السلام عليكم
ببدا بسالفتي على طول
هذا اخوي من له كم شهر مملك على وحده تقرب لنا طبعا هو اللي اختارها هي البنت ناعمه وماشاء الله سنعه لكن
عمري مافهت شخصيتها وقلت لاخوي قبل مايخطبها احسها ماتناسبك هي من النوع اللي يحب العزله وحساسه او
بالاحرى زعوله وماتنفهم وبصراحه احسها تبي العرس عشان صديقاتها واللي بعمرها تزوجو وماتعرف معناه انا قلت
هالكلام لاخوي ابراء لذمتي بس قال انا ابيها قلت الله يوفقك < مااخذ كلامي جد لانها بنفس عمري يحسبني اغار المهم وملك عليها والحمد لله كان كل شئ تمام كان اخوي فتره
الملكه مدلعها وهو ماشاء الله من النوع اللي يهتم بشعور البنت معنا احنا خواته قبل مايرتبط المهم كان يفضفض لي
ويقول انها من ادنى شئ تزعل وتسوي سالفه قلت له انت لاتقصر عليها بشئ وان شاء الله انه دلع بنات
ومرت فتره الملكه وتزوج حبيب قلبي اخيي
وسافروا اسبوع ورجعوا استغربت وسالت اخوي وراكم المفروض اقل شئ اسبوعين قال خليها على الله مااستانست ابد
قلت خير وش فيه يقول كل مارحنا مكان قامت تبكي بدون سبب ويضيق صدري ونرجع الشقه لين رجعنا
ماعليه تحملها يمكن فاقد اهلها وراح يتعدل الوضع
لكن الحين لهم فتره اكثر من ثلاث اسابيع على هالحال وهي مغير متغلقه او يكون اسلوبها فض مع اخوي
ويقول احس فيها نفسيه ماغير تشغل اناشيد حزينه وتبكي وخوي خلاص مو قادر يتحمل يقول انا متزوج ارتاح مو عشان اتعب
وش رايكم تتوقعون فيها نفس ووشي اعراض النفس او انها ماعرفت الزواج صح؟ او دلع والله ضايقه بي عشان اخوي الله يفرج همه
شاركي في النقاش
سجلي الدخول لإضافة تعليق.
التعليقات
96- الله يعينة هالمسكين
يمكن متضايقة من شي حاولي تتكلمي معها يمكن تخجل من أخوكي - غريبة يمكن نفس خلي اخوك يقرا عليها
- اذا انتي قريبه للبنت ناقشيها وشوفي وش بخاطرها ووضحي لها ان اخوك متضايق من تصرفاتها
عل وعسى تنتبه لعمرها .. وترى بداية حياة جديده تتقلب النفسيات اكيد خليه يصبر عليها هو بعد
والله يسعدهم يارب ويوفقهم
كل الود - تكلمي معها يمكن مضايقه من شي وماتبغى اخوك يعرف دام هي من نفس عمرك تكلمي معها او يمكن فقدت اهلها ...
- لالا عادي والله اني اول ماتزوجت شهرين بغيت اموت مدري وشجاني
مغير ابكي وبس ابي اروح لاهلي وخصوصا لماراح لدوام كنت كل مايرجع
وانا ابكي ويجلس يسكت فيني وبعدين خلاص والحين الحمد لله سنين
صارلي مافيها شيء ترى عادي الوضع جديد عليها وانتي الله يهديك
حاولي تحبينها لانك شكلك ماتحبينها والله يوفقهم 0000الماهرات
مواضيع مشابهة
تابعي تجارب أخرى من هذا القسم.