شاركي في النقاش

سجلي الدخول لإضافة تعليق.

التعليقات

2,004
  1. يافاويه احسن شي تروحي لجيزانيه وتعمليلها الكيك منشان نخلص من هالكيكه وكمان منشان تاكلين قطعه عشان التعب اللي تعبتيه في الترجمه



    وياخووووووووووووووووووووووفي في النهايه ماتزبط هالكيكه
    س حبيت اسالك اخت جيزانيه كم لك فتره جالسه بالمانيا بما انك انتي من السعوديه ابغى اسالك عن ارخص الخطوط الجويه اللي بتسافروا بيها للسعوديه ووين انتي في اي ولايه
  2. @blue_sky_1

    كلارا كيفك والله انا هاليومين تعبانة حاسة جسمي مكسر وبقولك المثل بيقول اللي فيا فيا لو قطعوا ايديا ورجليا يعني انا صحيح ملتهية بالاولاد بس بضل متابعة اول باول خصوصا مع المكياج ادمان بعيد عنك هههههههه
  3. @blue_sky_1

    بنات انتوا بتفصلوا الزبالة صح طيب بدي اسالكم الزجاج المكسر وين بترموه وكمان اشي هلقيت زيت القلي وين بتكبوه لانه في المجلى ممكن يسكر المجلى
  4. @behined_the_moon

    blue sky والله انك متعبه حالك حطي علي بعضه وانهي هههههه انا مش دايما بفصل بصراحه حسب فضاوتي وروقاني يعني لمااكون كتيرمشغوله باكسل افصل وبصير ادعي علي الالمان حتي الزباله الها شروط وقوانين ,,,,,,بس الله يستر لهلا ماانكشفت .وبالنسبه للزيت كبي بكيس صغير واربطيه وبعدين حطي مع البيو والاكل الي بينكب ,اما الزجاج المكسر والله ما بعرف انا بجمعه بكيس وما بعرف وين يرميه زوجي ,شوفتي كل اشي اله قصه عندهم ,وسلامتك من التعب هو الجو الي بيتعبنا لانه متقلب
  5. @am_nor_oasraaa

    صاحبة الموضوع
    هلا بنات
    كيفكم جميعا مافضيت اطل عليكم الان الان
    من الصبح مشغوله بلف ورق عنب عملت محشي كوسا وورق عنب
    ضليت ساعتين بلف فيهم لاني لوحدي واكيد من الصبح بشتغل فيهم

    وبعدنا ما تغدينا زوجي بعد ما اجا

    حلو هاي اضا يطلق علينا بنات التيرامسو
    اكيد جيزانيه ما في زعل من حكينا
    شو صار معك عزيزتي
    احسن شي اننك تطبقي اللي حكتلك عنو يافاويه الله يجزيها الخير
    لانها ترجمتلك ياه نفسو واكيد بدون جبنه
    وعمرك ما تجيبي هالبكيت
    انت اشتري البسكوت والجبنه وكل اغراضو واعملي لوحدك

    حبيبتي اريج الزهور
    طمني صاحبتك تلبس اللي بدها ياه هون
    بس النقاب اتوقع شوي صارو يصعبو امورو
    انا عني بلبس الجلباب الطويل
    بجيبهم معي كل ما بنزل عبلدي
    وعندي الصيفي والشتوي وما عندي اي مشكله وكثير مرتاحه والحمدلله
    هي صاحبتك جايه سياحه ام اقامه
    توصل بالسلامه ان شاء الله

    هلا كلارا بناتي بيسلموا عليكي ما شاء الله عليهم اشقياء
    المصيبه صايرن يتضاربو
    اليوم جيت والا انهم مقطعين بعض بيغاروا من بعض الله يهديهم
    الكورس والله شكلي ما رح روحو الا يكبروا بناتي
    لانو بعد الضهر وزوجي رافض انو يقعد معهم بهالفتره مع انو شغلو حر واغلبوا عالتيليفون
    بس ما معو طولة بال للاولاد
    هيني بستنا تيبعتلنا مشان احكي مع مدير المركز اني ما بدي واذا صار شي يكون الصبح
    بس عالاغلب كل اللي بعملو الصبح للي كثير بطيئيين بالاماني
    انا الحمدلله حكالي ما بحتاج الكورس تبع المبتدئيين
    ربك يسهل ان شاء الله
    بنات للي عندها خبره الجنسيه اللي بدو يقدم عليها ضروري لازم يكون عامل ساعات كورس
    يعني الامتحان ما بيكفي
    نفسي اخدها واخلص من هالهم

    بنوته كيفك عزيزتي
    شو ناويه عالسفر كنك
    ومشان اذا زوجك يرافق معك بدك تسالي واذا ما قبلو حاولي تعودي بنتك من هلا
    انو تتعلق بابوها
    خليه ياخد اجازه اذا ممكن
    انا بناتي كانو يضلوا عندي طول النهار والمغرب ياخدهم ابوهم بس عالنوم
    بكون ماكلتهم ومشربتهم وملبستهم كمان لاني كنت باخد معي ملابس الهم كمان
    حرام هو كمان طول ماهم عندي بيضلو ما بيتركني بيعمل كل شي بس تحت اشرافي ومشورتي لانو ما بيعرف يتصرف معهم

    واحيانا ياخدهم لغرفة الالعاب اللي بالمستشفى ويتركني ارتاح
    يعني هيك ليمضو هالايام
    بس انصحك نصيحه من هلا عوديها تنام عنده او هو ينومها ويحطها بسريرها
    وانت بس ييجي البيبي مو تهمليها دامها متعلقه فيك
    البيبي زغير ما بيفهم شي يوكل وينام اولها
    مشان هيك خلي اهتمامك كلو الها
    الله يحميها وتقومي بالف سلامه

    الغاليه عزيزتي شكرا لمرورك عنا ويجزيكي ري كل الخير على مشاركتك الحلو ه

    موني يعطيكي الف عافيه
    يالله بتهون ان شاء الله

    كيفك ربوش وكيف ولادك يا حلوه
    احلى شي لما الواحد يحكي مع اهلو
    عالم اخر

    هلا احساس كيفك
    شو حفلة شو اللي كانت عند اهلك
    يالله عقبال ما تحتفلي بولادك وهم ناجحين بالجامعات


    بلو وبيهايند كيفكم
    ان شاء الله كل شي تمام

    سلامي للجميع



تابعي تجارب أخرى من هذا القسم.