صاحب اخويه وميلى له(تم تعديل العنوان)

السلام عليكم ..\

كيف حالكم ان شالله تماااام ..
انا ابي ادخل بالموضووع على طوووول

بس انا ماجيت غير ابي رايكم ومشورتكم ..ومابي احد يردلي برد مستفز ..!!
ابيكم تكونون محلي وشوف وش بتسون ..

لاني مرهـ محتاره ومالي احد بعد الله غيركم ..

انا عمري 28وحيدهـ بين خمسه اولاد ..
يعني ماعندي اخت ..وامتزوجت الى الحين ..يجون خطااب بس مايتم الموضووع
ليش مادري ..!!!

المهم بالموضووع اني بالفتره الاخيره بدات اميل لصاحب اخوي الكبير ..
الحق لله انه طيب وخلوق ولا عمره قالي شي او كلمني
وهو مايدري اني بدات اميله ...
وهو مو متزووج وعمره بالثلاثين يمكن 32او 33
مادري اللي اعرفه انه بالثلاثيييين ..

فكرة اني اخذ رقمه من جوال اخوي بدون مايحس اخوووي
وارسله رساله برقم ثاني مو رقمي
يعني رقم جديد محد يعرفه ..!!

واقوله انه ليش ماتخطب بنت فلان
يعني انه مو انا اللي ارسلتها احد مجهووول

وامدح فيني <~طبعا ماامدح كذب ..
لكن خايفه من نتيجتها اخااف انكشف او انه يجي بباله اني انا اللي ارسلتها له ..
محتااره وابي مشوورتكم ..

لانه انا بصرااحه الوحده بتقتلني ..وخاصه انه زميلاتي وبنات خالاتي اتزوجوا الا انا ..!!

والعذر والسمووحه لو طوولت عليكم ..

...

37 تعليق 1,921 مشاهدة

شاركي في النقاش

سجلي الدخول لإضافة تعليق.

التعليقات

30
  1. @hyfaaa_alksym

    اهلين اختي والله ما انصحك ابد بالفكره ذي ابد ابد لانها واضحه .............انه انتي اللي مرسله والله واضحه حوالي تشغلين نفسك باي شي وانسيه اذا لك نصيب فيه بتاخذينه عاجلا ام اجلا ......واذا ماتعرفون اهله حاولوا تعزمونهم وتعرفون عليهم وتعرفي على خواته وتصير صداقه بينكم وان شاء الله بيعجبون فيك اهله ذي احسن طريقه يعني ام فكرتك ما انصحك فيها بالعكس بيعرف انه انتي وتطيحين من عينه وتخسرينه
    تقبلي مروري اختك هيفاء القصيم
  2. @shgraldr_3

    حبيبتى اخذيها نصيحه من اخت لك لاتسوينها ابد لانه راح يشك فيك او فى احد اقاربك وخاصه اذا ماكان عندة رغبه فى الزواج واول من يشك فيهم اخوك صاحبه غير كذا حتى لو تمت خطتك ونجحت راح تعيشين فى عذاب خوف من انكشاف امرك وفى ذيك الساعه راح تخسرين كل شى
    اختى لو فى نيته الزواج او فكر فيك كان خطبك من اخوك فلا ترخصين نفسك وهى عزيزة والى يريدك بيت اهلك يدله
    يالغلا الرزق مكتوب ولن تموت نفس حتى تستوفى رزقها واذا الله كاتب لك الزواج راح تتزوجين عاجلا او اجل

تابعي تجارب أخرى من هذا القسم.