عملية البواسير بالتدبيس و الشرخ الشرجي بالكي بالكهرباء

الله يعطيك الف عافيه اختي الورده الجارحه .. بس عندي كم سوال وان شاء الله تفيديني

1/ بس حابه اسألك الضمادات اللي قلتي عنها اللي 10×10 الدكتور بيعطيني بعد العمليه والا انا اخذها من الصيدليه؟

2/ وبالنسبه للمغطس هل المستشفى بيعطوني والا اجيبها من الصيدليه ووش اقول للصيدلي علشان يعرفها ؟

3/ انتي سويتي العمليه ببنج كامل والا نصفي وكيف حسيتي بعد البنج؟

4/ ممكن اعرف وش اخذ معي وانا رايحه للمستشفى لاني اووول مره اسوي عمليه ومو عارفه وش احتاج؟

معليش اعذريني طولت عليكي ....

رفع

اهلين أختي
أبدأ الأجابة من السؤال الأخير
ماتاخذين معك للمشفى غير غيار لبس خفيف وواسع يريحك أكثر
والكلاسين اللي سبق ذكرتها خذي 2 منها
وعلبة ماء صحة صغيرة منقعة بها مرررة (المر)
معروف عند العطار على شان اول ما يسمحون لك تشربين
اشربي منها..

البنج كامل
والحمد لله ماحسيت بتعب بس شوية دوخه تروح وتجي اليومين الاولين
وهو اللي يخليني أنام كثير...
أهم شي تكونين صايمة قبل العملية بعشر ساعات 10 ساعات
بالقليلة لا أكل ولا شرب ولا حتى علكة...

بالنسبة للمغطس والشاش المعقم انتي تشتريهم من الصيدلية
وقولي للصيدلي ــــ مغطس حق عملية البواسيروكذلك المخدة الدائرية ـــــ اللي تجلسين عليها بالبيت وبالسيارة اول خمس أيام الى اسبوع بعد العملية وهو يعطيكي اياهم
والشاش تلقينة بالصيدليات الكبيرة حقت المستشفيات الخاصة
أو محلات الأجهزة الطبية اللي يبيعون بها كراسي المعوقين والعكازات وما شابه....
والله يشفيكي والمسلمين اجمعين
وأمانة طمنيتي عنك؟؟؟
وأهلا باستفساراتكن
أخواتي الفاضلات لأن المسموح 3 مشاركات فقط باليوم
فهذا اللي يخليني أتأخر بالرد يومين أو 3 فأنا أيضا لي استفسارات تهمني بمواضيع أخرى!!! غير هالموضوع !!!..فأعذروني للتأخير وشكرا...

ماشاء الله تبارك الله
الله يزيزدك من فضله ويمتعك بالصحة والعافيه يالغاليه
ويشافي جميع المسلمين والمسلمات والمؤمنين والمؤمنات من جميع الاسقام والامراض ويشافينا معهم يارب
لا والله كفيتي ووفيي وبارك الله في مسعاكي
لك كل الشكر والتقدير اختي الغالية
ودامك مدحتي الدكتور فباذن الله سوف يكون لنا سفرة له
جزاك الله خيرا
واشكرك مرة اخرى

الله يوفقك ويسعدك
ويشفيك ويحقق لك كل امانيك..

حبيبتي انا مرررررره متازمه ابي اسويها بس خايفه بالمره من البنج:44:
الشي الثاني بليز قولي لي.. كيف جهزوك للعمليه وهل الرجلين تتكشف للدكتور والا بس منطقة الشرج..
اخر سؤال.. هلى الزوائد الي في منطقة الشرج راحت بعد العمليه..!!

والف شكر لك على ذوقك وتعاونك