاخت الوسطى متزوجه ولم تنجب الا البنات فهجرها زوجها لمدة سنتين لاينام معها يجازيها لانها انجبت البنات ولم تنجب ولد

    والاخرى زوجها يتصل بزوج اختي ( اخوها) ويشتكي منها بانها لاتعرف الامور الزوجيه الخاصة وهي ام لاربع اطفال وهو غير سعيد معها شف كيف كشف سترها

    ولازالت الاحداث مستمرة الشيء المحزن في هذا الموضوع ان اخواته ملتزمات وبعضهن داعيات ومع ذلك لم تسلم اختي من شر السنتهن
    صدقيني
    كل يوم اختي تقول الله يسامحهم ويحللهم
    لكن الله يخليها تشوف كل يوم شي فيهم ومع ذلك توقف معهم من غير مايدرون وتشجع زوجها يوصلهم
    وتقول مهما كان هذول اهل زوجي تصدقي يا اختي لايعزمونها في عزايمهم ولا في مناسباتهم ومع ذلك دايم تمدحهم قدامنا
    وتقول لاجل عين تكرم مدينه
    سامحي يا اختي بس قولي اللهم اني اشهدك باني سامحت فلانه وفلانه وصدقيني ربي بيوريك اللي ماكنتي تحلمين تشوفينه
  4. @nor_alkmrm2

    يسلمواااااااا بنات والله ردكم يزيل الحقد الله يصبرنا واحتسبي اجرك عند الله والله مايضيع حق احد الدنيا دواره

تابعي تجارب أخرى من هذا القسم.