بنات موضوعي واضح من عنوانه
الله رزقني بزوج
حنووون وطيب
ماشاءالله لاقوة الا بالله
مره طايرفيني ومايقولي لا
بس انا بس اتهاوش معه واتدلع عليه
واقول له هكلام ماينقال لو واحد ثاني ساطرني كف
بس هو يزعل شوي وبعدين يقول ليه تسوين كذا والله اني احبك:(
مره جافه معاه
المصيبه يابنات
اننا بكره نكمل شهر من زواجنا
ماعمري اكلت معاه
للحين استحي آكل معه :44:
حتى هو يقول ليه ماتاكلين معي
نطلع المطاعم هو يروح قسم الشباب وانا العوايل
كل واحد ياكل لحاله :09:
والسبب انا
وش هالحال
ساعدوني بنات
شاركي في النقاش
سجلي الدخول لإضافة تعليق.
التعليقات
51- يا اختي نصيحة مني
اذا تحملك يوم ما بيتحملك يومين
حاولي تغصبي نفسك بالبداية وبعدها بتتعودي على الوضع
والله يوفقك - حبيبتي في البداية يكون تعاملك صعب معه لكن بداية الحل واضح من كلامك إعترافك بأنك أنتي الغلطانة فهدي الجو شوي (وإذاحبيبك عسل لا تلحسه كله وكثر الدق يفك اللحام )وأقولك كذا عشان بعدين ماتتحسفي القساوة حلوة في حالات بس اللين أحلى خاصة توكم معاريس ونصيحة أستمتعي بكل لحظة ترا الفترة هذي يصير لها ذكريات حلوة والله يهديك ويدلك على الصواب
- ياعمري
تيب انتي وش شعورك تحبينه ولا لا
والله ياقلبي زوجك دره نادره ثمين بالمره
ماشاءالله مستحيل تلاقين زييه
لا تخسرين حوبه على اشياء تافه
حبيه غصب هاذا الحل
وكولي غصب والبسي وتزيني كله غصب
واضحكي الضحكه الكاذبه
لكن تدرين كل ذا بيتجول ان شاء الله مع الوقت وبتعشقينه
وماتنسين الجي لله انه يسخرك له ويسخره لك
والله يسعدك بحياتك يارب - يااااااعمرى أنتى ترى هذا دلع أول الزواج وتوكم بتكملو شهر يعنى بدرررى على أنه يوريكى العين الحمرى
خوذيها منى نصيحة أكسبية اللحين بما أنه شاريكى وموشايف خطاك قبل لاتعدى الأيام ويبداء يفوق من العسل ويشوف جفاك وتخسرية
ترى أغلب الرجال أول سنة زواج عسسسسسل ودلعععععع
لكن
بعد كذا خلاااااااص يبداء الجد وتبداء الحياه الزوجية
وأذا أحتويتية بيظل طول عمره يعيشك بدلع ودلال والعكس صحيح - ذكرتيني ببداية زواجي ...بس ترى مع الوقت ماراح يتحمل ...واكيد انك صغيره في سنك ..
ثقفي نفسك من خلال بعض المواقع الزوجيه في النت واحترمي زوجك عشان يحترمك
وهذا شي مهم جدا في العلاقه بين الزوجين ..لا تغلطي عليه بالكلام ابدا لانه ماراح
ينساها حتى ولو عداها لك في البدايه ..لكنها تسوي حاجز في النفس مع الوقت
اذا تبغينه يكون طيب معاك لازم تكوني انتي بعد طيبه ...وبالنسبه للحياء مع الوقت بيخف
لكن وجوده حلو في شخصية المرأه ..
مواضيع مشابهة
تابعي تجارب أخرى من هذا القسم.