شاركي في النقاش

سجلي الدخول لإضافة تعليق.

التعليقات

2,006
  1. @lyn_1980

    sunflower777777
    اشلونم بنات والله اني أفرح شوفة أساميكم القديمة والجديدة لاني من المتابعات من زمان وان شاء الله يوفق الجميع وقلوبكم على بعض ... الحمدلله على كل حال شرفت الدورة اليوم العصر ومادري اروح آخر الاسبوع حسب طلب شحاتة الاعادة التحليل أو اروح بكرة…
    الله يرزقج الحمل عن قريب ان شاء الله بس لازم يعطيج شحاته على سبب فشل العمليات السابقة وانا اقول استخيري على د ريم الكردي وادعليلي انا اخذت الابرة التحضيرية وانتظر الدورة والله كريم
  2. @lyn_1980

    بيت سعيد
    السلام عليكم هلا بنات ..اشتقت لكم ..لا خلا ولا عدم اتمنى ربي ييسر لكم كل اموركم اللي علاج واللي سحب واللي حمل ..يارب وارحب ترحيب حااااااار ليــــــــــــــــــــــــــــن وام الولــــــــــــد الحلو ومنورين ...ربي يرزق الاولى …
    اهلا بعودتج وياريت دائما تطلين علينا والله يعوضج قريب وربي يعلم شكثر فرحت بخبر حملج بس الله كريم يرزقنا انا وانت في يوم واحد
  3. شخباركم يا بنات
    و كل اللي سأل عني .. مشكورين و جزاكم الله كل خير . اليوم كان حافل و للحين البنج ضارب في راسي :)

    المهم خلوني كالعادة اعطيكم اليوميات بالتفاصيل " المملة "

    يومياتي

    يوم السبت على الثمان كنا حاجزين انا زوجي في فندق قريب من المستشفى لان صراحة المكان الخاص بالرجال كلش مب انساني و انا بيتي بعيد و ما اضمن الزحمة الصبح ومنها نغير جو قبل العملية تعشينا هناك و على العشر صيام بس و الله ما همنى الاكل همنى الماي . لكن الحمد لله على كل حال .
    طبعا اللي كان موجود في المستشفى ذاك اليوم بعد ما اقول السالفة اللي صارتلي بيعرفني لان اعتقد الكل عرف موضوعي و انا داخله وطالعة لكن مب اشكال اللي اعرفوني و شافوني استروا على ماواجهتوا :)

    الصبح وصلت المستشفى ٧ و ربع وصلت دخلت من باب الرجال:arb: اللي ورا جنب باب الطواري مع زوجي . اهو تم يسلم العينة و انا دخلت قالولي للحين رقمج ٤ طلعي خلصي اوراقج .. خلصت و نطرت .
    دخلت وحدة انيقة قالت اليوم رابع يوم الدورة و سجلت و اقعدت جنبي بعد فترة سولفنا مع بعض الا قالت انتي كود .. قلتلها اكيد انتي وااااااو ( فلم هندي ) الدنيا صج صغيرة يعني ما قعدنا الا عند بعض خخخخ بس صراحة مثل ما توقعتها و اكثر ما شاء الله عليها تدخل القلت ( ترى صج مب علشان بتقرين الكلام ) ..
    نطرت و نطرت العمليات كانت زحمة الارقام كانت وصله اعتقد لين ٧ . دخلت و خذوا طولي ووزني و لبسوني الاسوارة و بعدين قالوا وقفوا لان الدكتورة فاطمة عندها عمليات طواري طلعوني مرة ثانية . نطرت بس انا ادري ان مفعول الابرة ينتهي على ١٠ بعدين واااااااو و اختي قالوا قوليها خل اي دكتور يسويها لج فكلمت الممرضة قالت دخلي غرفة العمليات قوليلهم كلموها قالت ان الدكتورة مريم يتسويلي السحب بدالها بعدها بسرعة دخلوني على ٩ و نص و لبسوني اللبس مال مستشفى المجانين اللي فيه تهوية من ورا خخخ و الكاب و جاتنا الممرضة انتي ليش حاطة مكياج في عينج قلتها مافي شي حرتني قلتلها جمال رباني :42:و بسرعة دف على العمليات

    في العمليات
    شلت نفسي من السرير اللي كنت فيه و نقلوني على سرير العمليات رفعوا ريولي على الحدايد نفس مالت الولادة ( ما ادري ايش يسمونها ؟) المهم ركبولي الابرة مالت المغذي في يد و الضغط في اليد الثانية و حطوات الكليب مال الاكسجين في صبعي في اليد اليسار وركبولي ٣ استكارات مدورة مالت القلب جهة الصدر و بعدين خدودج حمر في مكياج قلت بعدددد مللتوني انا متوترة مسكت الممرضة ويهي قالت وايد حارة قلتها وحدة داخل على عملية اكيد بتحمر و تتوتر .و بعدها حطولي الاكسجين و واير ثاني داخل الاكسجين قالوا اوكي نبدا سكروا الليت و انا اقول يا ربي متى تفكوني قالوا يالله .. قبلها كنت ادعي و قلت اللهم يامن لا تضيع ودائعة استودعك نفسي و اولادي و زوجي و كل من احب . قالوا لي قولي اسمج كامل .. قلته و خلاص الدنيا راحت .

