♥ஐ☼ {{{ تجــــمع جــــديـــــد لــبنــوتــات جـــــــده غـــ☼ـــير }}} ☼ஐ♥

متابعة النقاش، صفحة 42

شاركي في النقاش

سجلي الدخول لإضافة تعليق.

التعليقات

635
  1. ام ريان
    طيب خواتي وين ممكن الاقي البقالات الاندونيسيه ومن تدلني على وحده تسوي مساج على اصوله وخصوصا المساج التنحيفي تكفوووووووون الله يوفقكم انتظركم
    السلام عليكم ورحمة الله وبركاته ..

    دحين جا دوري يا بنات .. وورني كيف حتساعدوني ..
    أحكيكم قصتي من البداية ..

    أنا دحين سار لي بين خطوبة و ملكة خمسة سنين :( ..
    والحالة مايعلم بيها إلا ربكم .. ومشاكل مشاكل مشاكل ..
    وماعندي أحد من أهلي يساعدني ولا أعتمد عليه ..
    والحمدلله الحمدلله ألف مليون مرة وضعي المادي كويس ..
    وتعرفو الناس تتغير أحوالهم في رمشة عين ..
    والحمدلله على كل حال .. الحمدلله 37433845783454538 مرة :) ..

    خلاصة الموضوع إنو حاليا ماعندي غير مهري .. ومهري على قدي ..
    ومحد من أهلي فيه خير و حيساعدني .. ومهري 20 ألف ..
    وليا سنتين سايبة الوظيفة يعني ماعندي دخل مادي يغطي
    الأشياء إللي ناقصتني ..
    وحأتجنن ماني عارفة أيش حأسوي في نفسي :( ..
    والمهر بابا إللي شرط عليهم وقال لهم ما نبغا مهر
    أكتر من عشرين عشان لا نكلف عالولد .. وهما ما صدقـو ..
    وجات على راسي أنا :( .. يعني لو كان مهري أكتر كان قدرت أدبر
    نفسي أحسن شوية من دحين .. أستغفر الله العظيم ..

    ووالله إني بأكتب وأنا مستحية منكم .. لأني بأقرأ في ركن العروس
    إنو البنات مهورهم 40 -50 ألف وبيشتكو !!!!!! أجل أنا أيش أقول ؟؟
    عشان كدة إللي أبغاه منكم إنكم تساعدوني كيف أقدر
    أدبش دبش محترم ويبيض وجهي بالعشرين ألف هادي ؟؟
    والله حأتجنن حأتجنن حأتجنن خلالالالالالالالالالاص ..

    وبصراحة أنا طول عمري ألبس الغالي والشياكة ..
    ومعروف عني هادا الشي .. ومابدي أبين للناس غير كدة ..
    لأنو الناس ما يرحمو خصوصا أهل الزوج ..
    ومابدي أدبش دبش أي كلام وأخلي إللي يسوى و إللي ما يسوى يتكلم
    عليا وعلى أهلي وخصوصا أهل جوزي :44: .. ما أبغا أحد يشمت فيا ..
    أبغا أسوي شي أدخل بيه في عيونهم وأقول إني والله أشتريت و أهلي
    ماقصرو معايا .. مابدي أحسسهم إنو مالي أحد ..
    ومابدي أعطيهم مجال يتكلمو و يقطعو فيا :( ..

    وتعرفو إنتو لازم يوم الدبش كل أهل العروسة وأهل العريس حيكونو
    موجودين ويتفرجو عالدبش .. وحاولت أقنعهم بإنو العادات هادي
    مالها داعي .. لكن أهل العريس مصرين إلا يبغو يتفرجو ويجيبو
    أهاليهم عشان يتفرجو !!!!!!

    وأبويا مو مقتنع إنو المهر ما راح يكفي .. ويقول لي إنتي
    بطرانة وبتشتري أشياء مالها لزمة ..
    وإنتو تعرفو العروسة لازم تجهز من و إلى .. كل شي ..
    والأسعار نار .. والسوق زي الحريقة ..
    وماعندي لا أم ولا أخت ولا صاحبة توقف جنبي ..
    صاحباتي والله طيبين .. ونفسهم يخدموني بعيونهم ..
    لكن متزوجين ومايقدرو ينزلو معايا الأسواق ويساعدوني ..
    الله يسعدهم ويهنيهم ويسعدكم معاهم :) ..

    وأنا ما أنزل السوق غير مع أبويا .. يعني قـــــــــلـــــــــــــــــق
    + إحـــــــــــــــــــــراج + ما آخد راحتي في الوقت والدوران +
    ما أقدر أشتري أي شي أبغاه لأنو حتى قمصان النوم يقول لي
    بلا قلة حياء إنتي أيش تبغي بهادي الأشياء ؟؟ + الفلوس في يده +
    إذا روحت محل ماأروحه تاني + النق والكلام والتعليقات على كل
    شي وفي الآخر أتنرفز وأخلاقي تطلع :30: ..
    وأنا حأقطع شعري من القهر وأسير صلعة :22: عشان يرتاحو ..


