أكبر تجمع لطرح قضايا واهتمامات صاحبات المشاغل (1)

ياليت احد يفيدني من كوفيرات جده باخذ دورة شعر عندها لاني دورت مالقيت
الله يجزاكم الجنه

السلام عليكم خواتي العزيزات
والله الزباين بيجننوني مدري وش يعجبهم
تصورو حاطه اي خدمه 20 ريال
وعرض اذا سويتي خدمتين لك الثالثه مجانا وبرضو يكاسرون
مدري وش يبون:42:
اليوم الزبونه شعرها مغطي ظهرها وكثير ما شاء الله وتبيه ب 20
قلتلها لا 50
طلقت لسانها على تقول ليه مو عشرين انتم نصابين
قلتلها حبيبتي احنا كاتبين الاستشوار ابتداء من 20
ما عجبها سبتنا وراحت:angry2:
وزبونه جت قالت ابي اقص غرته بنتي قلتلها 10 انهبلت على قالت ما راح ادفع غير 5
مدري وش يعجبهم وش يرضيهم
والله اشوف اسعاري مرره حلوه:(
معليش كثرت بلهذره بس والله تعبت من الناس

فيزا فلبينية للبيع
للراغبات مراسلتي على الخاص او العام

تحياتي

تقولينه انا صار عندي ضغط من الزباين امس قصيت وحده ب10 ريال البنت عمرها 9 جابت امها5 وقالت بس مافي غيرها على انها موافقه على السعر قلت لها ما احللك فيها تكاسرين وبعدها تخصمين
وفي الاخير تتريق خمسه بس ولا تحلليني طيب ماتشوف نفسها خمسه متسددها
والثانيه تبيني اطلع لها اسوي لها مكياج وتقول الاغراض اغراضي يعني تبي مكياج بيتها وتبيه 35 ريال تخيلو
والثالثه تبي دوره مكياج قلت لها 1000 ريال قالت الحين فترت ركود ليه هذا المبلغ قلت لها انا بعطيك صنعتي
قالت تبين بخمسين
بالله عليكم لما تجيكم هذي الاشكال وش تسون

اصلا مااعطيها مجال انها توصلني لهذا السعر ,,, وبعدين الدفع مقدما عندي بالمشغل ,, واللي تبي تجيب مكياجها من الاول اقولها نفس السعر مكياجنا او مكياجك لانه المشكله مو بالمكياج المشكله بالوقت اللي تجلس معك الكوفيرة ,,ودايما خلي اعصابك هااديه وخذي المسائل بهدوء وابتسامه حتى ان الزبون يخجل منك ,,ومااحسس الزبونه ابد اني ماعندي زباين ,, اعرض عليها خدماتي واترك لها حرية الاختيار ومااجادلها ابد ,, يعني مو عشان ماجاني احد اليوم بالمشغل ارخص للزبونه مررررره ,, الوسط حلو ,, انا قبل سنين كنت موظفة بقطاع خاص وكانت عندي دورات عن فن التعامل مع العملاء وكانت رااائعه جدا استفدت منها كثير في مشرووعي .