بنات لو خطبكم امريكي او اوربي توافقو

البنت من جنسية عربية

طبعا لا اختي
لا من ثوبي ولا اني من ثوبه الله يرزقنا جميعا

انا اقول ..لا .. ما اشوف انها مناسبه
والله اعلم يمكن تكون نظرتنا غلط

بس اللي مو خاش مخي كيف يخطب ..وكيف يبي يتزوج وهو لسى طالب
يعني هاذي صعبه الزواج مسؤليه ومصاريف ..
مايقدم عليه الا واحد اموره مستقره ..
مو طالب ومغترب وتوه مسلم جديد
ما اشوفها صح
والله اعلم

اذا كان القرار راجع للبنت نفسها بدون تدخل أهلها ومجتمعها فأي مسلمه حقيقيه ماراح تلتفت للجنس والعرق بل راح تلفت للدين والأخلاق، بالنسبه لي الشخص الي دخل حديثاً في الأسلام أفضل مليون مره من الشخص الي ورث دينه من أهله،يعني أستمرار لوراثة الأشياء من عادات وتقاليد الخ!

الشخص الي كان على دين ودخل الأسلام بقناعته وخياره هذا شخص عنده عقل وفكر ويستحق انو الوحده ترتبط فيه،بعكس اخوانا العرب الي لو كانوا على دين غلط ماراح يتزحزحون عنه، مع هالعصبيه المقيته اللي تضللهم واللي ورثوها من أجدادهم، وتشهد عليها هالنعرات القبليه والطائفيه.

بالنسبه للي تشوف الرجوله في عيالنا فو الله مافيه شيء يسد النفس غيرهم،تطبيقهم للدين غلط ومفهومهم للرجوله غلط،مستويات اخلاقيه سيئه وتتبع للفضائح مقيت،وابشع سفراء لهذا الدين الا قله ممن رحم ربي.

وبالنسبه للي خطب صديقتك هو يقدر يتزوج اي وحده لكن واضح انو أختياره قائم على الدين ويبي له وحده تثبته على الأسلام والا يكفيه جمال بنات العجم وتحررهن في اختيار ازواجهن من العنصريه بدليل انهن يتزوجن من اعراق مختلفه وديانات مختلفه ولكن أن شاء الله الله يعوضه باللي أفضل منها واللي ماعندها عنصريه وولائها لدينها فقط.


القرار ذا يحتاج وحده شجاعه في دينها اذا كانت مقتنعه بالولد وأخلاقه.

الله يرزقك بالزوج الصالح على هالفكر المستنير.