    >>>>>>>>>>>>>>> أكمل بعد شوية ..


    تحياتي ..
    جــــــــداويـــــــــــــــة
  2. ام ريان
    طيب خواتي وين ممكن الاقي البقالات الاندونيسيه ومن تدلني على وحده تسوي مساج على اصوله وخصوصا المساج التنحيفي تكفوووووووون الله يوفقكم انتظركم
    السلام عليكم ورحمة الله وبركاته ..

    تكملة الموضوع ..
    >>>>>>>>>>>>>>>>>>>>


    عشان كدة ماني عارفة أيش أشتري ؟؟ وبكم ؟؟
    وماني عارفة كم أحط ميزانية للفستان .. وماني عارفة فين أسوي
    الفستان .. و لا تقولولي روحي الكندرة واليمامة ومدري أيش ..
    لأني عارفة إنو أسعارهم معقولة .. لكني روحت وشغلهم مرة ما عجبني ..
    أنا أحب الستايل الأوروبي الرايق + الفخم .. وماني لاقية شي
    على قد فلوسي .. إللي لقيته ناعم وبسيط ورايق ونظام زي حق الأجانب
    ( سمبل مرة ) تبدأ الأسعار من 8000 - 9000 ريال وإنتو طالعين !!!!!!!
    طيب أنا أيش أسوي ؟؟؟؟؟؟
    وأنا ماأبغا زي إللي في السوق عريان ومزلط ..
    أنا أبغا أسوي فستان بأكمام .. لأني ماألبس عريان أبدا أبدا
    أبدا والله يثبتني على هادا الشي طول عمري إن شاء الله ..
    والعريان أسعاره رخيصة .. ولمن تجي وتقولي أبغا فستان بأكمام
    على طول السعر يسير دبل .. أو يطلعو لك الموديل معفففففففن
    عشان تسوي عريان ...... آآآآآآآآآآآآآآآآآآآآآآآآآآآآآآآه ه ه ه ه ه ه ..

    أنا في الملكة بطرت وسويت كل شي غااااااالي من قهري ..
    لأني أنقهرت كتير قبل ملكتي وكتبت عن هادا الشي قبل كدة ..
    ونفسيتي كانت زي الزفت أيام ملكتي وقبلها وبعدها ..
    فحطيت حري وقهري في الأشياء إللي سويتها وأشتريتها عشان
    أفرح نفسي .. وياريتني فرحت :44: ..
    ودحين ماعندي نفس الميزانية إللي صرفتها في الملكة ..
    الله لا يزنق مسلم يارب ..

    وكمان لازم أخيط عالأقل فستانين فخمين حقت سهرة ..
    عشان إذا سارت مناسبات بعد الفرح .. وإنتو عارفين
    فساتين المناسبات ماهي رخيصة .. يعني عالأقل الفستانين
    دولا لوحدهم بين قماش وخياطة حيوصل تمنهم 5000 أو أكتر ..

    وقمصان النوم غالية ..
    والقميص حق أول يوم سعره مو أقل من 1500 ريال !!!!!!
    ومافي قمصان عرايس محترمة غير عند نعومي .. وحتى أغلبها
    مو حلوة .. بس هي إللي ساترة وطويلة وحشمة وفخمة ..
    وعلى قد مالفيت وسألت إللي أعرفهم مالقيت قمصان بيضاء وطويلة
    ومسترة زي حقت نعومي .. وكلهم يقولولي لازم حق أول يوم يكون
    فخم وغالي ..
    والقمصان العادية البيبي دول غالية وإللي بأرواب غالية والبجايم غالية ..
    والملابس الداخلية غالية .. أشقق ملابسي يعني ؟؟؟؟

    هادا غير البدل والطقوم والتاييرات والسبورات وملابس البيت ..
    ولو بدي أشتري تياب فخمة ومحترمة تنفع أحضر بيها مناسبات
    مو أقل من 1000 ريال ..

    غير الجزم والشنط والأشياء التانية إللي مو جاية في بالي
    دحين من القهر ..

    ولحاف السرير ( عندنا العروسة لازم تشتري لحاف ويجيبوه أهلها ) ..
    واللحف مو أقل من 2000 - 3000 ريال !!!!!!!!

    هادا غير حق الكوافيرة مو أقل من 2000 ريال طبعا ..

    وطبعا أنا ماني زي باقي البنات أفكر في إني أشتري
    دهب وخواتم وطقوم وسلاسل وأساور وساعات وكلام فاضي ..
    لأنو الميزانية أبدا ما تسمح .. حتى لو أبغا أشتري
    إكسسوار حيكلفني كتير .. وهادي الأشياء ماهي في بالي
    دحين ولا شايلة همها ..
    أنا شايلة هم الأشياء الأساسية إللي لازم منها ..

