شاركي في النقاش

سجلي الدخول لإضافة تعليق.

التعليقات

2,006
  1. قاعده املي الاوراق المطلوبه واوقع بااااال والله الكلام يخرع يعني لو شيصير لج مالنا خص انتي وقعتي:(
    الله يستر بنات فديتكم ادعولي مااعرف ليش احس فديتها بنت البحرين ولدت يارب تكون خلصت شهورها بالسلامه وربت وقرت عينها اتمنى تطل علينا وطمنا
    عمور فديتج ع بالي اليوم
    ضحكتي يالله هانت كم يوم وتبتدين العلاج الله يوفقج ويختمها لج بالحمل السليم يارب
    الصبوره الله يخليلج القمر ويارب هاذي اخر دوره
    مها الدوحه وينج كم يوم مابينتي الله يفرحج بالبيبي السليم ياربي
    الواله غبتي عنا وايد وعسى المانع خير
    ام الحلو اخبارج ؟؟
    غير وغلا وريج وبنت الظهران وسكون الله يحفظكم وييسر اموركم يارب
    اش ار الزمي الراحه كم يوم وبعدها تحركي شوي والله لايضيع لج تعب
    كود وينج وين تقرير اليوم؟؟؟ الله ييسر امورج وتجيبين احلى بنتين يارب
    بيت سعيد وحشتيني واخبار موعد زوجج؟؟ يااااارب نفرح فيج قريب
    احسان وصبا الله يقومكم بالسلامه انتو والبيبي
    القطوه ومهاو الله يقر عيونكم بالضنا يارب
    لاتنسوني محتاجه دعاؤكم احبكم كللللللكم:)
  2. وااااااااو
    قاعده املي الاوراق المطلوبه واوقع بااااال والله الكلام يخرع يعني لو شيصير لج مالنا خص انتي وقعتي:( الله يستر بنات فديتكم ادعولي مااعرف ليش احس فديتها بنت البحرين ولدت يارب تكون خلصت شهورها بالسلامه وربت وقرت عينها اتمنى تطل علينا وطمنا عم…
    ما دام استخرتي لا تخافين بالعكس انا المحاولة اللي حملت فيها هي المحاولة اللي سواها لي شحاته .. و توكلي على الله ما عليج انا اللي صارلي كان مكتوب انه يصير ووايد ناس ما شاء الله كانوا عنده و ما فيهم الا العافية ..فلا تخافين .... Delete كل اللي قلته ما عليج مني ... حسستيني بالذنب :)


    موفقة يارب و ربي يكتبلج حمل صحيح سليم يا رب ..الله يعينج على النطرة :)


    يامن يحي العظام و هي رميم احيا اجنتها يارب .. وكلي امرج لله .. نصيحتي لا تبالغين في الراحة .. لان النفسية مهمة و اذا بالغتي في التسدح بتتعب نفسيتج اهم شي الاعتدال و لا ترفعين اشياء ثقيلة .
    الله يفرحج يا رب و ما يضيع تعبج .



    اي عادة مستشفى حمد قبل ما تدخلين يوقعونج على كل شي علشان حزة الحزة يقلونلج مالنا دعوا ... وقعي وقعي الله الحافظ .

    بنت الظهران و ينج اليوم ؟

    :icon28:انطروا تقرير اليوم .. بعد الفاصل الاعلاني .. راجعتلكم ....كان يوم حافل :icon28:
  3. code
    ما دام استخرتي لا تخافين بالعكس انا المحاولة اللي حملت فيها هي المحاولة اللي سواها لي شحاته .. و توكلي على الله ما عليج انا اللي صارلي كان مكتوب انه يصير ووايد ناس ما شاء الله كانوا عنده و ما فيهم الا العافية ..فلا تخافين .... Delete كل ال…
    باذبحج بعد تقولين حزة الحزه بيقولون انتي وقعتي ياختي والله ميته خوف الله يستر انا ماابي اقول من ايش خايفه يقولون اللي يخاف من شي يصير له باسكت بس يالله عطينا تقريرج ياقمر وانتي عند من اتابعين
  4. اهلا اخت كود لالا مو مبالغة بالراحة حتى بداوم بكرة بس ما بتعب نفسي وايد اتحرك شوي شوي خايفة لان ينزل علي دم شوي عادي طبيعي؟؟
    لان بعد السحب مجرد بعد العملية نزل شوي ووقف الحين اشوفه مستمر 8 ساعات لحد الآن اهو مو واجد بس تعرفين بهالفترة الواحد لازم يحاتي
    انزين وعندي مجموعة أسئلة:
    بالنسبة للتحميلات الدكتورة قالت لي آخذها في المهبل وفعلا لاحظت مثل ما قلتي تمثيل وبعد فترة بسيطة ينزل تكرمون بالملابس سائل ابيض فما ادري اجرب مثل ما قلتي بالجهة الثانية،، وطبعا اظل آخذ التحميلات للموعد الجاي مو؟؟

