ابي ارسل مسج لطليقي تكفون هاوشوني:(
بنات تكفون هاوشونى كفخوني اي شي سووا لي
كل ليله احلم بطليقي وكل يوم اكون بصراع اابي ارسله مسج
ابي اكتب له مشتاقه لك ابي اكتب له عجزت انساك
بنات هو طلقنى خلاص طلاق دون رجعه يعنى مافي امل
من رجعتنا اقول معقول نسى العشره ولا تنسوا الفضل بينكم
مرت الان خمس شهور كنت اتمنى تجي منه رساله بس يحسسنى
فيها انه ندم على طلاقه منى ليش انا عايشه بوهم الى طلق مايحب
ولا تدخلون ملفى وتشوفون موضوعي بتصفقونى لان للحين افكر فيه
بنات دعواتكم ابي انسسسسسسسسسسساه ابي يكون زي اي
شخصيه عابره ماتمر على الا بثلاث شهور لمحه ابي متالم بالليل
لمن مالقاه جنبي ابي مااتالم لمن اصبح الصبح ومايفطر معي
ابي متالم لمن تمر على الحصه الاولى الى السابعه ومحد دق علي
وقالي تبي امرك نتغدى
ابي اذا صحيت العصر ماتالم اذا مالقيته بكنب الصاله وقال شرايك
وين تبي نتمشى يالله ولمى قهوتك خل ندج
يااه ابي مااتالم اذا مديت بوزي وسفطنى كانى والجدار واحد
ابي متالم لمن تكون عندي سوالف كثيره وقصص واركب مع السواق
اروح مشواري >> من عشاق السوالف بالسياره
اه الخميس والجمعه اصعب شي كنا كل خميس نروح البحرين
ونرجع بالليل الجمعه يكون بالبحر
الله يسامحك ياطليقي الله يسامحك مااتذكر الا الشي الزين للاسف
مااتذكر شكثر عذبتنى باشياء ثانيه
الله يسامحك وبس