الجزء السابع لديوانية قمرا واخواتها في عالم البناء والعمار

السلام عليكم كيفكم حبيابي اتمنى مانسيتوني انا والله معكم قلبا وقالبا بس ظروف مريت فيها كانت صعبة من مرض للوالدة لين عمليتها والحمدلله طلعت اليوم بالسلامة وولادة اختي بقيصري بالسابع عشان الضغط والزلاال وفقدانها جنينها بعد خمس ايام ادعوا ان الله يعوضها خير المهم ان حالتي النفسية تعبت مرة وانا بعيدة عنهم بس كل يوم اشقر عليكم واتطمن عليكم
هذي اخباري وقصة حياتي بالايام الي طافت عاد جاية لكم بالاخبار الحلوة قاعدين انشطب وديكور الدور الاول طلع خيال ماشاءالله فضل الله ثم بفضل الصور الي حطيتوها في ديوانيتنا بس بغيت منكم مساعدة بجبس غرفة بنتي تعبت ادور وغرفة عيالي افكر اسوي كورة قدم عشان الثريا بحطها زيها
ياليت الي عندها صور تفيدني وياليت تشورون علي بلون الدهانات افكر اسويها مقلمة لغرف النوم.

أم اسماء
الحمدلله على سلامة الوالده واختك
والله يعوض اختك بخير يارب

وهذي صور لاصباغ مقلمه

الله يجزاك خير يأم بدر ويحرم ايدينك عن النار

احنا الى الان متوقفين على صبغ غرفتي والمجلس
ابوي يقول اخلصوا الى متى :)
يقول بس نخلص منكم نسكن
واحنا ماخلصنا المغاسل ولا اثثنا خخخخخخخخخخخخخخخ

ماشروا الا غرفه لهم من القفاري ب عشره الاف ريال