الحقو عليا زوجي والشغاله .........

لاتجيبي شغاله ياعمري
انتا ادري بيبتك وعمرك

الله يعين

حتى انا اكررره الشغالات بس انا جالسه في البيت بدون وظيفه وما احتاج شغاله الحمد لله
لكن الموظفه في الزمن هذا ما تلحق على شي مسكينه بيت ولا اطفال ولا زوج
بدون شغاله بتروح حياتها كلها كرف *كرف والبيوت الحين مو زي بيوت زمان
زمان امهاتنا وجداتنا يسكنون بغرفتين ثلاثه لكن الحين دورين وغرف استقبال وجلوس وغرف نوووم
يعني الوحده بتلحق على ايش ولا ايش وفعلا الشغالات شر لا بد منه
ودامها موظفه خليها ترفه نفسها من ابسط حقوقها

طيب ياقلبي
لاتجيبين شغاله الله يقويك ويعينك ويخليك لبيتك وعيالك
والشغاله من عهد الرسول عليه الصلاة والسلام لو فيها عيب والا حرام حرمها الاسلام
وبيوت اول كلها غرفتين وحوش وحتى مافيها بلاط كلها اسمنت
وصحونهم صحنين وحتى الملاعق مافيه
والكاس كلن يشرب فيه مهوب من شربه وحده ينغسل
اللحين البيوت توسعت والسراميك والحمامات ولله الحمد والصحون والملاعق والكاسات واكسسورات والدعوى توسعت والناس تنقد
غير ذا وذاك عيال منول برا طول اليوم مايدرون عنهم اهلهم والدنيا امان اللحين مسكرين عليهم البيت وبس يحوسون فيه مالهم غيره
وحتى الرجال منول تحط ديرم وتلبس ثوب وجديلتها قرنين ويطير فيها اللحين لو تجلس بالبجامه ساعتين عقب النوم تنقد عليها ولو ما تحط روج وتتجمل زعل ولو يشم ريحتها طبخ تذكره طول العمر
والشعر وغيره
وقال فيها وفييييييييها

وغير اول مطازيز ومرقوق ولبن والحمدلله
اللحين انواع السلطات والاكلات والمشروبات ولازم تزيين وحوسه وما يبغون كل يوم نفس الاكل وتنويع

شر لابد منه :)