ما ادري ليش كل ما ابي ارقعها معاج .. ما تترقع .. شكلج خوافه :42: .. لا تفكرين في العملية فكري ما بعد العملية فكري بايجابية و انتي حامل ان شاء الله .. و الانسان طالما عايش بيشوف فوكلي امرج لله .. و بعدين انا بكتب يومياتي و شوفيها .. المسألة تعبها نفسي اكثر من جسدي .. و صراحة طويله و مواعيد بس لكن الم جسدي مافيها شي لا يذكر .. فان شاء الله تكون محاولتج سهلة سلسلة في غاية النعومة و الانسيابية و هذي لج :26:
انا اتابع مع الدكتورة فاطمة الهيل .. جربتها قبل في مراجعات عادية و حبيتها بس اهي جديدة في الانابيب ..
هلا حبيبتي الحمد لله على السلامة .. اكيد شفتج اليوم بس ما عرفتح .. كنت رقم كم في العمليات خخخ ابي اصيدج ..:42:
بالنسبة للدم سمعت ناس ينزل عليهم دم كم يوم بس هو يكون جرح خارجي ماله خص من الرحم .
التحميلات انا اول مرة خذتها مثلج بس بعدين وحدة قالتلي من الجهة الثانية فسألتهم هناك قالوا اوكي بالعكس احسن و انظف و ما تنزل و ما في داعي تنامين بعدها .و استمري عليها لين الموعد ان شاء الله و انا استمريت عليها لين الرابع او الثالث . الفال لج يا رب.و الاسبرين و الدفاستون و الجل كلها حركات جديدة بس انا اصلا خذت دفستون بس بعد تحليل الحمل و كنت ناوية اطلب هالمرة ان شاء الله اسبرين .
الظاهر انتي ما انتبهوا ان في ويك اند في النص على النهاية ان شاء الله كلميهم و اسأليهم و ما اعتقد يضر لو ما خذتي يومين على العموم انا اذكر تحليلي كان الخميس فجر السبت اللي قبله حللت في البيت و ظهرت النتيجة بعد فترة و الاحد حللت في البيت و كان واضح الاثنين حللت دم بنفسي بره و كان اعتقد ٥٠ و كلمتهم قاللولي تعالي باجر حللي مرة ثانية حللت عندهم يوم الثلاثاء و كان اعتقد فوق ١٠٠ و دخلت ذاك اليوم عليهم و عطوني باقي الادوية .و هاي كان شكلي :icon28:
الاجنة ما تحسين فيهم انا حملت في اثنين و الثالث اعتقد يتحلل او يذوب ما تحسين فيهم .الا اذا ثبت و بعدين طاح فهذا موضوع ثاني بس. مثلا انا في حالتي كنت حامل في توأم و واحد مات على الاسبوع التاسع لكن و الله ما نزلت ولا نقطة دم و الجنين ضمر اخر مرة شفته صغر لعمر ٦ اسابيع بعدها اختفى قالولي ان الرحم يمتصه او يذوب لكن ما نزل .مع انه كان متخلق سبحان الله راس و يد والاجزاء الاساسية واضحة لكن سبحان الله و الحمد لله .
انا عندي ولدين واحد جبته بعلاج بكلوميد و عمرة تسع سنوات تقريبا و بعدها ٦ سنين ما حملت جربت كل العلاجات لحد ما وصلت للانابيب اول محاولة صار فرط تنشيط و خافوا علي من العملية ولغوها بس كنت ماخذه كل الابر ..ثاني محاولة ما نجحت و لله الحمد و ثالث محاول جبت ولدي الجميل الله يحفظة و عمره اللحين ٢ و ٨ شهور.يعني تقريبا ٣ محاولات هذي الرابعة ان شاء الله
ان شاء الله ما نسيت شي و انا حاسه فيج صراحة الوحدة تبي ناس حوالينها في هالفترة بس تصبري و احنا حواليج ان شاء الله كلنا خوات .بس مافيها شي لو قلتلي مثلا لامج على الاقل .. و لا تخافين ان شاء الله ما عليج شر .. و استمتعي بالاسبوعين و ما دام ما خلاج تقولين حق حد ادلعي عليه ...
ان شاء الله ما نسيت شي ..
اللهم يا من يحي العظام و هي رميم احي اجنتها يا رب .. يا مثبت السماء ثبت اجنتها يا رب و ارزقها حمل سالما تاما و جنين صحيحا معافى برحمتك يا ارحم الراحمين يارب .
تصبحون على خير طاحت يدي من الطباعة ..
تجمع البنات المقبلات على اطفال الانابيب في قطر والحوامل الجزء السابع
متابعة النقاش، صفحة 94