مشكله ...ساعدونا في حلها حائره بين ضميرها وكرامتها...

بنات اتمنى احصل الحل عندكم

هذي مشكله اعز صديقاتي.......وانا اقولكم عنها حتى اعرف شو رأيكم فيها وعندنا ثقه فيكم.....

المشكله يا طويلات العمر صديقتي تخرجت من الجامعه وعندها اخ يكبرها في السن متزوج وعنده اطفال ...كان اخوها وهم صغار متعود على ضربها وشديد معاها كبروا وبينهم هالحاجز وبعدين هو حاليا له مستواها ووظيفته المرموقه بين الناس والكل يعمل له الف حسا ب يعني تقدرون تقولون شايف نفسه وواثق من نفسه كثير علاقتهم وهم كبار عاديه ما فيه اي مشاكل .وان كانت فيه مشاكل تتجاهله هي لانه اذا راددته وتكلمت معاه تعرف انه من الممكن انه يضربها حتى لو هي كبيره....




بس فيه يوم وصارت المشكله ،، اذا سألتوا عن الاهل وينهم منه الام تقدرون تقولون انه ابنها هذا حتى لو على خطأ بتقول هو الصح والبنت عندها تصبر على اخوها حتى لو ذذبحها ،،، الاب مشغول واذا صارت مشكله بن صديقتي واخوها دخلت ابوها ما يبرد حرتها فيه بس يطلعه ويقوله كلمتين وبس ،،،

السالففه هي ان صديقتي صارت بينها وبين خواتها الصغار خلاف على شغله بسيطه كانوا يبونها منها هي تبا تعلمهم انها هي الكبيره ولا يتعودون يكلمونها بهذي الطلايقه رفضت تنفذ لهم هذي الشغله راحوا لأمهم وقالولها جات الام الله يسامحها عند صديقتي وهي أصرت على رأيها قالت لأمها ما عليه المشكله بيني وبينهم يحترمون اللي اكبر منهم بعدها بسوي اللي يبونه .....


الام راحت للاخ هذا وقالت له ....طبعا هو دخل على أخته مثل الثور الهايج ......وهو اساسا ما يعرف شو المشكله بالضبط وهي مشكله شخييييييييييييييييييييييفه جدا كانت بين الاخوات قامت الام دخلت الاخ بينهم.....

طبعا ضربها ضرب الله لا يوريكم بالعصا وترفيس وسحب شعرها .....حتى شفت جسمها كل ازرق الله يعينها ولا راحت الاورام منها الا يمكن بعد شهر........
الموضوع الخلاف هو ما يعرفه بس لان امه فتنت بينهم هو قبل المشكله كان معصب وبعد ما عرف بالسالفه هذي قال بحط حرتي في احد ما لقى غير ربيعتي هذي....

السالفه هذي صارلها سنه ومن يومها صديقتي ما تتكلم مع اخوها ولا تزوه ولا تسلم عليه حتى اذا زارهم هو وعياله في البيت وصادفته في اي مكان تتجاهله وتسوي عمرها ما تشوفه ولا كأنه موجود............

هو ما ندم ولا حس بأي شي بالعكس عادي عنده لانه متعود انه دايما الناس يقولون له صح انت ويقدرونه حتى لو خطأ ما يعتذر.......

هي قالت انا بسامح عادي بس لو اشوف منه اي احساس بالندم ما ابغا منه اعتذار بنسى بس هو ما عنده اي احساس.....

قالت لي انا ما ابيه يتعود لو سامحته بعد الضرب اللي اليهودي مستحيل يضربه بيتعود هذا وانا عند ابوي ومو محتاجته ...تخيلي لو ما تزوجت وعنست وابوي الله يطول بعمره ما تم لي وتوفى واضطريت اعيش عنده شو بيسوي فيني قدام حرمته وعياله ..........

هل هي ببتحاسب مع العلم والله الضرب اللي انضربته مو سهل فضيع كان وجسمها كله اورام زرقا وحمرا والله فضيع .....تدوس على كرامتها وتروح له مع انها ما غلطت معاه ...................وهو ما يهمه عااااااااااادي عنده ...

واللي يقهر ان امها تقولها انتي قلبج اسود عادي كل الاخوان يتضاربون سلمي عليه ...واما ابنها ما تقوله شي عااااااااادي ولا كأنه غلط واهان اخته...........

هي قالت لامه رجاء لا تدخلين يكفي اللي جا وسويتيه بييننا انا يا يمه ما ابغى اغلط عليج واخذ اثم .....لا تلكميني في هذا الموضوع ...انا ما عندي اخ بهذا الاسم....صار للموضوع هذا سنه وشوي....الحال على ما هو عليه ......


انا احس انه مستحيل تدوس على كرامتها هذا حسيته من كلامها ..بس تبغا تعرف رأيكم....

تقول اذا الله امر بالمسامحه والزعل ما يطول ....بعد ربي يحب المؤمن القوي .....وتقول انا عمري ما انهنت بهذي الطريقه اول ونحن صغار نقول عادي نسامح اطفال لكن وانا بهذي السن انضرب ضرب وبدون اي سبب حتى هو ما يعرف ليش ضربني لو احد سأله ليش ضربته في هذيك اللحظه بيقول ما اعرف بس معصب...لا مو اي ضرب ضرب حتى الحيوان ما يضربونه.........

انا صراحه احترت حاولت احل المشكله و اغير رأيها بس ساعات احس كلامه صحيح....

انتوا شو رايكم

25 تعليق 2,458 مشاهدة

شاركي في النقاش

سجلي الدخول لإضافة تعليق.

التعليقات

22
  1. @othab

    صراحة ماعندي تعليق

    لكن الله يفرج لها

    واوصيها بالدعاء

    الله يرزقها بالزوج الي يسعدها ويعزها

    ولا تشيل بقلبها مشكلتها تروح مع الأيام وتصير ذكرى
    والأولاد بعضهم كذا الله يهديهم , طبعهم جفس
  2. انا من رأي تستمر على ماهي عليه لانه زودها شوي والواحد الا كرامته خصوصا لو الامر مايستاهل بس صدقيني اكيد هو بيموت من القهر بس يكابر ....
  3. @sabron

    خليها مطنشته صحيح انه ما يستاهل يتعامل باحترام يعني يفش غلته باخته بس السلام الي لله لابد منه لانه الرسول يقول وخيرهما الذي يبدا بالسلام يعني ترد السلام اذا طرحه بس لاتتعامل معاه ابدا اذا هي مرتاحه منه بالطريقه هاي
  4. @sbah11

    السلام عليكم
    انا معها في رأيها وموقفها
    يعني هو ما فيش ضمير بالمرة عند اخوها
    اذا احس انه اخطأ واستسمحها نقول عرف غلطه وفيه امل يعاملها كويس
    لكن اذا هي رجعت تتعامل معه عادي حيخليه يتمادى اكثر في افتراه عليها ويقتنع بزيادة انه مش غلطان وهي كانت محتاجة العلقة دي
    احيانا يضطرنا اقرب ما لنا ان نتركهم فترة علهم يراجعون نفسهم
    ونادرا ما يستجيبون خاصة اذا كانوا رجالا
    لكن لا بد من وقفة جادة لوضع الامور في نصابها
    لان المفروض ان يكون هو سندها وحمايتها
    والا الواحدة تجيب حد غريب يحميها من اخوها او زوجها (كلام عام)

تابعي تجارب أخرى من هذا القسم.