بنات ثالث ثنوي يدخلووووون

فتـ علف ـون00لاشكر على واجب ياقلبي 00
والرياضيات يضرب في 7 يعني الدرجه النهائيه من 700 يعني هي اللي تنزززززززل المعدل وهي اللي ترفعه يعني كثفي جهدك فيه وترى سهل موصعب نقصت فيه درجتين وصارت 14 نزلتها بسبب الرياضيات وكانت معلمتنا الله يسعدلها ايامها شديييييده فكنت اسميه ارهابيات00
والانجليزي حلو وسهل اذا ذاكرتيه اول باول وتررررررررجمي بدون الترجمه مرح تفلحين00

والله انا رايحه ثالث علمي ..

والنفسيه زفت .. لكن من قريت ردودكم ريحتني شوي ..

انا شاطره الحمدلله بس مرره مااا اعرف اذاكر اول باول ..وما احل واجباتي الا قبل النوم او اذا صحيت الصبح ..او في الفصل ..

وما اعرف تحضير وهالحركاااات .. ما اتعودت عليها ..

مشكلتي خايفه ..ما ادري شلون اتقلم ..

وقاهرني ضرب الدرجات الناقصه في الحصص ..

قممممممممة الظلم خصوصا لنا العلمي ..

الله يعينا ويوفقنا..

مشكوووره يا فتون عالموضوع المــــــهــــــــم ..

ومشكوره يا pink-girl عالنصايح الروووووعه باحفظها عندي ..واقراها ما مليت ..

^.^

مشكوره أختي pink-girl
حبيت أعرف وشو برنامجك اليومي في رمضان
ادري غثيتك بالاسئله بس استحمليني

السلاااام عليكم

هلا والله بنات

ذكرتوني بنفسي السنه اللي طافت اللحين ولله الحمد انا بالجامعه
اول شي شيلوا عن بالكم فكره الخوف ذي بالمره لان من جد مافيه شي يخوف مافيه احد كان خايف مثلي لكن عرفت بعدين ان المسأله عاديه
ثاني شي شوفو الشي اللي اغلب وقتكم فيه مثلا النت ولا التلفزيون وحددوله وقت معين
يعني لاتقولين مااااااابدددددددخل النت ولا مابشوووووف تلفزيون لالاحددي وقت عشان ماتملين

واهم شي بثالث (تنظيــــــــــــــــم الوقت ثم تنظـــــــيم الوقت)
هو النقطه الفاصله

وبالنسبه للمواد

الرياضيات الترم الاول جدا جدا جدا جدا سهل ومايقارن بالترم الثاني
الترم الثاني اقل سهوله ويحتاج تركيز ومذاكره يوميه اهم شي المذاكره اليوميه الترم الثاني
وبالنسبه لاختبار الوزاره(رياضيات)
نصيحه ورأي شخصي ذاكرو مظمون الدروس واسئلة الكتاب ذاكروها نظريا بس واهتموووووو ثم اهتمووووو باسئلة الوزاره وحلوها تحريريا وخذو اسئله البنين مهمه جدا جدا ترا تتكرر بشكل ماتتصورونه

الكيمياء/ الترم الاول ترا مووووووويا سهل
والترم الثاني بتكون الكيميا هي اثقل ماده بالترم كللللللله
نصيحه لكم نصيحه اخويه وتذكرو وقولو قالت نوف ذاكرو اول باول ذاكرو اول باول
وعقب كل فصل ارجعو على الفصل وذاكروه وفيه فصل اسمه الكيمياء العضويه هذا مهم وطويل مرررررررررره اهتموا فيه
يؤ نسيت بعد اقولكم فيه صور اجهزه وفيه معادلات بالهبببببببببببببببببببببل
الاجهزه ارسموها واجمعوها بدفتر واحفظوها
والمعادلات بغير الكيمياء العضويه احفظوها عادي لكن بالكيميا العضويه افهمي التفااااااعل حطي تحتها عشر خطوط وطبقي عليه لأن المعادلات كثار ومابيمديك تحفظينها كلها

أختبار الكيمياء الوزاره/بيكون يوم اربعاء كذا كل سنه يعني ترا ليلة الاختبار ماتعني شي لازم تكونين مذاكرتها من قبل اهم شي تذاكرينها اهم شي واهتموا باسئله الاعوام السابقه تتكررررررررررررررررررر بشكل كثير


الفيزياء الترم الاول صعب ومايقارن بالترم الثاني بس الابلات بيساعدونكم
والترم الثاني سسسسسسسسهل وبتكون اخف ماده تقريبا عليكم
وبالنسبه لمذاكرتها فيه فصل الاجهزه حاولي تذاكرينه قبل والباقي عادي

اختبار الفيزياء الوزاره/جدا حلوووووو وبيكون هديه الوزاره للطالبات وكله من الاعوام السابقه وبالنسبه للمسائل ذاكرو اسئلة اختبارات الوزاره المسائل الثقيله اقريها واسفطيها ترا ماتجي



الأحياااء/مرررره حلو ولاتاخذون عنه فكره غلط ترا فرق بين احياء اول وثاني واحياء ثالث سهل وحلوووووووو وممتع والترم الثاني الفصل المهم فصل الهرمونات لازم تمسكين لك ورقه وقلم وتلخصينه

اسئلة الوزاره / هي حلوه وخفيفه بس كثيره وشكل الورقه مزدحم بس لاترتبكون ترا المنهج سهل والاسئله مهضومه مره


ونظره عامه لاختبارات الوزاره تراها حلوه وغالبا يجي سؤال صعب بالرياضيات والكيمياء يكون يبيله تركيز والباقي سهل وحلو

وعلى فكره اشتروا الجرايد اول بأول ايام الاختبارات لان بيكون فيه تعليق على الاختبارات وكذا ترا تبقى ذكرى حلوه وتعطيك دافع لباقي ايام الاختبارات :)


على فكره ياليت تطبعون ردي لان فيه كلام ماراح تعرفون وش معناه الا لمن تدرسون وتشوفون الفصول

اتمنى دعواكم بالتوفيق لي

والله يووووووووفقكم وتحصلون اعلى النسب يارب
:27:

على فكره اسفه على طول ردي اللي راح بس فيه ملاحظه نسيت اقولها
ماعليكم من اللي يقولون شدو حيلكم الترم الاول جيبي نسبه والثاني لا
ترا غلللللط الفكره ذي بالعكس ترا الترم الاول الاسئله من المعلمات ونسبة الترم الاول نسبه وهميه فيه بنات جايبين 99 و 98 الترم الاول والترم الثاني خفقوو الين 86 و 88
ولاتسمعين كلام احد يقول هذي الماده صعبه وذي سهله ولاتنطشين ولاتضغطين على نفسك كثير لانك بتزهقين اتمنالكم التوفيق من كل قلبي