بنت ترفض وجود أختها معها بنفس الحمولة..المجربة لمثل هالوضع تدخل مشكورة

أسعد الله أوقاتكن


عزيزاتي الحوائيات
الله لايخليني منكن
عندي صديقة لها بنت متزوجة من سنة تقريبا.... وأخو زوجها ( حماها بلهجتنا )
متقدم يخطب أختها اللي اصغر منها بسنة....
العريس الجديد ما فيه عيب
وأهله كذلك أجواد ومسالمين
وقايلين انه راح يحطها ببيت مستقل زي بيت اختها

تقولون

ويـــــــــــــــــــــــن المشكلة؟؟؟؟

المشكلة

ان اختها المتزوجة ولدهم الكبير رافضة ان اختها تتزوج حماها الصغير (أخو زوجها )
وما جابت سبب مقنع لرفضها
الا انها تقول
مو زين اثنيننا نفس الحمولة!!!
كذا ما كأني تزوجت وأستقليت عنكم تقصد أهلها ؟؟؟!!!
وبعدين يقارنون بيننا ومين احسن ومين تطبخ ومين تزور اكثر ومسلسل المقارنات....
وانجبر اي شي تسويه اختي اسويه لهم لأنهم يقولون ليش فلانة كذا وانتي كذا؟؟
وخاصة ان راتب زوج الكبيرة كويس ومتعودين يسافرون مرتين وثلاث بالسنة
وخايفة ان اختها ما يقدر زوجها يسافر بها ويصيرون يمدحون الصغيرة اكثر
ومن هذا القبيل
وتقول بعد خايفة لو كان بينها وبين زوجها خلاف تتأثر علاقتها بحمولتها وزوجها وكذلك لو صار العكس

وتبي تسمع رأيكن بالموضوع

اللي جربت هالحالة (زواج الاختين من اخوين ) أو شافت احد بهالوضع ما رأيها ؟؟

ولو كنتي الأم كيف تتصرفين تزوجين بنتك لهالعريس او ترفضينه على شان أختها رافضة؟؟؟؟؟

وشكرا مقدما لكل من تخط حرفا.

350 تعليق 27,394 مشاهدة

شاركي في النقاش

سجلي الدخول لإضافة تعليق.

التعليقات

332
  1. @albndry_38

    عن تجربه شخصيه ارفض هذا الزواج بشده لو كان العريس ملك الدنيا بالي فيها والله معاها حق البنت الكبيره
  2. @roh_mgahdh

    احس الأخت الكبيرة عقلانية وتفكر بعقلها ،، بس هي تبي مصلحتها ومصلحة اختها من المشاكل لأن في مثل يقول الشر يعم والخير يخص،،والأخت الكبيره نضرتها بعيده ،،وفيها حكمة ...
    بس اكيد راح يزعلون اهل زوجها لو أختها رفضت ..وراح تتغير المعامله معها اكيد عن أول..لأنه اكيد بيقولون هيا السبب ورا ان اختها ماتوافق..
    نجي للأخت الصغيره ماأشوف لها رأي ابد..وبعدين المفروض ان البنت ماتوافق..على اي خطيب يتقدم لها الا بعد استخاره،،لأن الزواج زي البطيخ ياحمرا ياقرعا ىوإستخارة ربنا هيا اللي راح تدلها طريق الخير لها،،
    تكلمت كثير ،،وماكتبت رأيي ..انا مع الأخت الكبيره ،،بس لازم تتحمل ردة فعل حموانها،،
    وبس
  3. @zngbyla

    اختي خطبها حمى اختي الثانية ورفضت خوفا من المقارنات لأن اهل الزوج راعين مقارنات ويقطون كلام لو بالمزح فهي من باب اولى قالت الزم ماعلي اختي ورفضته والله يخلف عليها بالخير والبركة وطبعا هي استخارت

    خلي اختك الصغيرة تستخير واللي ربي ييسره هو الخير
  4. روح مجاهده
    احس الأخت الكبيرة عقلانية وتفكر بعقلها ،، بس هي تبي مصلحتها ومصلحة اختها من المشاكل لأن في مثل يقول الشر يعم والخير يخص،،والأخت الكبيره نضرتها بعيده ،،وفيها حكمة ... بس اكيد راح يزعلون اهل زوجها لو أختها رفضت ..وراح تتغير المعامله معها اكي…
    نفس الراي -الشخصي طبعا-

تابعي تجارب أخرى من هذا القسم.