شاركي في النقاش

سجلي الدخول لإضافة تعليق.

التعليقات

2,006
  1. وااااااااو
    شكل الابره التحضيريه تفتح النفس ع الاكل والكآبه الله ييسر امورنا ويعوض تعبنا بالحمل يارب
    اما الابرة التحضيريه ....المفروض دورتى تنزل بعد 10 ايام من الابرة ....هالمرة لا نزلت دورتى بعد اسبوعين بالضبط من الابرة ...وسبحان الله الله كتب الحمل فالمرة الثانيه ولله الحمد
  2. بسم الله الرحمن الرحيم
    -------------------------------
    جدول التجمع



    ـ{ قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ}53


    ((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا(( سورة نوح




    :26:المساندات أو في مرحلة التفكير
    -----------------------------------------------
    بنت الظهران
    مها الدوحة
    الصبورة
    بيت سعيد
    سكون
    الواله
    القطوة ميمي
    عامر قلبي







    :)المقبلات على العلاج)في انتظار المواعيد(
    ----------------------------------------------------------
    ضحكت بنتي
    السندس 2010





    :)بعد الابرة التحضيرية و في انتظار الدورة
    ------------------------------------------------------------
    واااااااااااو




    :)في مرحلة التنشيط
    ------------------------------
    code



    مرحلة الابرة التفجيرية و السحب و الارجاع
    -----------------------------------------------------------
    لا يوجد




    :)أسبوعين الانتظار ( الله يصبرهم يا رب(
    ------------------------------------------
    hr5




    :)الحوامل ما شاء الله
    ------------------------------------------
    { غير ~
    روضة٢٤
    احب اترابك يالبحرين
    صبااا
    غلا قطر
    احسان
    ريج البنفسج
    عضوه ذهبيه

    ام الولد الحلو




    :)الولادات ما شاء الله
    ------------------------------------------
    لا يوجد

    ضفت نفسي :)
  3. اخباركم يا حلوين ..

    تقرير اليوم ..بس بدون صور :)

    حاولت اطلع قبل على ٦ و ربع الصبح بس للأسف ما صار و تعطلنا و في الطريق ريلي:arb: غير شوي في الطريق يعني بيختصر بس طول .. المهم على وصلنا على السبع و ١٠ تقريبا .. قلت هالمرة بصير شاطرة و اخذ رقم للتصوير قبل التحليل .. و لما وصلت كان رقمي ١٠ سبحان الله اليوم كان هدوء و العدد قليل و كانوا بادين و الرقم واصل ٢
    رحت المختبر و حللت و دخلت الله يعزكم الحمام قلت مرة وحدة حق التصوير لان لازم المثانة فاضية و بعدين يصير طابور على الحمام وفعلا كان قبلي وحدة ...
    المهم رجعت قعدت اقرأ لين دخلت التصوير يمكن كان على ٨ ما اذكر.

    شافوني بضت و الا لا:).. خلصت بسرعة فكنت عارفة ان عدد البويضات مب وايد ..
    المهم سبحان الله .. الله يسر و رقمي ٢ عند الدكتورة فاطمة دخلت قالتلي البطانة اوكي البويضات فيه وحدة كبيرة و الباقي للحين صغار... يعني بضت بس لازم ارقد على البيض .. عندي في كل مبيض ٥ يعني المجموع ١٠ .. طبعا صراحة زعلت شوي لان ١٠ عدد قليل شوي و لما بسحبونهم يمكن نصهم يكونون فاضين و الباقي الله العالم يتلقحون و الا لا لكن الحمد لله ..على العموم قلتلها نتيجة تحليل e2 قالت مب لازم ننطر لان من التصوير كل شي اوكي بس انا هالهرمون قهرني وايد فاخاف منه .. قالتلي ابر بعد ٣ ايام ١٥٠ كل يوم علشان يكبروا و يربربوا...

    طبعا خلصت بدري ففكرت امر سنتر بوينت و الا اروح تافولا .. كانت ٨ و شوي و ما في مكان فاتح قلت اروح البيت .. طبعا ما في نوم عندي صباغ يصبغ غرفة نومي << قصة حياتي .