    انزين بالنسبة للأجنة فلنفرض ثبت واحد من الثلاثة شنو مصير الاثنين بينزلون على هيئة دم يعني ولا شنو؟؟

    انا كنت خايفة بعد السحب لان وايد تعبت بس اليوم بالترجيع الحمد لله احس الآلام راحت وانا متفائلة وبالنهاية كلشي بيد الله

    بس كنت خايفة ان صار شي باحد اعضاء جسمي خبرج نسلم روحنا للدكاترة ولا يندرى شيسوون وايد ناس يتضررون من العمليات وتأثر على حياتهم مستقبلا وانا ما خبرت اهلي ولا اهل زوجي يدرون نبي الموضوع سري وفقا لرغبة زوجي لان المشكلة منه وما يبي احد يدري وانا احترمت رغبته بس خايفة شوي بعد الله يسلمنا ويتمم لنا على خير وجميع المؤمنين والمؤمنات واستخار زوجي قبل البدء بالعلاج وكانت اوكي الله ييسر لا تنسونا من الدعاء

    اخت كود حاليا انتي جم ولد عندج؟ وهل كلهم اطفال انابيب؟ وكم مرة سويتي العملية؟ وكم مرة نجحت/فشلت؟

    أنا دكتورتي عطتني مضاد يوم عملية السحب لمدة خمسة ايام اسمه كلافوكس ولما رحت للارجاع قالت لي خلاص وقفي المضاد مع اني ما كملت خمسة ايام مع ان الي اعرفه ان لازم نكمل مدة المضاد فما ادري شسوي متحيرة؟

    وعطتني تحميلات سيكولوجست وقالت لي لمدة اسبوعين استخدمها اهي وجل crinonو قالت اواصل على اخذ الفوليك اسيد والجسبرين وعطتني حبوب duphaston 10 mgو هميعد لمدة اسبوعين من يوم السحب فما ادري يظل جم يوم قبل الموعد للتحليل اذا كنت حامل ولالا وبتخلص الادوية واهي قالت لي اسبوعين بس فهل اظل بدون تحميلات / كريم/حبوب اذا كملت الاسبوعين او اواصل لغاية الموعد الجاي؟

