زوجي سافر الجزء الثاني

مساء الخير

كيفكم ان شاء الله تمام

مشكورين على اللي ردو على موضوعي امس
بنات شوفو وش سويت البارح طبعا يوم دق زوجي رديت عليه وقال انه يبي يجي الليله <<< يعني البارح
الكلام هذا على الساعه 5.30
قلت توصل بالسلامه وسكرت
عاد انا هنا رحت لثلاجه وطلعت دجاج علشان ابسوي بروستد
وبعدين رحت لغرفه النوم ورسمت على السرير قلب كبير بالورد
والباقي نثرته على الارض وحطيت شموع بالارض وعند السرير شمعتين والدولاب رسمت عليه بالكورنيش الاحمر قلب بالعربي ضبطت الغرفه
يوم جت الساعه8.45 دق وقال انه توه يمشي قلت متى توصل قال يبيلي ساعتين او ثلاثه قلت يعني تعشى بالخط قال لا ليش ?قلت لاني مسويه عشاء قال خلاص
عاد يوم جت الساعه عشر ونصف وانا ابدا بالبروستد وسويت رز بالجزر من كتاب اطباق النخبه وسويت عصير وحلى جلاتين بالفراوله
يوم جت الساعه 11.45 قال باقي 45كم عاد هنا بديت اخلص من العشاء
وصل الساعه 12.30
سلمت عليه وبديت اجهز العشاء على السفره
تدرون وش قال ليش مسويه رز ماله داعي لو اكتفيتي بالبروستد
انا سويت رز لانه يموت في شيء اسمه رز لو ماتغدى رز يتعشى رز
انا سكت ماقلت له شيء اكل منه نتفه والباقي رماه بالسفره اكتفى باكل قليل من البروستد وشرب العصير حتى الحلى
اكل بطرف الملعقه وخلا الباقي على شكله
قلت له انت متعشي عند اهلك قال لا قلت ليش ماتعشى قال بطني بها نفاخ من الغداء


ملاحظه ابوه سافر معه ورجع معه علشان كذا قلت انت متعشي عند اهلك

المهم دقيت على اخته وكنت ابيها تسير علي اليوم بس قالت انها مسافره ومن ضمن السواليف سالت متى جو ابوك وزوجي من السفر تحيلو قالت الساعه 9.30 مدري عشره انا :09:
قلت تعشى زوجي عندكم قالت ايوه انا :(
وقلت له يوم انك جيت بدري ليش ماقلت انك تبي تعشى عند اهلك
قال لي انا ماتعشيت عندهم قلت الا اختك تقوله
قال ليش مسويه استخبارات عني قلت لا من ضمن السواليف قالت انك جيت وتعشيت عندهم
راح لغرفه النوم قال شيلي هذولا انا ابي انام وثاني مره لا تسوينه كذا
قلت خلاص لا تقول اني مقصره معاك

طفيت اللمبه وطلعت من الغرفه :44:

انا قربت انجن من حركاته /لو ما رديت على مكالماته كان جا وتعشى عند اهله ولا صارت الحوسه هذي كلها

30 تعليق 2,781 مشاهدة

شاركي في النقاش

سجلي الدخول لإضافة تعليق.

التعليقات

29
  1. يالله يالله يالله

    يااااااكبر قلبك ماشاء الله الله يقويك

    لو انا عصبت ولا اكلمه واسوي نون ومايسطرون

    الله يكون في عونك
  2. @aam_gnoo

    ياعمري والله انا ما احب هلحركات خلاص متعشي يقول ولا اتعب كل هالتعب على الفاضي هونيها وتهون يمكن كان تعبان من السفر أو اهله لزمو عليه واستحى فيهم وفي نفس الوقت مايبغى يكسر بخاطرك
    الله يهديه ويسخره لك
  3. @ghror_53

    ياكرهي لهالطينه من الرجال احس اسلوبه جفس مره الظاهر مدللته زياده عن اللزوم عشان كذاا
    طاغي عليك ولاعبر اللي سويتيه الله يسخره لك

تابعي تجارب أخرى من هذا القسم.