    يالهوووووووووووووووووووووي ..
    ترى أنا جالسة بأكتب وراسي داااااااااااااايخ ..
    ودحين قرب رمضان .. وكل شي حيكون سعره مضاعف ..
    يعني هادي كمان شغلة تانية ماكانت لا عالبال ولا عالخاطر :( ..
    وحتقولو لي ليش ما أشتريتي من زمان ؟؟
    حأقولكم أبويا كان مانعني أشتري أي شي بسبب
    المشاكل إللي كانت بتسير .. عشان لا أشتري وبعدين
    تقعد الحاجت إللي أشتريتها في حلقي ( تشاؤم 100% ) ..

    وأبغا كمان أطقم شراشف وسجاجيد صلاة ..
    إللي تجي طقم كل سجادة بشرشفها .. وتكون شي فخم .. فين ألاقيها ؟؟
    لأني لقيت عند وحدة وتقول لي الحبة بـ250 و 350 ريال !!!!!!!!
    يعني لو أشتريت 6 حبات حتكلفني 1500-2100 ريال !!!!!!!
    وأنا والله ما عندي إستعداد أدفع قد كدة على نص درزن ؟؟؟!؟!؟!!؟؟!؟
    ولا أنا غلطانة ؟؟؟
    وأهلي يقولو لي لازم تشتري 12 حبة ( درزن ) !!!!
    وأنا حأطنشهم و أشتري 6 ( نص درزن ) .. لأنو ماعندي
    فلوس .. يعني أدفع حوالي 4000 ريال شراشف وسجاجيد
    صلاة ؟؟

    ترى لا تحسبوني ماعندي خبرة .. بس أنا أتعودت أشتري
    كل شي من أماكن معينة .. وبصراحة أماكن غالية ..
    وفي أشِياء لمن تكون الوحدة بنت في بيت أهلها ما تحس إنها
    أشياء غالية .. يعني زي حكاية السجاجيد والشراشف هادي ؟؟
    وكل وحدة أتجوزت فاهمة قصدي .. لأنها ملزمة تشتري أشياء كتيرة
    بميزانية معينة .. زي كإنو إختبار لها ؟؟
    زي عرس إكسبرس :) ..


    >>>>>>>>>>>>>> أكمل بعدين لأني دخت :07:

    تحياتي ..
    جــــــداويــــــــــــــة
  3. ام ريان
    طيب خواتي وين ممكن الاقي البقالات الاندونيسيه ومن تدلني على وحده تسوي مساج على اصوله وخصوصا المساج التنحيفي تكفوووووووون الله يوفقكم انتظركم
    السلام عليكم ورحمة الله وبركاته ..

    كاااااااااااااااااااااااااااكاكاكاكاكاكاكاكاكاكاكاكا :06: ..
    دوبي وأنا ماشية شوفت نفسي في المراية بالغلط ..
    ( الأخت ماعادت تبغا شوفة وجهها :11: ) !!!!
    وأفتكرت إنو لازم أشتري مكياجات و عطورات ..
    وتوابعها :D .............
    وهادي كانت رايحة من بالي بالمررررررررة ..

    ألــطــــــــم :06: ؟؟
    ألطش نفسي :06: ؟؟

    خليني أطفي الكمبيوتر وأروح غرفتي أحسن لي ..
    ( هادا إذا قدرت أنام :44: ) !!!!
    :eek:
    شكلي حأجلس أخبط راسي في الجدران ( أسوي ديكور) !!
    والله شكلو الديكور حيسير في راسي مو في الجدار :23: ..


    تصبحو على خير :) ..

    تحياتي ..
    جـــــــداويــــــــــــــــة
  4. @admaa_alfgr

    اسمعى جداويه

    صحيح المهر الله يكون في عونك قليل ..

    لكن ادعى دائما .. ان ربنا يبارك لك فيه

    وانتى كمان غلطانه .. كان المفروض تدورين على دخل .. عشان يزيد

    الفلوس

    بالنسبه للمشتروات وخاصه قمصان النوم ..

    في منتدى العروض التجاريه شغلات في منتهى الروعه

    واسعارها معقوووله جدا

    وتجيك للبيت

    مثلا هذا الموضوع


    http://forum.hawaaworld.com/showthread.php?t=358930


    قمصانه روعه واسعاره معقوله .. وتتحاشين تكونين مع الوالد او يشوفها

    وشغلات كثير بالمنتدى اسعارها معقوله
    وتوصلك للبيت ..


    انتى متى زواجك ؟؟؟؟

    وليش ماتلبسن عريان ..حرام

    اعتقد انه مافيها شئ حبيبتى ...
  5. @albfth

    اختي ادمع الفجر اش فيها دوحة الجزيره00ليش بهدلوا ولد اختك 00كم اسعارهم
    اختي لول الف شكر حبيبتي ماقصرتي00بس يابنات كم تدفعون في الروضات 00احس اسعارها
    غاليه00كان في بالي انها في حدودالالف والخمسميه للسنه00انا مصدومه لانه عندي اثنين
    ابي ادخلهم00بالله شوفوا لي يابنات روضات باسعار حلوه00
    اختي ام العيال الحلوين الله يخليهم لك يارب00من هي خياطتكم وكيف خياطتها 00عندها
    تصميم00وكيف الاسعار00وبالاخير الرقم لاهنتي00

تابعي تجارب أخرى من هذا القسم.