    يعني انا بدأت آخذ الأدوية يوم الخميس 22/4/2010م وبكمل اسبوعين تاريخ 5/5/2010

    انزين والتحليل 9/5/2010

    خلال الفترة 6/5-9/5 ما آخذ شي يعني؟؟




    وشكرا اذا جا ببالي سؤال بسأل
  5. يومياتي
    اليوم رابع يوم الدورة طلعت يا بلفيت بدري علشان اوصل بسرعة وصلت المستشفى بالضبط ٧ دخلت المختبر سويت تحليل الE2 و البرجسترون .
    و بعدها رحت قسم الانابيب علشان اصور تلفزيون على بالي شاطرة طلع رقمي ٢٠ فاي حد بيروح مرة ثانية ياخذ رقم بعدين يسوي التحليل . المهم ناطرينهم يبدون و كل ما وحدة سألت قالوا يعقمون الاجهزة . بدوا يمكن قريب ال٨ طبعا دوري ما جا الا على ١٠ و ربع تقريبا دخلت صورتلي طبعا مهبلي قلتلها كل شي اوكي قالت اوكي .
    انا عند دكتور فاطمة الهيل طلعت خذت رقم للدكتورة ادورها وين الدكتورة محد يدري .. وانا كان لازم اطلع ولدي عندي مقابلة روضة ( اللي يسمع جامعة ) على الوحدة . فترجيت الممرضات دورولي الدكتورة كانت في العمليات و جات .. لما دخلت كانت مع الدكتورة مريم قاعدين مع بعض . شافت ملفي و اسألتني كم سؤال .. شافوا الكمبيوتر نتيجة التحليل ما كانت للحين طالعة فشافت نتيجة التصوير قالت بطانة الرحم اوكي اليمين ٣ و اليسار ٣ونص لاني عندي رحم ذوقرنين يعني كان عندي رحمين و قالتلي المفروض خلاص تنظفين قلتلها اي تقريبا انا في الاواخر ... قالتلي اخر مرة لما حملتي في ولدج استجابتج كانت اوكي فبدأ بنفس الجرعة من البريجون puregone اربع ايام جرعة ١٥٠ و اربع جرعة ١٠٠ .انا طبعا لان عندي تكيس مبايض جرعاتي تكون قليلة يعني في النهاية بوصل ٥٠ لان مبايضي تستجيب اكثر من اللازم و يصير تنشيط زايد و تتضخم . و موعدي الجاي ان شاء الله الاحد الجاي تاريخ ٢ -٥ .. يوم ميلادي:)


    عطوني ورقة الابر و تحليل للمرة الجاية نفس الشي e2 و برجسترون و موعد مع دكتور البنج رحت سجلته في الاستقبال ليوم الاحد الجاي باذن الله . المرات اللي قبل كنت اقابل دكتور البنج قبل العملية بيوم اللحين مع الزحمة غيروا النظام و احسن .




    المهم خلصت على ال١١ و نص بعد ما ترجيت الصيدلية يخلصوني علشان الدكتوراه مالت ولدي المهم ما رديت البيت بعد المدرسة الا على ٢ و نص .. صراحة هلكت خصوصا حق وحدة عواطليه مثلي بدون شغل .
    المهم رحت المغرب المركز الصحي و ضربت اول ابره .. طبعا الجرعة تاخذينها بهدوء .. لان الدواء نار يحرق.

    اليوم
    ١-وقفت الكافين نهائي اشرب شاي بدون كفاين .
    ٢- بدأت اكل قليل النشويات و كثير الدهون و البروتين . بحاول من بكرة اكل كل يوم بيضة لان بويضاتنا مثل بيض الدجاجة عبارة عن بروتين فاكل البروتين يكون البروتين :09:
    ٣- اشرب ماء على الاقل ١ لتر كل يوم و اكثر احسن . لان البويضات تتكون من ماء و بروتين و اصلا هي راح تستهلك الماي في الجسم فممكن يصير امساك مع الابر. و بعد للناس اللي مثلي يصير عندهم فرط تنشيط يخفف الاعراض .
    ٤- طبعا الفوليك اسد .
    ٥- و ان شاء الله امور بيني و بين ربي ما احب وايد افصلها .

    مقتطفات
    -وحدة هندية من اول ما جات على السبع لين ١٠ و نص نامت على الكرسي قطعة وحدة و شاخرت خخخخ. مسكينة حسيت فيها انا كنت تعابة بس استحيت ارقد بس تغط عيني و سوي نفسي صاحية .
    -وحدة سألتني عن الانابيب و سألتني اشكثر يخلون الانبوب داخلج .. مافهمتها قلتلها شلون قالت وحدة من جماعتنا نامت اسبوعين و داخلها الانبوب .. كسرت خاطري بس ما عرفت اشرحلها قلت خل الدكاتره يفهمونها .
    -في ناس دخلت في تصوير التلفزيون كوسى ..بدون رقم بدون شي .
    - ما ادري ليش لوحة الارقام وقفوها و يعطون ارقام مكتوبة باليد مثل ايام الجاهلية .
    - كان اليوم زحمة حتى العمليات كانوا ينادونهم للظهر .. الله المستعان الظاهر هذا حال يوم الاحد ...


    و هذي احداث اليوم... كود ... قناة عالم حواء ... قسم الانابيب .... قطر ..:26:

تابعي تجارب أخرى من هذا القسم.