قربت العطله وبتكثر الزواجات والعزايم ولازم تحضرون

24 أبريل 2010

:) اهلين بنات اخباركم

بنات كلنا نبي نغير من حالنا طيب

اللحين الاجازه قربت والمناسبات والزواجات والعزايم بتكثر بالعطله

طبعا ياكثر الحلوات اللي المتخبيات اللي تندب حظها ليش انها ماتزوجت زيي ماانخطب الا اذا طلعت لمناسبه واذا ماطلعت يوقفون الخطاب لااااازم الترزز والله جاب معي نتيجه حتى لو عندك جيران احرصي تطلعين على الاقل يذكورنك ويخبرونك

انا ادري انه كل شي نصيب بس بذل الاسباب لابد منه زي اللي يدور وظيفه يجلس مايقدم ويحتري الوظيفه لا اكيد بيروح يقدم ويبحث عن وظيفه

حنا كذا لازم نطلع وونتكشخ عشان الرزق

اول شي لازم تبدون من اللحين تهتمون بانفسكم كلكم حلوات مافيه وحده شينه الا اللي مو واثقه كلنا كل بنت فيها ميزه

اول شي الجسم

اذا انتي دبى يعني امتن من الهام الفضاله:42: لازم تنزلين وزنك وتسوين رجيم قاسي هذي الفتره مع الرياضه وخاصه السير الف مره باليوم مع المحافظه على مرونه الجسم عشان مايترهل طبعا فيه رياضه تمنع ترهل الجسم
خلوا عنكم الكسل وسوو رجيم وخلوا عنكم البلع اعرف وحده كانت اختها تنخطب وهي لا جت سوت رجيم قاسي ونحفت وراحت زواج وانخطبت وتزوجت ماشاء الله

طبعا ضروري تلبسن مشد مع الفساتين وخلي لبسك يناسبك لاتلبسين فاتح او مشجر كبار او طبقات او فيه مرزكش كثير ولاتلبسين استرتش ضيق قوه ولا فيه ورد او فللل كبيره
خليك حريصه على الغامق اسود ليلكي اخضر غامق وخليه عادي ونااااااعم واحرصي ماتلبسين قصير مره يعني اخر شي ميدي

طيب
نجي للعصقولات من اللحين سنتري عند الثلاجه لاتخلين شي ماتاكلينه خليك زي الفار اخر اليل ههههههههه
كولي حبوب فتح الشهيه

كبسولات كبد الحوت زينه
كثري بطاطس ومشويات ومكرونه ورز افطري مرتين تغدي مرتين تعشي مرتين واخر اليل عاد لاتقصرين
لاتشربين مويه الا بعد الاكل

الفساتين لازم تلبسين فاتح ومرزكش ومشجر وطبقات يعني يصير فيه خرابيط كثيره اهم شي لا يصير ساده او على جسمك مخصر لا ماينفع لك كذا او قماشه يتمغط الا اذا ممسك وكذا < امحق اسلوب هههههه

طبعا تعدلينه وتسترينه بطريقه حلوه واذا قصير البسي تحته شي وغيري القماش واللون
مو لازم عاد التكلف بالفستان اللحين طايحين بفساتين عادي وناعمه بدون شك وخرابيط

00000000000000000000000000

نجي للبشره من اليوم تقشرين بشرتك انتم تعرفون المقشرات الي تصلخ الجلد وتخلي بشرتك بشره طفل اللي بشرتها مو خربانه قوه تستخدم بيبي فيس

واللي مندمره تستخدم رتن اي

واستخدمي مرطبات ومغذيات

وتحطين خلطات طبيعيه من ثلاجتكم يوميا عشان تجدد بشرتك ويصير فيها نضاره واحرصي عل ماء الورد اذا غسلتي وجهك وسوي بخار

وسوي تدليك يوميا واضحكي دايم لان ترى الحزن والتكشير يعطيك عمر اكبر وتتجعد بشرتك

اهتمي بوجهك الله يعافيك ترى صغير مايبيله شي هع واذا انتي تعرضين للشمس الواقي لاتنسينه

طبعا الميكاج اياني واياك تحطيك ارخص واردى الماركات ااذ ماتعرفين خلي احد يحطلك او اشتري احسن الماركات

ترى احيانا اشوف بالزواجات التلكف يقالها حلوه وهو العكس مشينه نفسها بطريقه مكياجها مثل توزيع الاساس بطريقه غلط او رسمه الكحل والاي شدو
احيانا قيها حبوب او بثور وتكتفي بالاساس لا الكونسيلر اللي هو مخفي العيوب مهم

