الف الحمد والشكر لك يارب ربي رزقني با ابنتي بعد انتظار 12 سنه وعقبالكم يارب // قديم

متابعة النقاش، صفحة 14

شاركي في النقاش

سجلي الدخول لإضافة تعليق.

التعليقات

117
  1. @mhb_alshrok

    ميمي بنت ابوها
    الف مبروك يارب ................وعقبال ما تشوووفين اخوانها وتشوووفين عيالها يارب العالمين وما اجمل عباراتك التي تنساب منها الفرحه والسعاده والامل ............فقد صبرتي كثيرررا واكيد تعبتي نفسيا وجسديا .............وماديا فلستوا اكيد .....…
    :):):):):):) الف مبروك ياعمرى عقبالى اللهم امين
  2. @hya_alroh_18

    صاحبة الموضوع
    محبة الشروق
    :):):):):):) الف مبروك ياعمرى عقبالى اللهم امين
    بذكرلكم تفاصيل تجربتي الاخيره 000بناء على طلب اخواتي للاستفاده----
    وطبعا كنت مستمره على الاسبرين --حمض الفوليك --حبوب هرمون الحليب--والدفستون لتنظيم الدوره----
    وجاتني الدوره بتاريخ 15 \6 وبدات المنشطات من اليوم الثاني --وصرفتلي حبوب الكرتزون --وكنت اشرب الاناناس بكثره ايام التنشيط --والبردقوش واليانسون--
    وعملت السحب بتاريخ 30\6 والحمدلله عمليه سهله وميسره وصرفتلي من يومها ابر السيوله -والتحاميل--وانا صرفت لنفسي حبوب دفستون كمثبت للحمل 3 حبات باليوم اخذها باي وقت --وبدات اكثر من السوائل وخاصة عصير التفاح والبرتقال--والماء اشرب قد ما اقدر
    وعملت الترجيع بتاريخ 2\7 ورجعتلي 3 اجنه من الدرجه الثانيه
    وارتحت عندهم من الساعه 6 المساء حتى 9 بالليل وطلعت من المشفى لبيتي في مكه 00ويومها زاررتني صديقه واخت غاليه عليه من المنتدى في المستشفى وكانت فرحتي كبيره فيها ووجهها حلو عليه --ادعولها ربي بيلغها ويرزقها تؤام بحول الله وقوته---
    رجعت بيتي وانا مشتهيه ((شيبس ليز الحار بشطه ومن يومها حتى ولدت وانا اشتهيه يوما ,,والاندومي بعد ))وحم مستعجل ما شاء الله هههههههه:confused:
    وكنت الحمدلله اقوم ببيتي بنفسي من طبخ وتحضيرات واستقبال مفاجيء:3_13_12: :7_2_103v:بحكم انه ما في احد يدري بوضعي ولا حتى ماما--\
    وكنت اصلي عادي بس حبه حبه --اكلي عادي 00نومي عادي مثل ما انا متعوده على جنبي --وطبعا اصبحت باليوم 12 من الترجيع معي دم بني ومن الخوف طيران على المختبر عملت التحليل الرقمي والنسبه كانت 70 ولله الحمد وكان يوم مميز ما انساه تفاصيله على وجه زوجي -:arb:-والتزمت الراحه حتى وقف الدم بعد يومين وعدت التحليل وزادت النسبه ل 176بس كنت متخوفه جدا وطيف الاجهاض ما يفارق خيالي من اللي شفته--ونسيت اقولكم اني طلعت باليوم العاشر من الترجيع رحت جده غيرت جو وزرت عمتي وجلست عندهم للفجر ورجعت بيتي وانا مبسوطه بعد الحبسه اسبوعين--وحصل اني بيوم من الايام وانا بالاسبوع العاشر الساعه 2 بالليل نزل عليه دم احمر وكثير والله الدنيا دارت بيه وعلى اقرب مستشفى ((الرفيع))وعملتلي سونار ولقت الجنين كويس ومافيه شي ودم مافي حتى الدكتوره شكت اني متوهمه من خوفي :09:ونصحتني بالراحه 0بكيت لغاية ما تورمت عيوني من الاوهام والخوف00
    وكنت اطلع وقت الحاجه وزيارات خفيفه بس من دون درج كثير لانه بيتي كافي فيه درج لاني 00
    وبس دخل رمضان وانا بنص الثالث والحمدلله وهاتك يا اسواق تعرفون عاد اجهز للعيد وما شاء الله دخل العيد وانا بالرابع والحمدلله قدرت اعيد مع الاهل في كل مكان ---ومن هنا كانت اول معاشره زوجيه كامله ولله الحمد:35: ((عيب)):39:مضطره حتى تكونوا على درايه الجماع ممنوع بالشهور الاولى وخاصة انه المشيمه ما اكتملت 00وهي تكتمل بنص الرابع وطبعا الدكتوره سمحت بالجماع والحمدلله
    وبس دخلت الخامس وقفت المثبتات وحمض الفوليك واستمريت على الكرتزون وابر السيوله حتى موعد الولاده 000
    وما ادري اذا في شيء ثاني اذكره --حاولت اكتب كل شي مفيد قد ما اقدر حتى افيدكم وتعيشوا حياتكم بعد الترجيع واثناء الحمل
    وكنت احضر مناسبات وافراح وطبعا اهلي ساكنين بالدور الخامس وكنت اروحلهم كل اسبوع واطلع الدرج حبه حبه وبس اوصل وانا ما اقدر اخذ نفس 0000تخيلوا 0اه اه بيت ملك مافي امل 0000ومره اخنا استراحه ودخلت سبحت مع القوم صح كنت خايفه بس اتوكلت على الله خلق جنيني برحمي قادر يحفظه والحمدلله ---
    وكنت استودع الله طفلي ونفسي وزوجي وهذي نقطه لا تنسوها ابدا في كل اموركم مع الدعاء والاستغفار والتوكل على الله
  3. @ms_dyor_2

    الف مبروك يارب ................وعقبال ما تشوووفين اخوانها وتشوووفين عيالها يارب العالمين وادعيلي بالذريه الصالحه

تابعي تجارب أخرى من هذا القسم.