♥ஐ☼ {{{ تجــــمع جــــديـــــد لــبنــوتــات جـــــــده غـــ☼ـــير }}} ☼ஐ♥

هلا ببنات احلىىىىىىىىىى جده

ابي اسالكم عن شنط المدرسه من وين اشتريها جربت قبل الراقيه وجرير وابي اغير
وبالنسبه لستي بلازا هل الشنط المدرسيه الي فيه تناسب طالبة ثانويه؟؟؟؟؟؟؟؟

مشكوووره يا بنت امها وابوها ربنا يسعدك يارب ويوفقك ما قصرتي

بالنسبه للاخوات الي بيسالو عن افضل كوافيره ... عن تجربه انا كنت دايما اسوي مكياج عند فيوتشر الي عند مكتبة جرير في شارع صاري وحتى تسريحات الشعر عندهم صراحه مبدعين ما عمري خرجت من عندهم زعلانه ابدا بس مشكلتهم زحمه وفوضى شوي

وجربت كوافير بثينه الي خلف المساعديه ... كاااااااان مكياجهم ممتاز و لكن اخر مره خرجت من عندهم مرررررررررره زعلانه خلاص خربووووو واكثر من وحده تقولي خربوو
اولا الي تعمل المكياج طريقه تعاملها ما عجبتني ابدا لا انا ولا اخواتي كده اسلوبها سيء وشايفه نفسها وتكلمنا بطريقه كده يعني انها فاهمه في البشره وان الدكتور الي بنتعامل معاه سيء وكيف تروحولو انتو ؟؟ وليش تعدموا بشرتكم ؟ انا ما صبرني الا اني ما عندي وقت اضارب معاها كان نفسي اقولها ايش حشر خشمك ؟؟؟ بس عاد وجهي بين ايديها هيا الي بتعمل المكياج فسكتت وخصرتها.. كل داالي بتسويه عشان تقنعني انهم عندهم خدمات مضمونه للبشره المهم مره ما عجبتنيييييييي ومكياجها صحيح حلو بس ما كنت راضيه عنه زي في الفيوتشر مره احلى بكثير

ثانيا: الشعر ......وما ادراكم ما الشعر والي حصل في شعري . ويومها انا قررت ما عاد اطبه ابدااااااااااا ابدا
تخيلو جاتني وحده مغربيه ومي فاهمه لا في شعري ولا في شعرها حتى واسمها ابتسام
احذركمممممممممممممم يا بنات لا تتعاملوا معاها تراها تعمل نفسها فاهمه والي حصل انها رفعت ضغطي ذاك اليوم والله رحت الفرح معصبببببببببببببببه :angry:

قلتلها ابغى شعري ملفلف حسب التسريحه الي شفتها في المجله الي عندم ... طبعا ابغاه يكون ناعم وملفلف مو زي ميريام فارس؟ لا على لفات اكبر ... فهمتو قصدي
المهم تخيلووووووووو تقولي حاحطلك موس وجل وبس... بدون ما تسشور ولا تعملي فير ولا شي؟ مع ان شعري من النوع الي حلو ملفلف كيرلي طبيعي مو خشن يعني ... قلتلها حبيبتي اجل ليش جايه كوافيره كنت جلست في البيت وحطيتله جل وموس
الموهم طول الوقت وانا اقولها ايش تسوي واخخخخخخخخخخر ما يكون طلعت من عندها وهي مخلصه علبتين مثبت شعر على راسي ويومها شعري كان مقرفففففففففففف :bkh:
وبعد ما اتحممت اكتشفت ان شعري اتحرق واتقصف وانا من النوع الي اعتني بشعري
والله قسما بالله ما راحت ريحه المثبت من شعري ولا بعد رابع او خامس غسله ودا الي خلاني اتاكد ان شعري اتحرق وهيا بتسشورلي ...وبعدها حطت المثبت فمسكت الريحه بشعري وبعدها صار شعري خشششششن ومقصصصصصصصصصصصصصف وما امسك شعري الا ينقطع من النص صرت ابكي :icon33: بس ما اقول غير حسبي الله عليها
معليش طولت عليكم بس حبيت افيدكم واحذركم من التعامل مع كوافيره بثينه الشريرين :30:

ان شالله ناويه اجرب منه شلبي .....وي؟ قصدي منه سنتر ههههههه
شفت شعر صاحبتي ما شالللللللللله تبارك الله مره شعرها طلع يجنن درجولها هوه من غير ما يخربوووو تعرفوا كيف الكوافيرات لو قلتيلهم قص اطراف تطلعي من عندهم وشعرك بوي
بس منه سنتر سوولها شعرها مدرج على نفس طوله .. حتى مكياجهم حلو تمدحهم وان شالله باجربه واقولكم
وسلامتكم :)

حبيبتي مرح ... بالنسبه للسوق النسائي اسمه روبوت مول وعنوانه سهل ومايتوه ...
تروحين من اول شارع خالد بن الوليد من عند تامروتمارا وطبعا الشارع هذا طويل وفيه اشارات كثير .....تمشين فيه وتلفين اول لفه على اليمين قبل اول اشاره تلاقين السوق قدامك زي الكوره لونها اسود..........ماادري اذاهذا السوق اللي تقصديه...
وهوله 8 أشهر فاتح...
رحت له انا واخواتي وهو عباره عن 7 أدوار في ملابس واكسسوارات ودورات وكوفيره وحضانه بس صراحه ماشفت إلااكسسوارات وملابس .... بضاعتهم عاديه جدا وماعندهم ولاماركه مااشترينا إلا شوية اكسسوارات....وفي الدور السابع مطعم وكافي بس الخدمه فيه بطيئه جدا........اتمنى اكون افدتك.....


حبيبتي.....فتاة الأزهار2.........يازينك ياشيخه والله ذكرتيني بذكريات حلوه قبل ماأتزوج كنت متوليه امراخوي الصغير البسه واهتم فيه واذاكرله...الله يسعده ويسعدك ياشيخه..
وبالنسبه للرحلات اماكن ترفيه مغلقه زي مره راحوا ملاهي السلطان..وانشاءالله يستفيداخوكي وينبسط كمان.....
وبالنسبه للرد ياحبيبتي اذا كنت عارفه شي وحده سالت عنه لازم اقلها لأني لوماقلتلها احس انه مافيه خير وبعدين ماراح ينقص مني شي بالعكس يمكن احصل دعوه حلوه زي دعوتك...
والشي الثاني اني انقهر وازعل لما مااحد يرد علي ويفيدني....

مشكورين حبيباتي اللي ردو علي في موضوع دورات المكياج والاخت اللي قالت لي عن انها بتقول لي وحدة تعمل مكياج حلو ياريت تقول .
وشكرا