    الافاقة
    فقت افكر انا وين كانوا ناقليني الاستراحة . اقوم و ارقد .. و على هالحال . قلت نادوا اختي قالوا بعدين . و رقدت فترة طويله و قمت قلت كم سحبتوا ؟؟ راحت و ردت قالت ما شاء الله تبارك الله ٢٤ بويضة .. دمعت عيني من الفرحة اول مرة الحمد لله الحمد لله ..ما شاء الله ما توقعت بس ان شاء الله يتلقح منهم شي و يكون فيهم خير العبرة مب الكثرة العبرة في الجودة . و بعدها قلت ما بي الاكسجين شيلوا شالوه و بعدين قلت عطشانة .. قبلها كنت اقول حق وااااو اني جوعانة بس صراحة لما فقت مع الم البطن ما كان في جوع كان عطش بس . بعدين جابولي شاي و حليب و الفطور كالعادة كله خبز .. خبز مربع ومدور و طويل كل الاشكال خخخ كلت شوي و قلت بسي:09: عطوا اختي الوصفة تصرفلي التحاميل حق ٣ ايام .. يوم ولدي كنت اخذ مثبت سايكلوجست هالمرة شي مكتوب عليه بروجسترون يمكن نفس الشي ما ادري قلتها باخذه مثل القديم من ورا و انتوا بكرامة قالت اوكي عادي لان الصراحة من جدام حوسه ووساخة . و بس قالولي اتصلي بكرة الساعة ١٢ الظهر علشان تعرفين كم تلقح .قلتلهم اخذ مسكن في البيت علشان الالم قالوا اخذي بندول او بروفين انا يوم رجعت خذت بروفين وايد ريحني و نمت و طول اليوم اقوم و انام و الحمد لله و لولا رحمة الله ما تيسر شي لي اليوم .

    ملاحظات
    انا جربت السحب مرتين عند مريم و مرة عند شحاتة - سامحيني واااو - مريم وايد ارق في التعامل يعني انا مريم اول مرة سحبتلي ١٢ بويضة و شحاته ٧ و هالمرة ما شاء الله ٢٤ بس مع ان شحاته سحبلي بس ٧ وايد تالمت بعد العملية وايد و قالولي انه ترك بويضات ما سحبها سوتلي مشاكل بعدين حسيته يستعجل بس مريم ما تخلي شي كله البويضات تسحبها و الدم وايد وايد قليل مقارنة مع المرة اللي سحبلي فيها شحاته تم معاي الدم ٣ ايام و المفروض كل ما زادت البويضات و زاد السحب زاد الالم لانها بدخل و طلع الابرة لكن الحمد لله مع البروفين كل شي تمام .

    الزحمة رهيبة ما صدقوا قلت بطلع علشان ياخذون سريري كان في وحدة حاطينها مع سريرها في وسط غرفة الاستراحة .

    سالت الممرضة عن تقنية الليزر انا كنت اطلبها منهم قلتلها هل لازم اطلب قالت لا اللحين يسونها تقريبا للكل يعني لو بيرجعون لي ٣ ممكن ٢ يسونهم بالليزر وواحد لا . او بيشوفون ملفي اذا كان عندي قبل بيسونه . بس قالتي بعد عطيهم hint تلميح انج تبين .

    و بس ادعولي يا رب يبارك في البويضات مثل ما قتلكم العبرة مب في العدد في النوعية و صج ان هالمرة ما شاء الله اكثر مرة... بس اخاف ان النوعية ما تكون وايد اوكي و اتمنى ان يتجمد لي شي لان ولا مرة تم لي شي لين التجميد .

    و بس دعواتكم ..:)
  4. hr5
    هلا بنات مشكورين والخيرة فيما اختباره الله بكرة عندي موعد مع الدكتورة فحص رابع يوم من الدورة تقول تبي تتطمن على سلامة الرحم انا ما لي خلق اروح المشفى هالفترة بس احسن اتطمن على صحتي لان احس بطني وايد منتفخ للحين وانا ناوية اعيد العملية ب…
    الحمد لله .. تسلمون ..شوفوا يومياتي فوق .. كتبت قصة حياتي :)



    مرحبا بكي في دائرة الادمان .. الله يوفقج يارب وايد استانست اني شفتج و تعرفت عليج .
    مع اني بعدين قلت حق اختي ما سألتها انتي ايش اسمج ؟ انا اعرف الاسم الحركي بس خخ :39:



    تسلمين يا عمري و مشكورة على النصيحة ..انتي متأكده انها دورة بعد روحي حللي سبحان الله ما تدرين على العموم الله يكتبلج الخيرة .و استخيري ..و ما دام ٤ مرات عند شحاته جربي غيره.




    اي صح الابرة التفجيرية مب اليوم اللي قبل العملية اليوم اللي قبله بالليل مب ٢٤ ساعة ٣٦ ساعة قبل العملية يعني من ١١ بالليل لين ١١ بالليل اليوم اللي بعده ٢٤ ساعة و من ١١ الليل لين ١١ الصبح ١٢ ساعة المجموع ٣٦ انتي المفروض يسون لج العملية قبل ١١ الصبح الثلاثاء. المفروض الورقة مكتوب عليها التواريخ . الله يوفقج يارب انا عندي ارجاع بإذن الله يوم الثلاثاء .



    مشكورة .:)
    لا روحي تطمني و بعدين مادام بطنج منتفخ شوفي لا يكون فيه سوائل و ساير فرط تنشيط و سبحان الله ... و الله يعوضج خير يا رب .
  5. @dhkt_bnty

    كود
    الحمد لله على السلامة وتستاهلين بعدد بويضاتج وان شاء الله تتلقح بويضاتج وترجعينهم وتحملين فيهم
    وجمدون لج اكبر عدد
    تصدقين كود انا لين سويت عملية السحب ما همني كم وبويضة تجمدت حتى ما سئلت وعرفت العدد الا لين ما نجحت عمليتي سئلت

    وااااااااااااااااااااااو
    موفقة حبوبة في الابر اخاف تدمنين على الابر وتصيرين مثل كود

    اج ار
    روحي فحصي نفسج احسن لج والله يعوضج خير

تابعي تجارب أخرى من هذا القسم.