خواتي العزيزات يشهد علي الله ماجيتكم وشاركت معكم الا أني أبي حل لمشكلتي
أنا أعاني :(
ذبحتني الغيره من بنت خالتي
هي أكبر مني بسنه وجمالها ماشاء الله صارخ
في ملكتي كانت متزوجه قبلي وأنا خليتها تصورني أنا وزوجي<<أكبر غلط:(
ودخلت علينا باللثام وزوجي عيونه طويله
شافها ولمح ملامحها وعيونها وخق عليها <<ما ألومه ماشاء الله هي قمر
وهي جريئه مره كانت تستهبل علينا سوو كذا وحركات بالتصوير كنت غبيه وبريئه عشان كيذا طلبت منها تصورنا وزوجي كان مبسوط على الحركات اللي تطلبها مننا وأنا كنت مستحيه :(
من بعد الملكه بالمكالمات يسئلني عنها:(
وحتى بعد العرس كل ما جا طاري اسمها قال مين.......بنت خالتك:(
ودايم يسئلني من أحلى وحده من بنات خالاتك والمشكله أخته دايم تمدح بنت خالتي عنده بجمالها
صرت اذا سويت عزيمه ما أناديها مابي أهل زوجي يشوفونها
خصوصا وقت العزيمه ببيتي ما أكون كاشخه لأني لاهيه بالتنظيف والطبخ وبعدين استقبال الضيوف
وهي تجي بكشخه وميك اب ويقعدون طول الوقت يتمقلون بجمالها ويمدحونها
بنات صرت اكرهها مره
قلبي مليان غيره منها
وأمي تحبها لأنها دايم تجيها وأنا لا لأن بيتي بغرب الرياض وأمي في الشمال:angry2:
ودايم تقول فلانه جت وحطت ولبست وكشخت وجابتلنا
وتخيلوا تمدح طبخها قدام زوجي :angry2:
غير مقارنه زوجي بزوجها والدلع اللي مدلعها زوجها ومدلع أهلها ويشتري لهم
وأنا زوجي لا مايعطي أهلي شي وبصراحه أحسن مايستاهلون لأنه ما يعجبهم العجب
أمس رحت لهم وأخذت معاي كيكة كون زون
يوم أكلوها وخلصوماشاء الله قالت امي ورا ماجبتي ثتيتن أخوانك يحبونها :angry2:
معليش اسمحيلي يا أمي زوجي مو مسؤول عنكم والمفروض تشكروني اني جبت لكم شي مب تقولون ليش وماليش
عصبت وشوي رحت كلمت زوجي ورجعت البيت
زوجي حس انه فيني بس ماسئلني
الحين بنت خالتي حامل وأنا بصراحه غرت وش أسوي
صرت أتجنب أروح لمكان هي فيه:(
ويوم دريت انها حامل غرت بعد
أنا الحين اخرسنه بالجامعه ومابي أحمل الا اذا خلصت بس يوم دريت بحملها
انقهرت مره
مدري وش فيني انا ما اغار أبدا من أحد حتى على زوجي مو مره
بس هي جننتني الغيره منها لدرجه أني احلم فيها
زوجي وأهله وأهلي كلهم معجبين فيها وفي كشختها وجمالها وسنعها
أنا الحمدلله مملوحه وأعرف أطبخ بس أمي دايم تحطمني ماتعرفين تطبخين ولا تعرفين تكشخين
تبيني ألبس قصير وبناطيل زي بنت خالتي وانا ما أحب هاللبس أبد الله يثبتني يارب
تكفون خواتي عطوني حلول أتخلص من الغيره
وهل هالشيئ اللي أحس فيه طبيعي؟؟
وأنتم يابنات تغارون من أحد؟؟
الموضوع مغلق