شاركي في النقاش

سجلي الدخول لإضافة تعليق.

التعليقات

2,006
  1. كود حبيبتي طمنينا عنك يارب امورك طيبه ورجعولك احلى بيبيات ياااااااارب يثبتون وتفرحين يارب
  2. السلام عليكم
    كل اللي سأل تسلمون
    و الله ما ادري ايش اقولكم الحمد لله على كل حال .. اموري تعقدت بشكل ما تتخيلونه . و كان في دراما و احداث.
    باختصار انا عندي رحم ذو قرنين و عيالي جبتهم في اليمين وقت الترجيع كانوا د مريم و د فاطمة مع بعض في البداية الخطة كانت انهم يرجعون ٢ يمين و ١ يسار .
    يدخلون الانبوب يسألون مالت التصوير تقول يسار يطلعون و يحاولون مرة ثانية تقول يسار على كلامهم اهم يدخلونه يمين بس اهي تقول يسار و تقول ان الرحم جهة اليمين ملتف على داخل .اخر شي قالوا خلنا نرجع ٢ في اليسار و بعدها بنحاول نرجع ٢ في اليمين رجعوا ٢ في اليسار حتى ما ادري متى خلاص كنت تعابة مر علي اكثر من ٢٠ دقيقة رجلي مرفوعة و الحدايدو العدة مركبة فيني . و بعدها نادوا شحاته يحاول كنت سبيل اليوم كل واحد يحاول .. كان في البداية رافض و يقول ان المكان اللي دخلناه بسهولة يكون اهو احسن بس بالتصوير اليمين كان سمكه احسن قلتله مب انت قلتلي ان اليسار اعتبريه قطعة لحم قالي انا كبير و خرفت ( شكيت انه يقرأ الكلام اللي كتبته عنه في المنتدى اهني :) ) المهم قلتله حاول حاول قال انا في اليمين بعد مالت التصوير قالت لا يسار فاخر شي قالي شوفي مدام رجعنا ٢ خلي ال٢ اللي موجودين مدام من الدرجة الاولى لا تخربيهم و تقطينهم ٤ على بعض .اشرايج نوقف خلاص كنت واصله حدي بعد اكثر من ٣٠ دقيقة قلت خلاص ماابي وقف .
    طلعت على غرفة الاستراحة حسيت اني خلاص ابي اصيح بديت اصيح و الكل كان يجي عندي و يهديني . جاتني الدكتورة مريم قالت ليش تصيحين و احنا ما علينا من مالت التصوير و احنا ان شاء الله نكون دخلنا يمين . و بعدها جات الدكتورة فاطمة و قالت نفس الكلام و طبعا الكل يتكلم عن المرة الجاية بتكون مجمدة و سهلة لو الله كتب
    طبعا بعرف ايش عندي مجمد يوم الخميس ..
    صراحة قمت من هناك بسرعة و رجعت البيت كل اللي نمته يمكن اقل من نص ساعة و كل ما ابي حتى ادعي للاجنة اقول استغفر الله ادعي ليش شي اللي انا عارفة ان ما راح يصيرون و مكانهم غلط . بس رجعت البيت نمت و بعد ما قمت كان ربي ربط على قلبي و احس اني احسن و بتم اليوم راقدة و بكرة حركة خفيفة و الله يكتب لي اللي فيه الخير سواء يمين او يسار لو ربي كاتبه لي راح يكون .
    سبحان الله كنت اطمن كل الناس اللي ناطرين برة و ما توقعت كلش.
    نفسيتي اللحين احسن الحمد لله ..دعواتكم ان الله يكتبلي الخير وين ما كان بس انا صراحة زغلت على نفسي مريت على الكل و انكشفت على الكل و الحمد لله على كل حال .
    نسيت اقولكم ان جهاز التصوير في غرفة العمليات من اول ما فتحوا قسم الانابيب عمر الجهاز ١٤ سنة غيرتوا كل الاجهزة ليش هالجهاز ما تغير .


    دعواتكم ......
  3. دعوة للتفائل ..

    تاريخ التحليل راح يكون يوم ٢٥ - ٥
    موعد الولادة المتوقع ٣١ -يناير -٢٠١٢
    الوقت المتوقع لانغراس الاجنة ١٨ - مايو
    انتهاء عملية الانغراس ٢٢ -مايو



    المصدر http://www.ivf.ca/duedate.php
  4. code
    السلام عليكم كل اللي سأل تسلمون و الله ما ادري ايش اقولكم الحمد لله على كل حال .. اموري تعقدت بشكل ما تتخيلونه . و كان في دراما و احداث. باختصار انا عندي رحم ذو قرنين و عيالي جبتهم في اليمين وقت الترجيع كانوا د مريم و د فاطمة مع بعض في ا…
    ياحبيبتي ياكود لا تحاتين اذا الاجنه خير لج الله يثبتهم لج يارب ياكريم وكل اللي صار لج اليوم بأجره ان شاءالله مايضيع عند ربي والله يكفي انك كنتي تخففين ع الناس اللي برا اكيد رب العالمين بيسوي لج الي فيه خير لج وعجبتيني انك تفائله سبحان الله كلهم نفس الكلام يعني ان شاءالله يكون كلامهم صح ولا ضيقين نفسج ان شاءالله تنجح هالمره واذا الله مااراد لج ان شاءالله بتعيدينها بأقرب فرصه انتي صغيره بس انا متفائله خير يااااااااااااااااااااااااااااااااااااارب ان كان في اجنتج خير يثبتهم لج

تابعي تجارب أخرى من هذا القسم.