شاركي في النقاش

سجلي الدخول لإضافة تعليق.

التعليقات

2,006
  1. الصبوووووورهk
    مساء الخير اخباركم بنات عساكم طيبين ربي يفرحكم بالحمل السليم المعافى يارب
    ما زلت على الابر .. شوفيني و انا ارقص فوق :35:


    ما تخافين ان شاء الله سهالات .. والتلقيح اسهل ان شاء الله من الانابيب مافيه سحب و بنج .. لكن الحمد لله ان على الاقل عرفتي وين المشكلة و عندج نوعا ما حل مع ان الحل الاول بيد رب العالمين بس الواحد ياخذ بالاسباب.. الله لا يضيع تعبج و حياج الله .



    لا تنطرينها ان شاء الله ما تجي يارب و تطلعين حامل ..


    تسلمين يا عمري و الله يتمملج على خير بس انا احس امشي على كلام الدكتور احسن لان ضرر السكر اكبر .. يعني الارتفاع الجامد ممكن يسبب امور انتي في غنا عنها لج و للجنين..
    لان احيانا و بالذات السكر في الحمل ما يكفيه تحاسبين في الاكل و بس .
    انتي استخيري و شوفي .. و الله يبعد عنج كل شر..



    اختي حياج الله بينا ..
    العملية في اليوم الواحد و عشرين من الدورة تاخذين ابرة تحضيرية بعدها تنتظرين الدورة اللي بعدها من ثاني يوم في الدورة تسوين تحليل دم لنوعين من الهرمون و تصوير تلفزيون لو بطانة الرحم تمام و التحليل تمام يبدون معاج منشطات لمدة ٦ ايام و اليوم السابع تروحين مرة ثانية تصوير و تحليل لواحتجتي منشطات اكثر يعطونج و يقولون تعالي بعد يومين او ٣ و على هالحال لحد ما تكون البويضات اوكي يعطونج الابر التفجيرية تاخذينها في وقت معين و بعدها بيومين تروحين الصبح السحب و في نفس الوقت الزوج يسلم السائل العملية بنج خفيف جدا . ثاني يوم تكلمينهم يقولون لج كم جنين تلقح و يخبرونج اي يوم ترجعين حق الترجيع . يوم الترجيع لازم تكون المثانة مليانة علشان التصوير يكون من البطن و تقدر الدكتورة تحط الاجنة و الصورة تكون واضحة .ارجاع الاجنة انا ارجعت ٣ المرة اللي طافت و حملت الحمد لله في ولدي بس كانت من ٣ سنوات فما ادري هل القانون تغير و لازم ٢ بس بسألج و ارد عليج .
    بالنسبة للماي مهم وقت التنشيط و بعد الترجيع .. لان الماء يساعد على تكون البويضات في فترة التنشيط و بعد الارجاع تساعد على الثبوت وقت ما اعتقد و الله اعلم .و ان شاء الله ما فيها غربة كلنا خوات .
    حياج الله و الله يعوضج خير .. انا نجحت معاي في ثالث محاولة فان شا ءالله خلي املج في الله كبير .

    مشكورة حسستيني اني شي :35:


    ان شاء الله اخبارج انتي يا عمري ؟

    مساء النور اخبارج ؟
  2. بسم الله الرحمن الرحيم
    -------------------------------
    جدول التجمع


    ـ{ قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ}53

    ((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا(( سورة نوح



    :26:المساندات أو في مرحلة التفكير
    -----------------------------------------------
    بنت الظهران
    مها الدوحة
    الصبورة
    بيت سعيد
    سكون
    الواله
    القطوة ميمي
    عامر قلبي






    :)المقبلات على العلاج)في انتظار المواعيد(
    ----------------------------------------------------------
    ضحكت بنتي




    :)بعد الابرة التحضيرية و في انتظار الدورة
    ------------------------------------------------------------
    واااااااااااو



    :)في مرحلة التنشيط
    ------------------------------
    code


    مرحلة الابرة التفجيرية و السحب و الارجاع
    -----------------------------------------------------------
    لا يوجد



    :)أسبوعين الانتظار ( الله يصبرهم يا رب(
    ------------------------------------------
    hr5



    :)الحوامل ما شاء الله
    ------------------------------------------
    { غير ~
    روضة٢٤
    احب اترابك يالبحرين
    صبااا
    غلا قطر
    احسان
    ريج البنفسج
    عضوه ذهبيه





    :)الولادات ما شاء الله
    ------------------------------------------
    لا يوجد


    اللي حاب ينضاف يقولي ... حياكم الله :42:
  3. @alsnds_2010

    بنات انا ضايعة في الموضوع ترى والله ما ادري شالسالفة

    انا قالولي الطريقة تكون من لما تنزل الدورة في ابر بيعطوني وقالولي ان في بنج بيسحبون البويضة وبعد التزاوج يرجعونها ..

    هذي انا بيب والا تلقيح صناعي؟؟؟؟

    عموما انا رفضت التوقيع على تجميد الاجنة

    في احد مثلي؟

    الحين انا في انتظار الدورة تجيني هاليومين علشان ابتدي اول مرحلة

    دعواتكم بنات
  4. السندس 2010
    بنات انا ضايعة في الموضوع ترى والله ما ادري شالسالفة انا قالولي الطريقة تكون من لما تنزل الدورة في ابر بيعطوني وقالولي ان في بنج بيسحبون البويضة وبعد التزاوج يرجعونها .. هذي انا بيب والا تلقيح صناعي؟؟؟؟ عموما انا رفضت التوقيع على…
    يا حبيبتي هذي مب تلقيح هذي انابيب .. و ليش رفضتي تجميد الاجنة بالعكس حرام بعد ما تلقحوا ينقطون في الزبالة .. خليهم علشان اي مرة ثانية بغيتي تحملين يكون عندج جاهز و مجمد .انا سويتها ٣ مرات قبل بس للاسف ما كان يبقى عندي شي للتجميد و الحمد لله على كل حال كان وفرت على نفسي الابر ..
    المهم انتي خذتي اي ابره و الا للحين لان المفروض اليوم الواحد عشرين من الدورة تاخذين الابره التحضيرية و بعدها تنزل الدورة و يبدون المنشطات . علشان اضيفج في الجدول (ذابحه نفسي على الجدول :D)

    موفقة يا عمري احس انج مكتئبة من الموضوع بالعكس على الاقل في جدامج فرصة ان شاء الله تخيلي كنتي في زمن ما فيه الانابيب و مافيه الطب مطور .. و الله يآجر كل انسان على طريقته شوفي انا الحمد لله جبت ولدي الثاني بعد الولد الاول بست سنوات بالانابيب و الحمد لله الف مرة خلي املج في الله كبير.:33:

تابعي تجارب أخرى من هذا القسم.