تجمع للمصابات بمرض الذئبه الحمراء

شوفي حبيبتي موية الرئة مو رايحة العب عليك الا خطيرة وخطيرة مرة كيف عندها موية رئة وجالسة في البيت
هذولي على طول يحجزهم المسشفى انا جاني التهاب رئة قام المستشفى وماقعد وسوولي فيلم رعب واشاعات وتحاليل
وشي يدخلونه وشين يطلعونه حتى كانوا يخلوني اتنفس اكسجين من الانبوبة ربي يشفيها بس على الغالب ان كانها
تاكل كورتيزون فهو ضعف المناعة وجاها التهاب حلق عادي ونزل الصديد على الرئة والتهبت نفس اللي صار معي
احس اني بصير دكتورة اهم شي المضاد واتوقع انو رايحين يعطونها مضاد في الوريد لأنه اسرع مفعول من الحبوب
وعلاج الموية يفتحون فتحة صغننة ويدخلون انبوبة وينزلون كل الموية الزايدة سهلة ان شاء الله

تخيلي عاد تلعبين كاراتيه لا عاد مرة الروزاتيزم يساعد وربي ماترفعين رجلك غير وهي متثبتة على شكلها
من الشد خل الكاراتيه عني ومير على فكرة مرة معجبتك جملة الصداقة على قولتك لو ماصادقناها بتزاعلنا
وربي يكفينا زعلها

rقمة النعومة take this for you
وربي مقصرين بس عاد اعذرينا

ســـــــــــلااام ياحلوات .... كيفكم إن شاء الله طيببببببببببببببببببن
سلاااامتك قمة النعومة ماتشوفين شر الله يشفيييييييييك ويشفينا وجميع المسلمين
لولو الطايف طمني صديقتك ان شاء الله ازمه وتعدي انا مريت بالمرحله هذي وصار عندي مويه بالرئه بس ماسوولي فتحه ولاشي ركزو على العلاج الطبيعي بالزفير والشهيق هي سهله بس وقتها اشويه فيها صعوبه لان يكون عندك التنفس ماش تمشين خطوتين تكل راكضه سبع مية كيلو صدرك كلن يسمع صوت تنفسه بس الحمد لله عدت الازمه على خير سبحان الله فرق بين اول والحين قوولو ماشاء الله قبل كنت ماقدر امشي خطوتين واليوم منظفه البيت من الى وهو دورين عقب الغبره والعجاج امس ومافيني الا العافيه واللهم لك الحمد والشكر على العافيه وبلغي خويتك قولي لها مابعد عسر الا يسر ومابعد ضيقه الا فرج وان حصل اقري ردي ذا لها وان شاء الله تتحسن نفسيتها ترى كله خير لنا.
وحبيت ارد على لمار القمر انا بدايت تعبي تعالجت بمستشفى فهد التخصصي بالقصيم وبعد ماطلعت وتحسنت اشوي
طلبت تحويل لمستشفى فيصل التخصصي والحين اتابع عندهم كلهم تعرفين فيصل مواعيدهم بعد كل ست او ثمان شهور
عشان كذا حبيت استمر بمستشفى فهد مع ان مستشفى فهد دكتوره افضل واكثر اهتمام وترتاحين عنده ودكتور شاطر الله يحفظه وينفع به المسلمين.
وتقريبن قبل شهر اتصلو علي واطلبوني اسوي تحاليل يقول الدكتور يبونها عشان يسوون دراسه للمرض وبعدها بلغني انه فيه علاج حايوصل السعوديه وانا من ضمن الي بيستخدمون عليهم العلاج صرت فار تجارب الله يخلف خخخخخخخخ

وسلامتكم <<<< صح لسانك ههههههه
ماعليش كثرة عليكم:)

الحمد الله ع السلامه

يلي طمنينا عليك

وسلامتك والله احنا لو غبنا عن بعض نقلق ع بعض لو ما سالنا

والله يشفينا ويشفيك