هلا بنات عملت تحليل الدم وما في حمل
موعد التحليل الاصلي الاحد الجاي 9/5 وما افكر اعيد تحليل ولا شي لان كل اعراض الدورة فيني احب آكل حلويات وشوكولا واحس بالبرد واحب انظف ووو فانتظر قدوم الدورة وتركت الادوية من اليوم ما بشرب قالت لي الدكتورة اذا ما طلع حمل تركي التحاميل وبس بنتظر تتحسن ظروف زوجي نجمع لنا قرشين ونعيد الكرة على بداية شهر 7 ان شاء الله
اصلا موعدي الاحد ويا الدكتورة اقول ما ادري ليش اروح ما له داعي دام ما كو حمل انتو شرايكم؟؟ ممكن تعرف السبب ليش ما صار حمل مثلا؟ وغير جذي ما بستفيد بالعكس بتعب اكثر
احس ابي آخذ راحة شهرين علشان استعد للعملية الي بعدها لان الناس ذبحتني بكلامها وخصوصا اهلي
احس بآلام في ظهري ما ادري من آثار العملية يعني؟؟ صار لكم جذي بنات؟؟
تجمع البنات المقبلات على اطفال الانابيب في قطر والحوامل الجزء السابع
متابعة النقاش، صفحة 149