    و بعدها على ١١ و نص طلعت علشان موعدي مع دكتور التخدير ١٢ و نص .. وصلت و نطرت على ١٢ و نصف و شوي دخلت طبعا الاسئلة اللي حفظتها عندج عمليات قبل .. عند حساسية .. و تاخذين اي ادوية .. الخخخخخ ؟ و خلصت ..
    وسوس لي الشيطان رجعت عند الدكتور فاطمة قلتلها كم نتيجة التحليل احس اني موسوسة قالتلي صدقيني لو كان عندي شك ان مرتفع كنت قلتلج انطري للتحليل بس التصوير اوكي قلتلها بعد شوي شافته و اخيرا النتيجة = الف ..:icon28::icon28:
    طرت من الفرح ما شاء الله عليها قالتلي و اعرفت من التصوير .. انا كنت قبل لازم انطر لين التحليل ..و انا اقل نسبة جبتها ( اشدعوه امتحان ) هي ٣٠٠٠ و اعلى حد للطبيعي ٣٠٠٠ يعني انا دايما فوق الطبيعي و مرة وصلت ٤٦ الف شفت الموت ( كانوا ماعطيني جرعة غلط ) .
    اليوم كان الحمد لله موفق .. و نسيت اقولكم ان اليوم
    يوم ميلادي ..:04:


    احتفلت فيه في المستشفى .. ولعت ١٠ بيضات .

    الفوائد و الخلاصة :
    نستفيد من درس العلوم اللي فوق :

    يظهر ان التكييس راح او على الاقل اعراضه راحت لان اولا هرموني ما ارتفع ثانيا لو ان في تكييس كانت عدد البويضات طلعت وايد يعني كل مبيض ٢٠ او ٣٠ مع ان العدد قليل و كنت اتمنى اكثر لكن اتمنى ان النوعية تكون افضل هالمرة .. ايش السبب يمكن لاني هالمرة وزني اقل ٣٠ كيلو عن قبل ٣ سنوات لما سويت اخر محاولة .. وسبب ثاني ممكن ان اتبعت نظام اكل قليل النشويات كثير البروتين و الدهون و حاولت اشرب ماي قد ما اقدر لاني قريت ان هالشي يقلل فرط التنشيط عند ناس و احس ان فادني .


    و هذا تقرير اليوم .. الكلام سايح ما مرتب بس فيني النوم وولدي قاعد على راسي و ما في امل انام ..:09:


    اخبار بنات التجمع الحلوين ؟؟؟
  4. ام الولد الحلو
    اما الابرة التحضيريه ....المفروض دورتى تنزل بعد 10 ايام من الابرة ....هالمرة لا نزلت دورتى بعد اسبوعين بالضبط من الابرة ...وسبحان الله الله كتب الحمل فالمرة الثانيه ولله الحمد
    السلام عليكم
    كيفكم حبيباتي وحشتوني
    المهم كود فديت قلبج على هالتقرير الحلو والحمدلله بضتي اخيرا :icon28:والله يجعل في هالبويضات الخير والبركه وتحملين ويعني بعدج بتاخذي ابر الله يعينج
    وكل عام وانتي بخير وان شاء الله تحتفلين السنه القادمه ومعج البيبي والله يعطيج العافيه روحي نامي وريحي فديتج
    وااااااااو حبيبتي الله يسهل ان شاء الله وتجي الدوره وتبدين علاج
    بنت الظهران كيفج حبيبتي وان شاء الله تروحين وترجعين من عند اهلج بالسلامه
    اتش ار حبيبتي ان شاء الله حامل يارب وتبشرينا بالحمل وكثري من الاستغفار والصدقه وطبعا الدعاء الدعاء
    غيور حبيبتي وينج افتقدتج ربي يثبت اجنتج انتي وريج البنفسج
    ام الولد الحو فديت قلبج الف الف الف مليون مبروك غبتي عنا ورجعتي باحلا خبر يارب يثبته يارب وتجيبي احلا بنوته مثلج
    ضحكت بنتي فديتج انا عندي بنوته ربي يحفضها ويرزقني برها ويهديها ويصلحها وايد شقيه وعنيده
    مها الدوحه يابعد عمري ان شاء الله تكون اخر دوره من غير شر وتحملين بعدها على طول والشهر القادم تجي الدوحه وانتي حامل
    سندس ربي يوفقج في العلاج وتحملين يارب
    البنات اللي يسالوا عن تكاليف العلاج في حمد مره قريت في الجريده ان عملية الانابيب تكلف قرابة 10 الاف للمقيمين بس مو خليجين
    والخليجين المقيمن امثالنا نفتح بطاقه كل سنه بخمسين ريال قطري والله يجزاهم خير الدوله والحكام معاملينا مثل المواطنين
    ربي يجزاهم من واسع فضله وكرمه ويحفظ هالبلد واهله وسائر بلاد المسلمين من كل شر يارب
    بيت سعيد سكون الواله القطوة ميمي عامر قلبي كيفكم حبيباتي وحشتونا طلوا علينا شوي

    وان شاء الله الشهر القادم ابشركم بحملي ودعواتكم

تابعي تجارب أخرى من هذا القسم.