السلام عليكم
كيفكم يا حوائيات ...
مشكلتي هي اغلب مشاكل البنات .. تأخر الزواج انا عمري 30 سنة وللحين ماكتب لي النصيب
في الاول كانو يجوني عرسان كثير وبحكم اني كنت ادرس بالجامعة رفضت لاني كنت والحمد لله متفوقة واهلي كان لهم نفس الراي
والله العظيم كنت من المتوسط وانا انخطب لاني الكبيرة وكان لي بنات عمي بعمر الجامعة وانا بالمتوسطة ماكن يجيهم خطاب كثير وما تزوجو بدري وانا كنت دايم اروح لهم لانهم ماشاء الله 7 بنات وانا وحيدة بين 7 شباب
كنت اقضي وقتي كله عندهم امي كانت مدلعتني مافي شي ماتجيبه لي الله يخليها لي بحكم اني وحيدتها كنت احس نظرات
الحسد بعينوهم بس كنت اعتبرهم خواتي الكبار لان كان حلمي يكون لي اخت واسولف معها باخر الليل واقولها اسراري
المهم كانو مرات يستلفو مني اغراضي وماكنت اقول لا استحي ولما كانت انخطب كانو يسالوني مين هو ومن جابه لكم
انا كنت استحي واقولهم مادري وفعلا ماكنت اعرف لان امي كانت ترفض بدون ما تشاورني بحكم اني صغيرة
واستمر الوضع لما تخرجت من الثانوي وهما باقي ما تزوجو وحدة فيهم قالت انتي من اول ما تتخرجي ما راح تطولي ببيت اهلك على طول زواج وكنت اسكت ماقول شي واسمعهم يسالو من وراي عن اللي يجيوني ولما اروح فرح او مناسبة ووحدة تطالع لي حتى لو نظرتها بريئة وعادية مو قصد زواج فسروها على انها تبي تخطبني وقالو هذي عيونها عليك ومادري وشو وتريقة كنت اخذ الموضوع عادي واسكت لان الزواج ما كان ببالي وقتها وامي الله يحفظها لي كانت تقول لامهم كل شي يعني اخباري ومين تقدم لي ومين عينه علي والحريم اللي يكلموها عشاني كانت تقوله لامهم يعني مرت عمي بحسن نية وتعرفون كلام الحريم كثير .. انا كنت انقهر من هذي الصفة ودايم اقول لامي لا تقولي لها كل شي
بس امي عادي عندها بعدين بنات عمي انفتح نصيبهم وسارو ينخطبو وحدة ورا الثانية وبنفس الوقت يسحبو علي
يعني هل اهتمامهم فيني وانا سرت اتحسس اروح لهم الحين هم متزوجات كلهم الله يوفقهم بحياتهم عمري ما حسدتهم لاني انا اصلا اصغر منهم كلهم كنت احضر زواجاتهم وارقص لهم رغم اني حاسة انهم مسارو مثل الاول معاي بس قلت مابي شي يتغير من ناحيتي الحين لما خلصت جامعة وانتهيت ماسرت مثل قبل ما عاد احد يجي يدق الباب كنت لما اروح اي مكان ايام الثانوي الاقي وحدة او ثنتين داقة على امي مثلي مثل اي بنت مو جمال زايد ولكن والحمد لله ربي اعطاني
والكلام هذا مو من الحين وبعد ما كبرت لا من زمان من اول سنة بالجامعة او ثاني سنة يعني من عمر 22 تقريبا لاحظت هالشي بس انا اصلا ما في بالي الزواج وما كنت اشغل تفكيري فيه بس الحين حسيت اني كبرت وامي تبي تفرح فيني وكل اللي بسني متزواج وغيري اقل مني جمال وشكل انا عارفة انه نصيب مو سالفة جمال او شي ولكن فيه اسئلة كثيرة ببالي معقولة ولا احد ؟؟ حتى لو ظروفه اي كلام مو مشكلة بس ابي احد يدق الباب اقل شي سرت اسمع كلام يجرح من زوجات اخواني ومرات من اخواني انفسهم اعرف ان الكلام بدون قصد بس برضه يجرح
