شاركي في النقاش

سجلي الدخول لإضافة تعليق.

التعليقات

166
  1. شوفي حبيبتي كل يوم اتروشي حطيي خلطة عصير ليمون اخلطي مع اي كريم مرطب وادهني جسمك و روحي افطري فطور صحي اشربي عصير البرتقال فريش و فواكه وخضروات و بعدين روحي تروشي بالليفة وصابونة تبض مثلا صابونة البابايا او الغار او شىء

    و حطي حمام زين بوناويل على شعرك يجنن و بعدين حطي زيت الفازلين و بشرتك استخدمي صنفرة كاب يبيض

    و حطي كريم بين التايواني يبيض من الخاطر و لا تنسي حمام بخار و حمام مغربي كل اسبوع وطبعا العود والبخور

    و لا تطلعي للشمس كتير الا وانتي حاطة واقي طيب
  2. @tofy_50

    اهلين اختي كتبت رد طويل وشوي الا يطير .. طارت عيوني معاه .. ابغى منك شي واحد بس تقولين لي النتايج معك لأني متحمسه وادعيلك انه يارب تعجبينه وياخذك آمييين مو تنسيني

    طبقي كل شي بقوله لك بحذافيره عشان تحصلين نتيجه مرضيه في اسبوع

    اول شي كل يوم :

    اشربي من 6 الى 8 كاسات ماي باليوم كل كاس ضيفي له ملعقه صغيره ماي ورد وضروري كاس قبل ماتنامين وكاس اول ماتقومين - كاس عصير برتقال طازج وضيفي له اوراق نعناع مجفف او افرميها انتي وحطيها - كلي تفاحتين - علبة زبادي - صحنين كبار سلطة خضرا - ابعدي عن الحلويات والاندومي والمقليات واكل المطاعم خلي اكلك صحي واكلي زين ونامي بدري بالليل وهذي نقطة مهمه جدا جدا

    ثاني شي لازم تستعملين كريمات تقشير وتبييض عشان تفتح لونك وتبرز جمالك :

    اشتريلك مقشر للوجه بالمشمش واستعمليه مرتين في الاسبوع وبالنسبة لجسمك مرة في الاسبوع وانتبهي مقشر الوجه لازم يكون للوجه واتبعي التعليمات المكتوبه عالعلبه

    كل يوم قبل ماتنامين استعملي كريم افالون للتبيض على بشرة نظيفة ادهني به وجهك ورقبتك واللي بيطلع من جسمك يوم الشوفه وادهني ايدينك وشفايفك لاتخافين مايضر الشفايف واليوم الثاني اغسليه بصابونة البابايا 1x5
    بعد الاسبوع وبعد الشوفه استعملي الكريم بس لشفايفك لمدة شهر عشان يفتحها ويطلع لونها الوردي

    وهذي صورة كريم افالون :



    وهذي صورة الصابونة :



    استعملي كريم البابايا للتبييض نفس الشي يوميا بس مو فنفس الوقت اللي بتحطين فيه كريم افالون وتكونين غاسلة وجهك وايدينك قبلها بصابونة البابايا وعادي اذا حطيتيه مو لازم تغسلينه وبعد الشوفه وقفي الكريم

    صورة كريم البابايا :



    اذا بشرتك مو حساسه فركي وجهك وايدينك كل يوم بليمون وخليه 20 دقيقه بعدين غسليه لأن الليمون معروف انه يفتح

    استعملي الغسول التالي مرتين يوميا يقفل المسام المتوسعه ويعطي نضارة للبشره واستمري عليه حتى بعد مايخلص الاسبوع

    اغلي كاسين مويه عالنار لين تفور وبعدين حطيها في علبة زجاج وضيفي لها قشور برتقال وقشور ليمون مقطعه صغار وسكري العلبة وخليها ساعه ونص لين تاخذ المويه اللون وصفي المويه من القشور بعدها حطيها في الثلاجه واستعمليها مرتين يوميا << للأمانه هالطريقة ناقلتها من النت

    بعد مايخلص الاسبوع وتخلص الشوفه اشريلك كريم تبييض طبي واستعمليه لأماكن السمار في جسمك لمدة شهرين .. اسألي الصيدلاني عن افضل كريم واقل ضرر وعادي انه يكون غالي ورح تستفيدي وتشوفي الفرق اذا انتظمتي عليه

    الشي الثالث ونقطة مهمه اللي هي يوم الشوفه :

    لاتكثرين مكياج ابد لأنك سمره عشان مايقول انك شينه عشان كذا مكثره مكياج ولا تحطين ظل خليك طبيعيه

    حطي لك كريم اساس يناسبك ونفس لون بشرتك عشان يطلع طبيعي ولاتسين رقبتك .. البلاشر لون حلو يناسبك ومايكون قوي خليه ناعم

    اشتري لك رموش من MAC وركبيها مع كحل خفيف ولازم الكحل خفيف لأن الرموش تكفي عشان تبرز جمال عيونك

    الروج اذا شفايفك غامقه لاتفكرين تحطين روج يلمع لأنه بيبرز سمارها واذا خف لونه بيبان السمار حطي روج ناشف ومايكون يلمع اكشخ .. الروج الاصبع .. خلي لونه شوي قوي ويناسبك عشان يلفت انتباهه لجمال شفايفك

    البسي ملابس ساتره تبرز جمالك وتخفي عيوبك ولون بناتي يناسبك ولازم تكون كشخه وناعمه وشعرك استشوريه في مشغل وخليهم يسوونه سايح وحطي عليه ورده او تاج ( طوق ) عشان يحس انه جمالك طبيعي وبناتي خصوصا انه ماعنده خوات ومو متعود يشوف بنات واهم شي العطر يكون ناعم مو قوي مثلا عطورات اسكادا ناعمه وحلوه

    وصيري طبيعيه معه وابد لاتتصنعين

    ولاتنسين تقولين لنا النتايج ماحطيت الرد الا لعيونك

    وعقبال ماتاخذون بعض

تابعي تجارب أخرى من هذا القسم.