عندك ديرما كول ممتاز

وطريقه الكحل والاي شدو لاززم ترسمه لك فنانه ولا روحي مشغل
والروج خليك على الالوان الفاتحه الناعمه

سبحان الله اذا رحتي لوحده فنانه بالمكياج تقدر تخليك احلى وحده اذا ملامحك كبيره تصغرها
المهم انكم ماتلعبون بوجيهكم واننتم ماتعرفون

عموما المكياج الناعم احلى شي
حتى السمرا قوه تقدر تحط مكياج زي باربي تطلع حلوه
0000000000000000

نجي لشعرك اللحين الشعر الخشن تقدرين خلينه نااااااااااااعم افرديه عند مشغل ياشيخه وش اقولك والله اني استغرب من ابنا ت اللي شعورهم خشنه اللحين شعورهم ناعمه وسايحه وحركات االاستشوار الهوائي روعه والستريت روعه

شعرك طويل حاولي ماتسوين تسريحه كله مرفوع وع هذي تسريحات حريم فوق الاربعين

اما البنات غير

استشوريه وسيحيه او ارفعي بعضه او سوي كيريلي
اذا شعرك قصير طبعا بتكونين قاصته قصه حلوه وكشخه
لاتفلين شعرك على الي هو ماقصيتيه ولاشي لا اذا قصير قصيه شمس او فراوله او اناناس او موز خخخ امزح او على طوله تكون قصه حلوه

اذا قليل شعرك قصي قصه تكثره
فيه بنات شعرها حلو بس ياتربطه يا تحط تجمعه كله فوق افرديه قصيه ترى الشعر يغير من الشكل اذا غيرتي من شكله يبان ملحك وزينك

فيه قصات كثيره اما قصه فكتوريا فيه بنات يقصونها ماتناسبهم القصات الغريبه مو كل بنت تناسبها ترى

اذا من زمان ماصبغتي او ماعمرك صبغتي اصبغي غيري من شكلك

خليك كانك فرنسيه
-------------

واللي مكبره عمرها وخاصه الي فوق الثلاثين يقهروني والله حلوات بس مايهتمون بانفسهم كل شي تقول مايناسبني ليه
والله اعرف وحده بالاربعين تلبس لبس مراهقات وماشاء الله تعجبني باناقتها مانصدق عمرها

فما بالكم بالثلاثينيات واذا انتي ماتزوجتي لاتبينين للناس انك حزينه خليك فرفوشه وفله وانيقه بتجذبين الانظار لك وخليك شوي مع امك سلمي على الحريم معها وشوي مع البنات فوق المنصه استهبال ورجه لاتسوين ثقل بيقوولن منهي بنته ذي تشوفين ان ما كلن ذكرك من جهه والله بنت فلان كاشخه وصايره حلوه وفله حسافه ويدورن لك رجل ولا يشتغل تلفونكم
والاي بالعشرينات نفس الشي

اذا لك خوات اصغر منك لاتخلينهم يترززون واجد مع امك بس الكبيره هي اللي تصير مع امها وكل شوي تعالي لامك كلمها وروحي وسوي وامزحي وفرفشي < حركات خخخخخخخخخخخخخ

ايه صح خليك رزه ودلوعه ورافعه خشمك ورازه جسمك وواثقه من نفسك وتمشي بالقصر اذا انتي قصيره البسي اطول كعب بتصيرين اطول وحده والكل يشوفك

لا تخبين بين المعازيم وماتقومين الا للعشاء لا غلط ترى بالزواجات الحريم بس يمشون ويطلون بوجيه الناس والمنصه بتكون محط الانظار فا الله لايهينك ارتزي طيب لاتقولين لا فيه بنات احلى مني لا انا اذكر وحده عاااااااااديه وفيه بنات احلى منها سبحان الله بدت ترزز وانخطبت وانقهروا البنات منها تعرفين البنات والغيره تشتغل تنافس بالعروس

وبس خلص موضوعي بس حبيت اذكركم تبدون تهتمون من اللحين وانا ذكرت اشياء مهم واالنت مايقصر بالافاده والاناقه ابحثوا وانا اولكم
والله يرزقكم ياااارب ويوفقكم ويارب ماتجي الاجازه الا وانتم مخطوبات
:icon28:

معليش حطيت صور فساتين بس للاسف ماطلعوا بحاول احط لو واحد

قربت العطله وبتكثر الزواجات والعزايم ولازم تحضرون

التعليقات

✈️ يا بنات.. العيد قرب! وين نوينا نسافر؟ (مشاركة لوجهاتنا المفضلة) 🌍

قررت اغير حياتي

#القرب_من_الله =

بنات قررت اجيب شغاله

🎊 رمضان قرب 🎊