اعرف انه نصيب بس مرات اقول ممكن يكون من بنات عمي ؟؟ ونظراتهم لي زمان ؟؟ سرت استرجع الماضي والكلام والاسلوب طبعا الحين العلاقات سارت رسمية بحكم ان كل وحدة بديرة مع زوجها
طيب لو منهم فعلا كيف اقدر اخذ منهم شي وكل وحدة بمدينة ثانية واذا تجمعو مااظمنهم كلهم لانهم مرات يجيون عشان ابوي يسلمو عليه
اذا فيني عين او نفس كيف العلاج ؟؟ وايش هيا الرقيا الصحيحة ؟؟
وهل تكفي الرقيا الشرعية والا كمان اخذ اثرهم انا نفسي اكلم احد من طرفهم يكون ثقة يجيب لي وضوئهم بس مابيهم يعرفون انه انا مابغى نظرات الذل من احد ابدا لاني ماظمن الاثر
كلمت امي عن الموضوع هذا بس امي ما استجابت لي وقالت تتوهمين ..وانا مالي خوات ومستحيل اقول لزوجات اخواني طيب مين يساعدني بالموضوع هذا وكيف اسويه لحالي كيف اجمع اثرهم لحالي بدون علم امي استحي اقول لامي ابي اسوي كذا عشان اتزوج انا مو مرة صريحة بالامور هذي مع الوالدة
محتارة ابغى مشروتكم هل اللي افكر فيه صحيح .. والا مجرد اوهام انا قلت بسويه مو خسارنة شي بس نفسي احد
يكون معاي وبنفس الوقت يحفظ سري
يارب انت ادرى بما في نفسي فاعني يارب وسهل اموري ولا تشمت بي احدا ياارب العالمين
اللي بترد تدعي لي واللي ما ردت لا تبخلي على بدعوة في ظهر الغيب تكفيني
شاركي في النقاش
سجلي الدخول لإضافة تعليق.
التعليقات
44- الله يساعدك ياارب
ارقي نفسك يااختي العين حق
وحااولي تاخذي من اثر بنات عمك واستخدميه بالطريقه الشرعيه
واقري سوورة البقرى عشان اذا في شي يرووح ان شاء الله
حافظي على اذكرا الصباح والمساء
تقريبا حصل لي مثلك والله يبعد عنا الشر
وحسبي الله ونعم الوكيل - الله يفرج همك العين حق دوري اي موقع رقيه واتبعي الطريقه الصحيحه
الله يرزقك بالزوج الصالح التقي النقي - انت تقولي ان كل وحده تجي تسلم على ابوك يعني كل وحده تجي لحالها صح
طيب اذا زارتكم وحده قدمي لها قهوه او شاي واذا خرجت خذي فنجالها
وهكذا سوي مع كل وحده تجيكم بدون ما يعرف احد لاامك ولا ابوك ولا هم ولا اي احد
واذا تبين رقيه افتحي على اليوتوب واختاري رقيه وارقي بها نفسك كل يوم والله يوفقك - الله يرزقك الزوج الصالح
- ياعمري عليك لاتشيلي هم وبأذن الله نصيبك يجي وتفرحين قريبآ
لاتوسوسين وإذا بتطمنين أرقي نفسك بأّذكار المساء والصباح يوميآ وحُسن التوكل على الله وأثر بنات عمك إن ماقدرتي تاخذين من أثرهم صدقيني ربي ماراح يخيب رجالك لاطلبتيه ودعيتيه وحصنتي نفسك بالأذكار وسورة البقره حتى
آلله يرزقك الزوج الصالح اللي تقري عينك فيه يارب ياكريم هب لها ولجميع بنات حواء الأزواج الصالحين وأغنيهم بحلالك عن حرامك وبفضلك عمن سواك
لاتنسين الأذكار + الدعاء + قيام الليل + قرآة القرآن بشكل يومي
وخلاص لاسويتي هالأشياء لااااااااتشيلين هم وبأذن الله ربي بيحميك ويزيل كربك كلها ولاتنسي الأستغفار
مواضيع مشابهة
تابعي تجارب أخرى من هذا القسم.