الأم الزائره ....

انا مرة كنت زائرة لروضة ابني
ومثلك إحترت
وبعدين روحت لمكان عندنا في الدوحة اسمه الرونق فيه كل شي رخيص
أخذت على عدد الطلاب صناديق مربعة وحطيت فيها اشياء تفرح الاولاد بس تعليمية بنفس الوقت
مثل دفتر تلوين و الوان وبازلز لصور سيارات ومعجون واقلام شكلها حلو
وستكرز وصمغ واوراق قص ولصق كتاب تعليم ارقام واشياء من هاي النوع
ان شاء الله اكون افدت
وان شاء الله البنات ايفيدونك

هلابك

اعانك الله على الروضه واطفالها >>> مجربه

شوفي حبيبتي اختك طموحه معلمه رياض اطفال واشكال والوان الامهات يجون عندنا ويسوون ابداع في برنامج الام الزائره

البرنامج عباره عن :
1. السلام على الاطفال والتعرف عليهم طبعا كل واحد باسمه والافضل تخلين ولدك يعرفك عليهم كنوع من اعطا الطفل ثقه بنفسه اكثر
2. تتكلمين عن ولدك وايجابياته يعني ولدي ينام بدري ياكل وجبته كامله يحب اخوانه يسمع كلام ماما وبابا يرتب سريره
وكل شي زين حطيه بولدك لكن دوون مبالغه وترى فرصه اذا كان عند ولدك مشكله معينه لا قدر الله مثل ما ياكل زين او يسهر او اي شي لاكن لا تكون خاصه تناقشينها مع الاطفال على انه ولد ثاني عنده ها المشكله وش رايكم وش نسوي واذا جيتي البيت تقولين سمعت اصدقائك وش قالو لازم نغير سلوكنا ونننام بدري مثلا عموما الله يبعد كل المشاكل عن ولدك يارب
3.تكوني محضره لعبه معينه تلعبيها مع الاطفال او قصه تحكيها للاطفال او تحضري لعبه وهم يلعبوها مع تشغيل بعض الاناشيد المحببه لهم
4. عرض صور طفلك من كان صغير الا يوم دخوله الروضه صور اخوانه صور غرفته صورة اي شي يحبه صورته وهو نايم وهو ياكل ويلعب مقطع فيديو عن ولدك مثلا تصورين استعداده لروضه لما يقوم يفرش اسنانه يرتب سريره ياكل فطوره طبعا طريقة العرض على حسب المدرسه اذا عندهم بروجكتر يكون احلى ماعندهم جيبي معك فيديو لان اكيد عندهم تلفزيون او جيبي جهاز الدي في دي وانسخي صور ولدك ب سي دي واعرضيها عليهم جدا بينبسط ولدك عليها اذا انعرضت مكبره
5. تناول شي معين انتي توزعينه على الاطفال اي شي كيك ... تارت .. حسب امكانيتك وطبعا تخلين ولدك يصب العصير ويوزع الملاعق مثلا
6. اخر شي توزيع الهدايا على الاطفال روحي لابو ريالين او شارع السويلم اذا انتي من الرياض وخذي اكياس هدايا وعبيها با الي ودك طبعا خصصي هدايا البنات والاولاد ممكن في النهايه تكوني نافخه با لونات وتخلين الاطفال يطيرونها كلعبه جماعيه
طبعا تودعين الاطفال في النهايه
وبس اتمنى يارب انك استفدتي من خطواتي عموما هي متروكه في النهايه لك الي بتحطينه او تحذفينه براحتك

يوم سعيد اتمناه لكي مع احلى من في الوجود

اطفاناااااااااااااااااااا اختك طموحه

شوفي ياقلبي ........ المفروض موضوعك يكون بقسم الواحه العلميه بس ولايهمكـ

أذكر اني شفت ام زائره وعاجبتني اغراضها بصراحه ابعطيك الرابط وان شاءالله يفيدك
http://forum.hawaaworld.com/showthread.php?t=2294019