الموضوع مغلق

.~.تجمـــــــــع بنــــــــات الـثنــــــوي هنـــــــــــا ((بنات الرياض)) دخوووول.~.

السلام عليييكم
هلا والله بهالطلــــه شلونكم شخباركم؟

اقول بنات طلبتكــم كل وحده دخلت للموضوع تقول لنا هي باي مدرسه ووش مميزاتها وسلبياتها :D وهي مرتاحه فيها ولا لا..وكيف كونت صداقه اول يوم دخلت فيه للمدرسه..والي قد درست او تعرف احد درس او اي معلووومه ولو بسيطه عن مدارس العليـا بالرياض تقول لي عنـها ..ضروري..لان احتمال اسجل فيها (( 2 ثنوي)) وودي اعرف كل شي عنها
انا رحت لها امس الصباح وتفرجت عليها هي حلـوه صرااحه ماعليها كلام لكن ابي اعرف نوعية البنات شلوووون<<اهممم شي..يعني هم هاااي ولا بسيطين وحبوبات ولا كيييف؟؟وودي اعرف كيف مستوى التدريس عندهم والاداره كيـف؟؟وتعامل المدرسات للطالبات؟؟و((يدفون))يساعدون الطالبه ولا لا؟؟

يعـــني معلومااات عااامه الله يوفقكــم وياليييييييت ياليييييييت فيه اي وحده تبي تخاويني لها تقول لي والله اتمنى..ماعرف احد فيـها ابد..ومرره مرتبكه من اول يوم مادري شلون بكون صداقات وبجلس مع مين ولا بسولف ولا بتمشى مع مين :(
قسم بالله ضاااااايق صدري وشايـله هم بقوه..خبركـم مهوب سهـل الوحده تكون صداقـه خصوصا اني بـثاني ثنوي يعني كل البنات بيكونون مع صديقاتهم الا انـا :(
وانا ماحب اجلـس لحالي ابببببببد تجيني تكـه ودي اتعرف على شله او كم بنت حليوين ومهابيل نوعا ما بس مهوب داجين عاد خخخخخخخخخ

يله بنات ووعـــد يالي راح تساعديني ان ادعيلك بكل ماتتمنييينه ورمضان على الابوااااااب ترى والله يوفق ويستر على كل من ردت علي وساعدتنـي ويرزقها من حيث لا تحتسب ويسخر لها رجلها ويزووجها لو ماتزوجت بالي تتمناااااه يارب.......
يله بنات والي يسلم قلبكم لا تبخلون علي الله يخليكم
بانتظااااركم على احررر من الجمـر


شي ثاني بنات ودي كل وحده تقول لنا من وين شرت اغراضهـا يعني شنطه جزمه وانتو بكرامه خرابيط....كلش...من الــــى....
ويمكن اني نسيت شي ذكروني ..يعني عموما كل وحده تذكر لنا وش سوت ووش اشترت.......
وتحياتي لكم ياعسولااااات وان شاء الله تكون سنه جديده حلوووووووووه علينا وننبسط فيهـا ياااااااارب

15 تعليق 1,104 مشاهدة

شاركي في النقاش

سجلي الدخول لإضافة تعليق.

التعليقات

14
  1. @gbthaaa_algrh

    صاحبة الموضوع
    افـــــــاااا

    والله ماهقيتــــها.,.,.,.

    الحين بروح افطر واطلـع بس بنات اتمنى اتمنــــى من قلبي اني لما ارجع الظهر القى ردوود:(

    up

    خيبــــــــــــتوووو ظنـــــــي!
  2. @maadry_1

    هع هع جبتهأأأأأأأأأع <<< حلوه القافيه ككككك

    وش اخبارتس وش علومتس
    والله أنا قلت لتس بموضوعي ذاك أني لو اقول مدرستي كلن عرفني
    مع أن الشكوك جااااريه حتى الان من صديقاتي
    لو اقول عز الله انفضحت وشهروا بي
    ولا تبقى نمله في المدرسه الا عرفت ككككككك

    بس فيه صديقتي وحده هنا بعالم حواء ( نالين )
    هي اللي تعرف اسمي .
    وطبعا ماما وبس
    ماني مكلفه يسوون علي كميرات مراقبه خخخخخ ككككك

    ومدرستي لله الحمد صح مبناها مهو بذاك الزين
    بس أهم شيء الراحه النفسية والفلـــــــــه
    وصديقاتي الغاليات حبيبات عمري <<< ماكأني انقلبت

    أنا الله يلمتس مثلتس بثاني ثانوي
    ( أدبــــــــــــــــــي ) بلا منازززززززع

    شريت اغراضي وقلتها بموضوع ( اجتماع بنات المدارس )
    ولا ني بفاضيه اعيد خخخخخ <<< العن بليس الزواله

    والله يوفقتس بمدرستس
    هي وش تبعد عن مدارس العليا الابتدائيه
    حقت الاولاد عندها ولا وين

    ولاتنسينا من دعواتس .. ترى أنا اللي عطيتس وجه << تتمنن
    لالالالالا أمـــــــــــزح
    ولا تزعلين انتظر البنات انصاص الليالي بتلقين الكبّ على موضوعتس
    هع هع

    سلالالالالام
  3. @fshfashh_almnhashh

    اختي جبتها عالجرح 000000لفتني موضوعك خصوصا اني ادرس ثانوي وعلى طاري المدارس ترى يمدحون مدرسة الحرمين ب :27: المربع 00000000000
  4. @gbthaaa_algrh

    صاحبة الموضوع
    ماادري
    هلالالالالا بتس والله يختي
    هههههههههههههههههههه
    اجل ماودتس تعلميني
    كيفتس انتي الخسرانه>>ياسفابتس خخخخخخخخخخخخخخخ
    المهم يابعدي
    والله انتس صادزه اهم شي الراحه والونااااسه والخويات السنعات الي يوسعون الصـدر..بس مااقول الا الله يخلف بسسس

    ياحليييلتس اجل بثاني انتي وادبي بعد هههههههااااااي بعدي والله
    والله ياانتس زوولـه بقوووه..اجل مالتس خلق تقولين اغراضتس مره ثانيه
    طيب كان كلفتي على عمرتس وحطيتي الرابط..مالي خلق ادوره انا بعد>>شلـة سودانياات خخخخخخخخخخخخ
    ومدرستي تراها هي العليـا وحده بالرياض .. قبال صحارى

    وتسلمين على الرد الي مدري وش سنعـه خخخخخخخخخخخ امزح ترى
    اشكرتس على هالطلـه ياحووبـي

    يله الوعـد موضوعتس

    تشااااو



    فشفاشه المنحاشه
    هلا والله
    يختي مشكلة الحرمين بعيييييييييييييده يبيلي اطلع قبل الفجـر خخخخخخخخخخ :D

    يله الله يعيـــن بس....تشكرين على الرد الي يهبـــل زيتس :27:
    سلام

تابعي تجارب أخرى من هذا القسم.