أمهات الخدج حياكم في الملف الثامن

مبروك ا للف الجذيذ علي فكرة انا قريت كل الملفات السابقة جزاكم الله الف خير واستفذت منها كثير

ألف ألف مبرووووووووك علينا الملف اليديد ماشاالله وصلنا للثامن و الحمدالله الأمهات النيو استفادوا وايد من الملفات القديمه و ****الله يستفيدون من الملف هذا و الملفات الياية كلها محتارة مشكوووووووورة وايد انج حطيتي الرابط علشان محد يضيع و هو يدور خصوصا إلي يدخلون من الموبايل مثلي : ( بالنسبة لتطورات ولدي الحمدالله شوي شوي قاعدة أعوده على الأكل و قام يتقبلة أكثر من أول طبعا مو راضي يقعد كل ما أحاول اقعده يسدح روحه و هالشي مضايقني لأن كل ما أحد شافه يقولي شلون للحين ما قعد ما أدري هالشي طبيعي بالنسبة لعمره المعدل و لا لا ؟؟ طبعا يحب يوقف كل ما اقعده بحضني يحاول يوقف و فعلا ما شاالله يدز نفسه لما يوقف و يحب يخطي و أنا موقفته بحضني طبعا يقلب على الجهتين و يلف يعني احطه بالأرض أروح شوي و أرجع القى رأسه مكان ريله و ريله مكان رأسه خخخخخخخخخ و قام يعرفني و يعرف أبوه لما يشوفنه يرفس بريوله و بادينه و يضحك و يناغي و عيزت أبي يقول مأما و بابا ماكو أمل ههههههه بس يقول أبااااا و أماااااا و ساعات أمبااااااا يعني مكس خخخخخخخخ ما أدري هل قصده بابا و مأما و لا تطلع بالصدفة و طبعا التسنين اعتقد بدري عليه لأني ما أحس اللثة متورمه بس لأني بكرية ما أدري يمكن بيسنن و أنا مو منتبه لأن إشوفه يحاول بعض و دائما يعض الشفة إلي تحت فما أدري هل هذي من علامات التسنين و لا لا ؟؟ بالنسبة لمواعيده هو عنده كل شهرين موعد عند استشاري الخدج و الموعد الياي ****الله أول شهر خمسة و ****الله نظمن عليه هدي آخر تطوراتنا و الدور عليكم يا أمهات بشرونا عن الكتاكيت الحلوين الله يحفظهم و يخليهم لنا يارب ...

نظراً لأهمية الملفات السابقه
ومافيها من تجارب الأخوات أحببت أن أضيف الروابط في هذا الملف لتستفيد كل ام خديج بإذن الله ...
الملف الاول للأخت الدانه النجديه
جزاها الله الف خير هي من تسببت في هذا الجمع المبارك

http://forum.hawaaworld.com/showthread.php?t=1062057

الملف الثاني للأخت ๑ أنثـﮯ ما تنسـﮯ๑
http://forum.hawaaworld.com/showthread.php?t=1277853

الملف الثالث للأخت دنيا غريبه
http://forum.hawaaworld.com/showthre...2#post26917132

الملف الرابع للأخت دنيا غريبه
http://forum.hawaaworld.com/showthre...1#post30802234

الملف الخامس للأخت أم دودي وايودي
http://forum.hawaaworld.com/showthread.php?t=1864315

الملف السادس للأخت أم دودي وايودي
http://forum.hawaaworld.com/showthread.php?t=1993659

الملف السابع للأخت دنيا غريبه
http://forum.hawaaworld.com/showthread.php?t=2154287

أتمنى من الله أن يجزاهم عنا خير الجزاء وأن يحفظ ماعطاهم وان يجعلهم من الصالحين المصلحين يارب
.....................

الحمذلله والشكر لله رب العالمين علي نعمته وكرمه علي جميع خلقه اليو رحت لبنتي بالمستشفي المذلله ىهي بخير وبذاو معا ها الرضاعه وشالوا الانبوب اللي بفمها كام يوم تجلس حتي تتعلم الرضاعه