التجمع ال 35 للمقبلات على عمليه أطفال الانابيب والحقن المجهرى ومنتظرات نتيجه التحليل

متابعة النقاش، صفحة 197

شاركي في النقاش

سجلي الدخول لإضافة تعليق.

التعليقات

1,920

  1. @fryzy

    السلام عليكم ورحمة الله وبركاته
    اللي عندها علم ترد علي مين راحت عند الدكتورمجدي الشيخ ماني عارفه كيف اخذ اول ميعاد لما الدورة تجي اللي تعالجت عندة يلريت ترد في اقرب وقت

  2. @tata_alshokolat

    والله نوراليا شكلها عند الدكتور فواز دحين تلاقي عيونها معلقه في شاشة الألترا ساوند مالها حس عبال ما تشوف عتريس باشا

  3. @mlamh_ghla_1

    السلام عليكم ورحمة الله وبركاته
    مساءكم طيبه وخير ورضاء من الرحمان
    انا الامل موجود2 وكنت عضوة هنا بس مدري ويش صار في يوم دخلت كالعاده :) الا ويطلبون مني تعبئة البيانات في الملف الشخصي وكل مااعدل يجي لي التاريخ الميلادي الذي ادخلته غير صحيح وعلى هذا الحال اسبوعين :( الا معلق عليها بعد ..حاولت ادخل على قسم الشكاوي الامحظورة الدخول الي اي قسم والله نفسيتي تعبت :44:
    ودخلت بالنك هذا ملامح غلا..خساره مشاركتي الاولى فوق 1000
    وراحت كذا ..:09::09:
    والي تعرف تحل لي المشكله الله يرزقها ماتتمنى ومن واسع فضله يارب يارب ويفرج لها كربة من كرب يوم القيامه..

    طولت عليكم بشرح نفسي لاني غريبه بالنك وجديد


    بسم لله وببدا معاكم قصتي
    انا والحمد لله عندي ولد عمره 9سنوات.الله يحفظ ويصلح بسم الله ماشاء الله..
    ومع مر سنين على ولادته وبداية السنه الرابعه رحت اكشف وتقريبا كل شيء سليم ..وبعدها قررت اروح مستشفى خاص وقالوا عندك انسداد في قناة فالوب وطلبت مني الدكتوره موعد للاشاعه وعملته,وطلعت النتيجه سليمه مافي انسداد .بعدين طلبوا تحاليل من زوجي والحمد لله طلعت النتيجه نقص وتشوهات في الحيونات المنويه .بعدها قررنا نستخدم ادويه شعبيه عسل معها ادويه ناسيتها ..واستمر زوجي عليها شهرين .وبرضوا مافي اي تحسن..وقبل سنه رحت للمستشفى سمير عباس وقررو علينا اطفال انابيب بنسبة لحالاتنا .وكل مره نبغى نبدا بالعلاج الا تجي ظروف ناخرها والحمد لله على كل حال..
    وبشهر ربيع الاول قررنا نعملها ورحنا للدكتور عثمان سندي من ثاني يوم للدوره وشاف التحليل وسويت بعض التحليل للهرمون وكل شيء اؤكي ..وبديت اخذا ابره تحت الجلد وفي العضل كل يوم مدة 11 يوم وكل مره اجي لعيادة يسوي لي الدكتور اشاعه سانوار للمهبل وعنق الرحم وكل شيء اؤكي وتمام..و صرف لي ابره تفجيريه اضربها يوم الثاني عشر وضربتها وبعدها بيوم جيت للمستشفى عشان سحب البويضات وكنت صائمه من الساعه 12 ونص تقريبا مساء وحظرت الصباح الساعه 9انا وزوجي وطلبوا من زوجي السائل المنوي عن طريق الاستمناء ودخلت العمليه الساعه 12 وصحيت تقريبا ع الساعه 12 ونص لانه تخدير عام ولما صحيت حسيت ببرد ورعشه في جسمي الااشوف زوجي عندي ويتحمد لي ع السلامه ويطلب من الممرضه تجيب لي غطاء زياده لين حسيت اني الرعشه والبرد راح والحمد لله..وقال لي زوجي ان الدكتور عثمان سندي جاه بعد العمليه وقال انه سحب مني 6 بويضات ممتازات واحجمهم كويسه واول ماتتلحق البويضات نتصل عليكم..ضليت ساعتين بدون اكل وبعدها جابت الممرضه وجبة الغداءو صرف لي الدكتور حبوب جوسبرين وحامض الفوليك وحبوب لمدة 15يوم ناسيه اسمهاوتحاميل مهبليه ..وبعدها بساعه ونص طلعت من المستشفى وانا كل امل ورجاء من الله تتلحق اكثر من بويضه..
    بعدها بيوم اتصل الدكتور وقال اتلحقت بويضه وحده وبكره ان شاء الله يتم الترجيع .
    حضرت في يوم الترجيع وبعد ساعه تقريبا ونص تم عملية الترجيع وجلست ساعهوبعدها جري للحمام وانتو بكرامه لان لازم تكون المثانه مليانه وقت الترجيع والعمليه بدون تخدير وماتأخذ اكثر من 10 دقائق..وكان الدكتور وقت الترجيع يقول ادعيه وخليني اردد معاها والحمد لله.. واعطني ابره تثبيت بعد العمليه بنص ساعه مع الاستمرار على العلاج السابق..
    واخذت تقريبا 5 ساعات في المستشفى وخرجت طلب من اعمل تحليل HGCالرقمي يوم 15 من الترجيع يعني بعد اسبوعين ..
    وكنت امارس حياتي بشكل عادي بدون جهد ورزجي الله يخليه لي ماقصر كان اي شغل متعب يقوم يسوي بنفسه ..
    حسيت في يوم الرابع من الترجيع بالالام واتهاب حاد ومزمن بالبول وانتو بكرامه ونقاط دم مع مجري البول ..اتصلت على الدكتور وطلب اسوي مزرعة للبول واطلعت النتيجه جرثومه في البول وانتو بكرامه..وخفت استخدم مضاد حيوي وسيبته لاني خفت يأثر على الاجنه..وصرت بس اشرب مويه كثير وانا بنتظار موعد التحليل بفارغ الصبر..وجاء اليوم المنتظر وسويت التحليل..وطلعت النتيجه 350<1 اقل من واحد واستنيت الدوره ماجات وعدت التحليل بعد 48 ورفعت النتيجه 2 واستنيت الدوره وعدت التحليل وبرضوا 2 ..كلمت الدكتور وقال وقفي الادويه والدوره تنزل بعدها طبيعي..
    والحمد لله على كل حال وان شاء الله بعيد المحاوله مره ثانيه والله يرزقنا كلنا جميعا بالحمل المعافى والسليم في القريب العجل يارب

    معليش كتبت قصتي من البدايه للين النهايه ..لاني عضوة جديد وماينفع كل يوم انزل واكتب اكثرمن رد..واعذروني
    اشوفكم على خير واستودعكن الله

تابعي تجارب أخرى من هذا القسم.